វត្ថុធម្មតាៗតែតម្លៃរាប់លានដុល្លារ ហើយច្រើនស្ថិតនៅក្នុងផ្ទះអ្នកចាយលុយពេញដៃដូចសេដ្ធីប៉ុណ្ណោះ

លើពិភពលោកយើងនេះ មានផលិតផលធម្មតាមួយចំនួនដែលយើងប្រើប្រាស់រាល់ជាប្រចាំថ្ងៃ និងមានតម្លៃថ្លៃជាងតម្លៃធម្មតារបស់វាតិចតួចប៉ុណ្ណោះ។ ប៉ុន្តែមិនមែនរបស់ពិសេសដែលយើងប្រើរាល់ថ្ងៃមានតម្លៃសមរម្យមនោះទេ ខណៈដែលក្រុមហ៊ុនមួយចំនួន ផលិតការបោះពុម្ពវត្ថុទាំងនោះមានកំណត់ ឬផលិតផលដែលប្រើតែមួយដង​ តែចំណាយប្រាក់អស់មួយធនាគារ។

យ៉ាងណាក៏ដោយ ភាគច្រើនរបស់ថ្លៃៗធម្មតា អាចទិញបានដោយអ្នកមានលុយ ដែលមានរសនិយមទិញរបស់ប្រណីតយកមកប្រើប្រាស់ប្រចាំថ្ងៃ។ ដូច្នេះហើយ ខាងក្រោមនេះគឺជារបស់ធម្មតាថ្លៃៗទាំង ១០ ដែលនឹងធ្វើឱ្ឲ្យអ្នកភ្ញាក់ផ្អើលពេលឃើញស្លាកលើប៉ាយវត្ថុទាំងនោះហើយ។

១ ថ្នាំដុសធ្មេញ

ក្រុមហ៊ុនថ្នាំដុសធ្មេញ Theodent លក់ផលិតផលថ្នាំដុសធ្មេញ Theodent 300 ក្នុងតម្លៃប្រហែល ៩៩.៩៩ដុល្លារ។ Thodent អះអាងនិងបង្ហាញទិន្នន័យថា ថ្នាំដុសធ្មេញរបស់ពួកគេមានប្រសិទ្ធភាពជាងក្នុងការបន្សាបសារធាតុរ៉ែ និងធ្វើឲ្យធ្មេញរឹងមាំជាងថ្នាំដុសធ្មេញកំពូលៗជាច្រើនផ្សេងទៀត។ ថ្នាំដុសធ្មេញនេះប្រើកាកាវពីរុក្ខជាតិ​ ហើយព្រមទាំងទាញយកផ្នែកល្អនៃកាកាវហៅថា Theobromine បន្ទាប់មក ត្រូវបានលាយជាមួយកាល់ស្យូម និងផូស្វ័រ។

២ គ្រាប់កិប

គ្រាប់កិបមួយនេះ បានផលិតដោយក្រុមហ៊ុនមួយឈ្មោះថា Oooms វាធ្វើឡើងពីមាស២៤ដុំ, មាស១៤ការ៉ាត់ មានតម្លៃ ៧១ដុល្លារក្នុងមួយគ្រាប់។ យោងតាមគេហទំព័ររបស់ពួកគេបញ្ចាក់ថា ក្រាប់កិបនេះអាចកិបបានទាំងសំលៀកបំពាក់វត្ថុរឹងៗ ដោយមិនបាច់ភ័យព្រួយសូម្បីតែបន្តិចណាឡើយ។

៣ ស្រោមជើងធ្វើពីរោមចៀម

ស្រោមជើង​សាមញ្ញ​មួយ​គូ​នេះ​មិន​មាន​មាសឬ​ពេជ្រ​ទេ។ ប៉ុន្តែវាត្រូវបានធ្វើពីរោមចៀមដ៏កម្រ និងមានតម្លៃថ្លៃបំផុតដែលហៅថារោមចៀម vicuna។ វាគឺជារោមចៀមរបស់សត្វ Andean ដ៏កម្រ ខណៈដែលក្រុមហ៊ុន FLAKE ធ្វើឡើងមានកំណតច្បាស់លាស់ ហើយនឹងផ្ញើវាទៅឲ្យអ្នកទិញនៅក្នុងប្រអប់ឈើដ៏ប្រណិតមួយ សមនឹងតម្លៃត្រឹមតែ ១១៨៨ដុល្លារប៉ុណ្ណោះ។

៤ ប៉ាន់ទឹកតែ

ប៉ាន់ទឹកតែនេះស្រោបដោយមាស ១៨k, ពេជ្រចំនួន ១៦៥៨ ត្បូងទទឹមក្រហមចំនួន ៣៨៦ ហើយចំណុចទាញរបស់ប៉ាន់ គឺធ្វើឡើងពីភ្លុក mammoth ។ ទឹកតែមួយប៉ាន់នេះនេះមានតម្លៃ ៣លានដុល្លារ ប៉ុន្តែវត្ថុថ្លៃមហាលសាលនេះ ក៏ត្រូវបានក្រុមអ្នកមានៗនៅបរទេស និយមចូលចិត្តហើយទិគយកទៅតាំងលម្អផ្ទះពួកគេដែរ។

៥ ឡាមកោរពុកមាត់

ឡាមកោរពុកមាត់នេះមានតម្លៃ ១០០,០០០ ដុល្លារ។ មូលហេតុ​ដែល​ឡាម​នេះ​មាន​តម្លៃ​ថ្លៃ​ខ្លាំង​ គឺ​ដោយសារ​វា​ផលិត​ចេញពី​កម្ទេចកម្ទី​នៃ​លំហ​។ លោហៈត្រូវបានរកឃើញតែនៅក្នុងសំណល់នៃអាចម៍ផ្កាយប៉ុណ្ណោះ។ ដូច្នេះហើយ វាគឺជាការបោះពុម្ពដែលមានកំណត់ត្រឹមតែ ៩៩ដុល្លារ។ ពួកវាត្រូវបានផលិតពីបន្ទះត្បូងកណ្តៀងពណ៌ស ដែលមានភាពមុតស្រួចជាងបន្ទះដែកធម្មតាក្នុងរយៈពេលយូរ។

៦ ខ្មៅដៃ

មែនហើយ! សូម្បីតែខ្មៅដៃក៏ត្រូវបានផលិតដោយមាស និងពេជ្រសព្វថ្ងៃនេះ។ ក្នុងការប្រារព្ធខួបលើកទី២០៤ របស់ Faber Castell ខ្មៅដៃ Ultimate Graf von Faber-Castell Perfect Pencil ត្រូវបានបង្កើតឡើងក្នុងឆ្នាំ ២០០១។ ខ្មៅដៃ Ultimate មានតម្លៃដ៏គួរឲ្យភ្ញាក់ផ្អើលមួយគឺ ១២,៨០០ដុល្លារ។ វាត្រូវបានធ្វើពីឈើអូលីវដែលមានអាយុ ២៤០ ឆ្នាំ ខាងចុងខ្មៅដៃធ្វើពីមាសពណ៌ស ២៤ ការ៉ាត់ ហើយផ្នែកខាងលើនៃក្បាលខ្មៅដៃ គឺស្រោបដោយត្បូងពេជ្រចំនួន៣ ហើយមានតែ ១០ ប៉ុណ្ណោះដែលត្រូវបានផលិតចេញ។

៧ ម៉ាស៊ីនបូមធូលី

ម៉ាស៊ីនបូមធូលីនេះត្រូវបានតុបតែងដោយមាសទាំងអស់ ដែលធ្វើឲ្យវាមានតម្លៃ ១ លានដុល្លារ។ មានតែ ១០០ ប៉ុណ្ណោះដែលត្រូវគេនិយាយថា បានផលិតចេញមកឲ្យប្រើប្រាស់។ អ្វីគ្រប់យ៉ាងត្រូវបានស្រោបដោយស្រទាប់មាស ២៤k លើកលែងតែកង់ និងធុងទឹក និងមានទម្ងន់ប្រហែល ១៦ផោន។ តាមធម្មតាគ្មានអ្នកណាទៅចាប់អារម្មណ៍នឹងវត្ថុបែបនេះនោះទេ ប៉ុន្តែដោយសារតែវាគឺជាម៉ាស៊ីនបូមធូលីដែលមានតម្លៃថ្លៃបំផុតនៅក្នុងពិភពលោក វាបានទាក់ទាញក្រុមអ្នកចាយលុយទាំងដៃៗ ដែលចូលចិត្តប្រមូលវត្ថុមានតម្លៃថ្លៃប៉ុណ្ណោះ។

៨ ក្រដាសបង្គន់

ក្រដាសបង្គន់ដែលត្រូវបានលក់ក្នុងតម្លៃ ១.៥ លានដុល្លារក្នុងមួយដុំ ដោយក្រុមហ៊ុន Toilet Paper Man ដែលជាក្រុមហ៊ុនអូស្ត្រាលី។ ក្រដាសបង្គន់ត្រូវបានបង្កើតឡើងពីមាស ២៤ ការ៉ាត់ ដូច្នេះវាទទួលបានងារជាក្រដាសបង្គន់ដែលមានតម្លៃថ្លៃបំផុតក្នុងពិភពលោក។ យោងតាមគេហទំព័ររបស់ពួកគេ វាត្រូវបានប្រគល់ជូនអ្នកទិញដោយផ្ទាល់ជាមួយនឹងស្រាសំប៉ាញមួយដបថែមពីលើទៀត។

៩ ថង់តែពេជ្រ

ថង់តែ​ពេជ្រ​ត្រូវ​បាន​ធ្វើ​ឡើង​ដោយ​ក្រុមហ៊ុន​គ្រឿង​អលង្ការ​មួយ​ឈ្មោះ Boodles ក្នុង​ការ​ប្រារព្ធ​ខួប​កំណើត​គម្រប់ ៧៥ ឆ្នាំ​របស់ PG Tip។ រចនាដោយពេជ្រ ១០០ គ្រាប់នៅចំហៀងរបស់វា 8៨០ ពេជ្រនៅលើខ្សែ និង ១០០ ពេជ្រនៅខាងក្នុងនៃថង់តែ។ ជាការពិតណាស់ វានឹងមិនត្រូវបានគេហៅថា teabag ប្រសិនបើពួកគេមិនបន្ថែមស្លឹកតែមួយចំនួននៅខាងក្នុងទេ ដូច្នេះពួកគេបានសម្រេចចិត្តដាក់ស្លឹកតែថ្លៃៗមួយចំនួននៅខាងក្នុងផងដែរ។ ស្លឹកតែដ៏កម្រត្រូវបានរើសចេញពីសួនចំណាស់ជាងគេនៅប្រទេសឥណ្ឌា។ លើសពីនេះ វាមានតម្លៃប្រហែល ១០,០០០ ដុល្លារ ដែលក្លាយជាថង់តែថ្លៃបំផុតរបស់ពិភពលោក។

១០ ឆ័ត្រ

ឆ័ត្រ​ដែល​មាន​តែ​មួយ​គត់​ដែល​និយាយ​តិច​បំផុត​ព្រោះ​វា​ធ្វើ​ពី​ស្បែក​ក្រពើ។ វាជាឆ័ត្រដែលមានគុណភាពខ្ពស់ មិនជ្រាបទឹក មានតម្លៃ ៥០,០០០ ដុល្លារ។ វាត្រូវបានរចនាឡើងដោយ Angelo Galasso សម្រាប់មហាសេដ្ឋី Italian Couture ដែលជាម៉ាកប្រណីតអ៊ីតាលីសម្រាប់តែបុរស។

អត្ថបទ៖ សាង ស្រីល័ក្ខ

ចុចអាន៖បុរសឯកោបំផុតលើលោក រស់នៅក្នុងទីក្រុងខ្មោចធ្លាប់លិចលង់អស់រយៈពេល ២៥ឆ្នាំនៅ អាហ្សង់ទីន