KPT+

កុំឲ្យអាជីវកម្មត្រូវបរាជ័យនៅក្រោយវិបត្តិកូវីដ គួរធ្វើយ៉ាងណា?

បានផុស

៤ years មុន

នៅ

ថ្ងៃសុក្រ ១២ កុម្ភៈ ២០២១

ដោយ

អាជីវកម្មមិនមែនតែងតែរីកចម្រើនជានិច្ចដូចពេលភ្លាមៗកាលពីបើកដំបូងឡើយ! មិនថាអ្នកខំប្រឹងយ៉ាងណា ថ្ងៃខ្លះនឹងអាចជាប់គាំងឬលែងដំណើរការ ដូចក្នុងរយៈពេលកំពុងផ្ទុះជំងឺរាតត្បាតនេះជាដើម។

ដូច្នេះ អ្វីដែលត្រូវធ្វើជាប្រញាប់ដើម្បីការពារអាជីវកម្មមានដូចជា៖

១. ពិនិត្យឡើងវិញនូវសាច់ប្រាក់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលអាជីវកម្មជាប់គាំង សូមពិនិត្យមើលថវិកាឲ្យដឹងលំអិតអំពីហេតុផលដែលធ្វើឲ្យអាជីវកម្មលែងសូវដំណើរការដូចមុននិងថា តើស្ថានភាពនោះអាចនឹងមានរយៈពេលយូរប៉ុណ្ណា?

ក្រឡេកមើលទឹកប្រាក់ដែលចេញរាល់ថ្ងៃ ហើយសូមបញ្ឈប់ ឬផ្អាកការចំណាយដែលមិនចាំបាច់ ក្នុងកំឡុងពេលនេះ។

២. ធ្វើផែនការយុទ្ធសាស្ត្រថ្មី

វិភាគអំពីអ្វីដែលកំពុងដំណើរការ ហើយអ្វីខ្លះដែលមិនដំណើរការ។ គួរសម្រេចចិត្ត តើការផ្លាស់ប្ដូរអ្វីខ្លះដែលអាចជួយធ្វើឲ្យមានភាពខុសប្លែកគ្នានៅក្នុងវិស័យនេះ និងរៀបចំផែនការជាថ្មី។ កំណត់ពេលវេលាជាក់ស្ដែង ដើម្បីពិនិត្យមើលការផ្លាស់ប្ដូរទាំងនេះ ប្រសិនមិនឃើញលទ្ធផល វាដល់ពេលត្រូវប្ដូរវាម្ដងទៀត។

៣. កសាងបុគ្គលិកលក្ខណៈពិសេសនៃសេវាកម្ម

ខ្ញុំខុសពីអ្នកដទៃត្រង់ណា? នេះជាវិធីល្អបំផុតមួយ ដើម្បីទាក់ទាញ ត្រូវយល់ពីអតិថិជន។ អភិវឌ្ឍបុគ្គលិកលក្ខណៈសេវាកម្មឬផលិតផលយើង ដោយទទួលយកមតិប្រតិកម្មពីដៃគូឬអតិថិជនហើយក៏អាចពិចារណាធ្វើការស្រាវជ្រាវទីផ្សារ ឬមើលទិន្នន័យដែលមានស្រាប់។ ការស្វែងយល់អំពីព័ត៌មានទំាងអស់នេះ គឺចាំបាច់ព្រោះនៅក្រោយកូវីដគ្រប់គ្នាតែងផ្លាស់ប្តូររបៀបរស់នៅ ដេកដើរឈរអង្គុយនិងហូបចុក។

៤. ធ្វើការស្រាវជ្រាវអំពីគូប្រជែង

តើអ្នកកំពុងបាត់បង់អតិថិជនទៅគូប្រកួតប្រជែងរបស់អ្នកមែនទេ? ប្រសិនបើមានករណីនេះ អ្នកគួរតែប្រើពេលវេលាស្ងប់ស្ងាត់ណាមួយ ដើម្បីស្រាវជ្រាវពីរបៀបដែលដៃគូប្រកួតប្រជែងរបស់អ្នក កំពុងទាក់ទាញអតិថិជនគោលដៅរបស់អ្នក។

ក្រឡេកការផ្ដល់ជូនរបស់គូប្រកួតប្រជែង និងសកម្មភាពទីផ្សាររបស់ពួកគេ ហើយវាយតម្លៃពីចំណុចខ្លាំងនិងចំណុចខ្សោយ រួមគ្នា។

៥. តាមឲ្យទាន់និន្នាការថ្មី

បញ្ហាប្រឈមដ៏ធំបំផុតមួយដែលអាជីវកម្មមាន គឺបើសម្របខ្លួនមិនទាន់នឹងនិន្នាការទីផ្សារ។ ប្រសិនបើអាជីវកម្មស្ងាត់លែងដំណើរការ ដូចបើកដំបូង សូមប្រើពេលវេលានេះ ជាឱកាសមួយ ដើម្បីមើលពីរបៀបដែលឧស្សាហកម្មរបស់អ្នកកំពុងវិវត្ត ដើម្បីត្រៀមខ្លួនរៀបចំសម្រាប់នាពេលអនាគតបន្តទៀត៕

ប្រែសម្រួល៖ សាង ស្រីល័ក្ខ

ចុចអាន៖មូលហេតុដែលមិនគួរយកមិត្តភក្ដិ មកចូលធ្វើការជាមួយ ឬមកជាកូនចៅ

ចុចអាន៖ត្រូវប្រុងប្រយ័ត្ន! បីយ៉ាងបណ្តាលឱ្យធ្លាក់សម្ភាសន៍ការងារភ្លាមៗ

Related Topics:អាជីវកម្ម