អគ្គនាយកដ្ឋានយុវជន ជ្រើសរើសកុមារ៤រូបដើម្បីចូលរួមកិច្ចប្រជុំកុមារអាស៊ី-ប៉ាស៊ីហ្វិច២០២៤

អគ្គនាយកដ្ឋានយុវជន ប្រកាសជ្រើសរើសកុមារកម្ពុជា ៤រូប ដោយមានកុមារី ២នាក់ និងកុមារា ២នាក់ ដែលមានអាយុចន្លោះ ១០ឆ្នាំ ដល់១១ឆ្នាំ ដើម្បីចូលរួមកិច្ចប្រជុំកុមារអាស៊ី-ប៉ាស៊ីហ្វិច ឆ្នាំ២០២៤ នៅFukuoka ប្រទេសជប៉ុន។

កម្មវិធីនេះរៀបចំឡើងដោយមានប្រតិភូពី ៤០ប្រទេសចូលរួម ដើម្បីផ្លាស់ប្តូរវប្បធម៌ និងឥរិយាបថគ្នាទៅវិញទៅមក។ កម្មវិធីនេះ មានគោលបំណងសម្រាប់ឱ្យកុមារនៅក្នុងបណ្តាប្រទេសក្នុងតំបន់អាស៊ីប៉ាស៊ីហ្វិចធ្វើគម្រោងពាក់ព័ន្ធនឹងកុមារក្នុងបណ្តាប្រទេស និងតំបន់អាស៊ីប៉ាស៊ីហ្វិច ដោយគិតលើប្រទេស តំបន់ និងវប្បធម៌ ជាមួយនឹងការផ្លាស់ប្តូរគ្នាទៅវិញទៅមក។

កាលបរិច្ឆេទផុតកំណត់ទទួលពាក្យនៅថ្ងៃទី ១០ ខែមករា ឆ្នាំ២០២៤។ សម្រាប់កុមារដែលចូលរួមត្រូវមានឆន្ទៈក្នុងការចែករំលែក មានភាពរីករាយនៅពេលជួបមនុស្សថ្មីៗ អាចចែករំលែកពីវប្បធម៌ ប្រពៃណី ទំនៀមទម្លាប់នៅក្នុងស្រុកបាន។ លក្ខខណ្ឌសំខាន់មានដូចជា មានសញ្ជាតិកម្ពុជា បច្ចុប្បន្នជាសិស្សនៅសាលាបឋមសិក្សាទាំងសាលារដ្ឋ និងឯកជន។ ត្រូវកើតចន្លោះថ្ងៃទី១ ខែសីហា ឆ្នាំ២០១២ និងថ្ងៃទី៣១ ខែកក្កដា ឆ្នាំ២០១៣ និងត្រូវមានលិខិតឆ្លងដែនផង។

សម្រាប់ព័ត៌មានបន្ថែម និងការដាក់ចុះឈ្មោះចូលរួមក្នុងកិច្ចប្រជុំកុមារអាស៊ី-ប៉ាស៊ីហ្វិច ឆ្នាំ២០២៤នេះ អាចចូលតាមរយៈតំណភ្ជាប់ https://forms.gle/fuPSdpEkHjbDxbhG6 ៕