KPT+

ទម្លាប់ចុងសប្ដាហ៍របស់មនុស្សជោគជ័យដែលគួរតែស្វែងយល់

បានផុស

៤ years មុន

នៅ

ថ្ងៃព្រហស្បតិ៍ ១១ កុម្ភៈ ២០២១

ដោយ

សាង ស្រីល័ក្ខ

ទទួលបានជោគជ័យ មិនមែនមានន័យថា អ្នកត្រូវតែអភិវឌ្ឍគំនិតថ្មីៗ ដើម្បីដោះស្រាយបញ្ហា និងធ្វើអ្វីផ្សេងទៀតឥតឈប់ឈរនោះទេ។

អានអត្ថបទនេះ ដើម្បីបានដឹងនៅអ្វី ដែលបុគ្គលជោគជ័យ បានធ្វើនៅចុងសប្ដាហ៍៖

១. ផ្តាច់ខ្លួន

ចាប់ផ្ដើមសម្រាកនៅចុងសប្ដាហ៍ ដើម្បីធ្វើអ្វីមួយដែលធ្វើឲ្យអ្នកស្ថិតក្នុងស្ថានភាពល្អប្រសើរ ផ្នែកអារម្មណ៍។ មិនថាជាការលេងភ្លេង ការគូរគំនូរ ឬការលេងកីឡា ដែលអាចអនុញ្ញាតឲ្យខ្លួនអ្នកទៅជាសកម្មភាពមួយ សម្រាប់ផ្ដាច់ចេញពីការងារ និងជួយជំរុញការច្នៃប្រឌិតកាន់តែខ្ពស់ថែមទៀត។

២. ធ្វើលំហាត់ប្រាណ

ការធ្វើលំហាត់ប្រាណគឺជាវិធីមួយក្នុងចំណោមវិធីល្អបំផុត ដើម្បីពង្រឹងរាងកាយនិងជម្រះគំនិតមិនល្អចេញ។ អ័រម៉ូន endorphins ដែលមាននៅក្នុងខួរក្បាល នឹងជួយបំពេញបន្ថែមនៅផ្នែករាងកាយរបស់អ្នក ហើយវាក៏អាចបង្កើនទម្លាប់នៃការគេងផងដែរ។

៣. សមាធិ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រាល់ព្រឹកថ្ងៃអាទិត្យអ្នកអាចបង្កើតទម្លាប់សមាធិមួយម៉ោង ឬពីរម៉ោង។ សមាធិ ផ្ដល់នូវការសម្រាកដល់ផ្លូវចិត្ត ហើយវាប្រៀបដូចជាការសាកថ្មឡើងវិញនៃផ្នែករាងកាយ។ ប្រសិនបើអ្នកមិនចង់ធ្វើសមាធិទេ គ្រាន់តែជ្រើសរើសសកម្មភាពលំហែកាយណាមួយ ដែលអ្នកពេញចិត្ត។

៤. នៅជាមួយពេលវេលាតែម្នាក់ឯង

សូមចំណាយពេលតែម្នាក់ឯងរយៈពេលពីរ ឬបីម៉ោង នៅថ្ងៃសៅរ៍ ឬពេលព្រឹកថ្ងៃអាទិត្យ វាអាចជាវិធីដ៏ល្អមួយដែលធ្វើឱ្យអារម្មណ៍តានតឹងថយចុះ និងផ្ដោតអារម្មណ៍ល្អឡើងវិញនៅដើមថ្ងៃច័ន្ទដំបូង។ ព្យាយាមឆ្លុះបញ្ចាំងពីសមិទ្ធផល និងផែនការរបស់អ្នកសម្រាប់សប្ដាហ៍ខាងមុខនេះ។

៥. សាកល្បងអ្វីដែលថ្មី

វិធីដ៏ល្អមួយដើម្បីពង្រីកគំនិតរបស់អ្នកបន្ថែម គឺត្រូវសាកល្បងអ្វីដែលថ្មី ដូចជាការអានសៀវភៅ កំណាព្យ ដើម្បីទទួលបានការច្នៃប្រឌិតនិងចំណង់ចំណូលចិត្តថ្មីមួយទៀត។

ការលាយបញ្ចូលគ្នាចេញពីទម្លាប់ធម្មតារបស់អ្នក នឹងជួយឱ្យអ្នកឈានដល់ការច្នៃប្រឌិត នៅពេលដែលអ្នកត្រូវការការបំផុសគំនិតថ្មីៗ នៅក្នុងអាជីពការងារ។

៦. ដំណើរផ្សងព្រេង

ធ្វើការផ្សងព្រេងជាមួយមិត្តភ័ក្ដិ ឬតែម្នាក់ឯងនៅចុងសប្ដាហ៍ ក្រោយចប់ម៉ោងការងារ វាពិតជាផ្ដល់ឱ្យចិត្តរបស់អ្នកបានធូរស្រាលពីជំនួញ ឬការងារដ៏រវល់របស់អ្នកមិនខាន ៕

ប្រែសម្រួល ៖ សាង ស្រីល័ក្ខ

ចុចអាន៖ការស្រាវជ្រាវរកឃើញថាមានបងស្រីធ្វើឱ្យប្អូនៗក្លាយជាមនុស្សល្អ ទោះកាចជាងបងប្រុស

ចុចអាន៖ដឹងគន្លឹះនេះ អាចឲ្យយុវវ័យចូលចិត្តដើរកម្សាន្តជាមួយអ្នកផ្ទះជាងមិត្តភ័ក្ដិ

Related Topics:មនុស្សជោគជ័យ