KPT+

នៅក្មេងមានមិត្តល្អច្រើន ជួយកាត់បន្ថយជំងឺភ្លេចភ្លាំងពេលដល់វ័យចំណាស់

បានផុស

៤ years មុន

នៅ

ថ្ងៃសុក្រ ១២ កុម្ភៈ ២០២១

ដោយ

លទ្ធផលស្រាវជ្រាវរបស់ សាកលវិទ្យាល័យ Rochester រដ្ឋញ៉ូវយក សហរដ្ឋអាមេរិក បានឲ្យដឹងថា អ្នកដែលមានមិត្តភក្តិល្អៗច្រើន ឧស្សាហ៍ចេញធ្វើសកម្មភាពខាងក្រៅ មិនសូវស្រេ្តសក្នុងអារម្មណ៍ នឹងជួយបន្ថយហានិភ័យ ជំងឺភ្លេចភ្លាំង រវើរវាយ នាពេលចាស់ទៅ។

ការស្រាវជ្រាវរបស់សាកលវិទ្យាល័យខាងលើ បានធ្វើឡើងរហូត រយៈពេលជាង៥០ឆ្នាំ ពោលគឺបានតាមដានទៅលើអ្នកស្ម័គ្រចិត្ត ដែលអាយុតាំងពីវ័យជំទង់នៅអំឡុងទសវត្សឆ្នាំ១៩៦០។ លទ្ធផលជាភាគរយបានបង្ហាញថា អ្នកដែលមានគូកន មិត្តភក្តិច្រើន គឺមានអត្រាហានិភ័យជំងឺភ្លេចភ្លាំង និងរវើរវាយ ថយចុះ៧% នៅពេលពួកគេអាយុ៧០ឆ្នាំ បើធៀបនឹងអ្នកដែលពុំសូវមានមិត្តភក្តិច្រើន ឬពុំសូវមានសកម្មភាពច្រើននៅវ័យជំទង់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយលទ្ធផលសិក្សានេះ ក្រុមអ្នកស្រាវជ្រាវបានសន្និដ្ឋានថា ក្រុមអ្នកចូលចិត្តសប្បាយ មានមិត្តច្រើន គឺមានទំនោរសកម្មច្រើន ដែលបង្ការពួកគេផុតពីភាពឯកោ ដែលបង្កឲ្យមានជំងឺរវើរវាយ និងឧស្សាហ៍ភ្លេច។

ដោយឡែក ការស្រាវជ្រាវមួយផ្សេងទៀត ធ្វើដោយសាកលវិទ្យាល័យខាងលើដដែល ដឹកនាំដោយ លោកវេជ្ជបណ្ឌិត Benjamin Chapman ជាសាស្រ្តាចារ្យសាកលវិទ្យាល័យផ្ទាល់ ក៏បានរកឃើញដែរថា ក្រុមយុវជនដែលពុំសូវមានស្ត្រេស ពោលគឺ មានអាកប្បកិរិយានឹងនរ និងអារម្មណ៍ស្ងប់ពេលដោះស្រាយបញ្ហាផ្សេងៗ ក៏បានជួយបន្ថយកម្រិតហានិភ័យខាងលើរហូតដល់១០% ជាហេតុបង្កឲ្យមានភាគរយតិចក្នុងការជួបហានិភ័យខាងលើ។

តាមលទ្ធផលនេះ ក្រុមអ្នកវិទ្យាសាស្រ្តបានឲ្យដឹងថា បញ្ហាស្រ្តេស គឺជាកាតាលីករសំខាន់បំផុត ដែលជំរុញឲ្យ មនុស្សនាពេលដល់វ័យចំណាស់ ឧស្សាហ៍កើតជំងឺរវើរវាយ និងភ្លេចភ្លាំង។ ៕

អត្ថបទផ្ដល់សិទ្ធិ៖ Hello Krupet

ចុចអាន៖ញ៉ាំសាច់ត្រីអាចជួយស្រ្តីវ័យចំណាស់ ការពារខួរក្បាលពីបញ្ហាបង្កដោយខ្យល់ពុលបាន

ចុចអាន៖របបអាហារ ការពិនិត្យជាតិស្ករ និងលំហាត់ប្រាណ ចំពោះអ្នកជំងឺទឹកនោមផ្អែម