KPT+
ខ្សែជីវិត Dan Lok ពីយុវជនមិនចេះអង់គ្លេស បរាជ័យរាប់ភ្លេច ក្លាយជាអ្នកមានលើទឹកដី កាណាដា
ប្រិយមិត្តខ្លះប្រាកដជាបានស្គាល់ សហគ្រិនអាស៊ីល្បីតាមបណ្តាញសង្គមយូធូប និងហ្វេសប៊ុក មួយរូប គឺលោក Dan Lok ។ ជាមួយទ្រព្យសម្បត្តិសុទ្ធសរុបជាទឹកប្រាក់ ១២០ លានដុល្លារគិតត្រឹមដើមឆ្នាំ២០២៤ នេះ លោក Dan Lok ត្រូវបានចាត់ទុកថាជាអ្នកមាន និងមានឥទ្ធិពលមួយរូបផង ។ បុរសអាស៊ីដើមកំណើតជនជាតិចិនហុងកុង និងមករស់នៅទឹកដីកាណាដារូបនេះ ត្រូវបានសារព័ត៌មានបើកបង្ហាញពីដំណើរខ្សែជីវិតតាំងពីកុមារភាពនៅទឹកចិនហុងកុងដូចខាងក្រោម។
ទឹកដីហុងកុងពីកុមារភាព
កុមារ Dan Lok ធំឡើងនៅទឹកដីចិនហុងកុងនៅត្រឹមរយៈពេលអាយុ ១៦ ឆ្នាំក្នុងគ្រួសារជីវភាពសមរម្យមួយ ដែលមានឪពុកគេជាបង្អែកគ្រួសារ ផ្គត់ផ្គង់ថវិកាសម្រាប់រូបគេមិនខ្វះចាយរៀងរាល់ថ្ងៃ ។ Dan Lok ប្រាប់ថា នៅវ័យក្មេង ក្នុងហោប៉ៅគេមិនដែលមានតិចជាង ១០០ ដុល្លារឡើយ ដែលមានប៉ារបស់គេផ្តល់ឲ្យ ។ ប៉ុន្តែអ្វីគ្រប់យ៉ាងបានផ្លាស់ប្តូរនៅពេល ប៉ាម៉ាក់យុវជនចិនហុងកុងរូបនេះលែងលះគ្នា នៅពេលគេមានអាយុ១៦ឆ្នាំ។
មករស់នៅទឹកដីកាណាដា
អាយុ១៧ឆ្នាំ យុវជន Dan Lok បានផ្លាស់មករស់នៅទឹកដីទីក្រុង Vancouver ប្រទេសកាណាដាតាមម្តាយ ដែលនៅពេលនោះរូបគេ និងម្តាយ នៅមានជំនួយផ្គត់ផ្គង់ពីឪពុកគេនៅឡើយ បើទោះបីជាចែកផ្លូវគ្នាក្តី។ យ៉ាងណាក្តី មួយរយៈពេលក្រោយមក គេឃើញម្តាយគេនិយាយទូរសព្ទនិងយំសស្រាក់ ហើយថ្ងៃនោះដែលដំណើរជីវិតរបស់គេ ត្រូវជួបរឿងថ្មី ដោយបានដឹងព័ត៌មានពីម្តាយគេប្រាប់ថា ប៉ារបស់ Dan Lok ក្ស័យធនក្រុមហ៊ុន នឹងគ្មានប្រាក់សម្រាប់ផ្ញើផ្គត់ផ្គង់ឲ្យពួកគេទៀតទេ។ ពេលនោះ Dan Lok សួរខ្លួនឯងថា “តើគេត្រូវធ្វើអ្វីបន្ទាប់ទៀត?” ស្របពេលដែលគេសម្លឹងមើលម្តាយរាប់លុយសល់បន្តិចបន្តួចទាំងទឹកភ្នែក ព្រោះម្តាយគេគ្មានការងារឡើយនៅកាណាដា។
ទំព័រជីវិតថ្មី មិនចង់ឃើញម្តាយរស់នៅដោយអស់សង្ឃឹម
ចាប់ពីពេលឃើញទឹកមុខស្រពាប់ស្រពាន់របស់ម្តាយ យុវជនDan Lok បានតាំងចិត្តចេញទៅធ្វើការងារអ្វីក៏ដោយ ដើម្បីចិញ្ចឹមម្តាយ ដោយគ្មានគិតត្អូញត្អែររឿងលំបាកអ្វីឡើយ។ រាប់តាំងពីការស៊ីឈ្នួលកាត់ស្មៅឲ្យគេ រៀបកុំព្យូទ័រ តំឡើងប៉ាណូ ធ្វើបុគ្គលិកនៅផ្សារទំនើប អ្វីគ្រប់យ៉ាង Dan Lok ធ្វើទាំងអស់ដើម្បីបានប្រាក់ផ្គត់ផ្គង់គ្រួសារ។ ទន្ទឹមនឹងរយៈពេលនោះ យុវជនរូបនេះ ក៏ឆ្លៀតរៀនភាសាអង់គ្លេសដោយខ្លួនឯង នៅតាមបណ្ណាល័យ ដោយប្តេជ្ញារៀនសម្រាប់ទំនាក់ទំនងបានល្អក្នុងប្រទេសទីពីរ ដែលគេរស់នៅនោះ។
ជីវិតជួបរឿងលំបាកម្តងទៀត
ការខំប្រឹងប្រែងរបស់ Dan Lok ក្នុងជីវិតថ្មីមួយគ្រា ក៏បាននាំគេវិវឌ្ឍគំនិតទៅរកស៊ីដើម្បីចំណូលបន្ថែម។ ប៉ុន្តែបញ្ហានោះ គឺថា យុវជនម្នាក់នេះគ្មានបទពិសោធ ទោះបីរូបគេក្លាហានហ៊ានចេញមុខរកស៊ីក៏ដោយ ដែលជាលទ្ធផលរូបគេបានបរាជ័យក្នុងអាជីវកម្ម១៣ដង ក្នុងរយៈ៣ឆ្នាំជាប់គ្នា។ មិនតែប៉ុណ្ណោះលុយបំណុលជំពាក់សាច់ញាតិបងប្អូន មានទៅដល់១៥០,០០០ដុល្លារ ដែលជាប់ខ្លួនយុវជនម្នាក់នេះ ធ្វើឲ្យម្តាយគេ និងរូបគេវិលមកស្ថានភាពពិបាកដូចពីពេលមុនសារជាថ្មី។
អ្វីៗបានប្រសើរឡើងជាថ្មី ក្រោយមានមនុស្សម្នាក់ជឿជាក់លើ Dan
នៅជាប់បំណុលជាង១សែនដុល្លារនៅឡើយ និងធ្លាប់បរាជ័យច្រើនដង ប៉ុន្តែ យុវជន Dan Lok នៅមានមនុស្សម្នាក់ជឿជាក់ថាអ្វីៗនឹងប្រសើរឡើង នោះគឺខ្លួនគេផ្ទាល់ដែលជឿជាក់ខ្លួនឯង។ ជាភ័ព្វសំណាងមួយ ដែលគេបានជួបនឹង លោក Alan Jacques ដោយចៃដន្យ។ Alan Jacques ជាអ្នកនិពន្ធផ្សព្វផ្សាយពាណិជ្ជកម្មល្បីមួយរូប និងមានគម្រោងបង្កើនការផ្សព្វផ្សាយរបស់ខ្លួនអំពីគំនិតអាជីវកម្ម ហើយ Dan Lok ក៏ជាអ្នកគាំទ្រមួយរូបរបស់លោក Alan។
ដោយមាននិស្ស័យនឹងអ្នកផ្សព្វផ្សាយល្បីរូបនេះ Dan Lok ត្រូវលោក Alan អញ្ជើញឲ្យទៅហាត់ការងារ និងជួយកិច្ចការផ្សេងៗក្នុងវិស័យពាណិជ្ជកម្ម។ ដោយសេចក្តីខិតខំព្យាយាម ពីមួយថ្ងៃទៅមួយថ្ងៃ ទាំងរៀនពីយុទ្ធសាស្រ្តផ្សាយពាណិជ្ជកម្ម Dan Lok អាចចាប់ផ្តើមដំណើរភ្នាក់ងារផ្សាយពាណិជ្ជកម្មផ្ទាល់ខ្លួនមួយ និងជោគជ័យដោយអាចរកចំណូលបានជាបន្តបន្ទាប់។ នៅត្រឹមអាយុ២៧ឆ្នាំ Dan Lok បានក្លាយជាអ្នកមានប្រាក់លានដុល្លារ ដោយអាចរកចំណូលបានផ្ទាល់ខ្លួនខ្ទង់រយលានដុល្លារ។
មិនត្រឹមតែជោគជ័យក្នុងការផ្សាយគំនិតយុទ្ធសាស្រ្តអាជីវកម្ម Dan Lok ក៏បានសរសេរសៀវភៅចំនួន១២ចំណងជើង សម្រាប់លក់ចែកចាយជាគំនិត និងបង្រៀនដល់មនុស្សជាច្រើននៅជុំវិញពិភពលោក។ មកដល់ចំណុចនេះហើយ ដែលលោកបានចាត់ទុកថាជាភាពជោគជ័យមួយ ហើយពិសេសនោះគឺនៅពេលដែលលោកបានប្រាប់ទៅម្តាយលោកថា “ម៉ាក់! ម៉ាក់អាចទិញអ្វីៗបានគ្រប់យ៉ាងក្នុងហាងនេះ ម៉ាក់មិនបាច់បារម្ភទៀតឡើយ”។
“មិនថាអ្នកចាប់ផ្តើមនៅទីណា ជួបឧបសគ្គបែបណា ឬអ្នកត្រូវប្រណាំងប្រជែងនឹងឧបសគ្គនោះយ៉ាងណា អ្នកត្រូវជឿជាក់លើខ្លួនឯង អ្នកអាចធ្វើបាន!” នេះសម្រង់សម្តីមួយរបស់ Dan Lok បានលើកឡើង៕
ដោយ៖ មាន រតនា
ស្ពានឬស្សីកោះប៉ែន ត្រៀមស្វាគមន៍ភ្ញៀវទេសចរឆ្លងឆ្នាំសកល
បំណែកវត្ថុបុរាណជាច្រើន ត្រូវបានអ្នកជំនាញអភិរក្សជួសជុលឱ្យរឹងមាំឡើងវិញ
លោក ស៊ាន បូរ៉ាត និងលោក ស ថាវី ត្រូវបានតុលាការកោះហៅចូលបំភ្លឺលើសំណុំរឿងក្រុមហ៊ុនអតីតឧកញ៉ា ឡេង ចាន់ណា
ក្រុមជនសង្ស័យធើ្វសកម្មភាពលួច និងឆក់យ៉ាងសកម្មចំនួន១១នាក់ ត្រូវបានឃាត់ខ្លួន
សហជីព និងពលរដ្ឋឈប់ជឿ អ៊ុំ សំអាន ព្រោះជាមនុស្សធ្លាប់ជាប់គុកដោយសារនិយាយកុហករឿងព្រំដែន
ក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
អ៊ុយក្រែន ថា សង្គ្រាមបានបំផ្លាញអាកាសយានដ្ឋានស៊ីវិលរបស់ខ្លួនស្ទើរតែអស់
ថ្ងៃ២ធ្នូ រណសិរ្សសាមគ្គីអភិវឌ្ឍន៍មាតុភូមិកម្ពុជា នឹងរៀបចំមិទ្ទីងអបអរខួប៤៦ឆ្នាំរបស់ខ្លួន
អ្នកតាមដាននយោបាយ ជឿថា រាជរដ្ឋាភិបាលកម្ពុជា នឹងមិនយកអធិបតេយ្យភាពទៅដោះដូរនឹងប្រព័ន្ធEBAរបស់អឺរ៉ុបឡើយ
ស្ពានឬស្សីកោះប៉ែន ត្រៀមស្វាគមន៍ភ្ញៀវទេសចរឆ្លងឆ្នាំសកល
-
សន្តិសុខសង្គម៤ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ២ ថ្ងៃ agoស្ពានដីឥដ្ឋ-ថ្មគរ ឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ២ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ៦ ថ្ងៃ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
បច្ចេកវិទ្យា៥ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា
-
ចរាចរណ៍៥ ថ្ងៃ agoរថយន្តស៊េរីទំនើប PORSCHE បើកវ៉ាជ្រុលបុក LEXUS RX330 រងការខូចខាតយ៉ាងដំណំ
-
ជីវិតកម្សាន្ដ១ ថ្ងៃ agoជាងច្នៃម៉ូដសម្លៀកបំពាក់ បទ «សែកមន្ត» ចេញមុខមកពន្យល់រឿងសម្លៀកបំពាក់ដែល ព្រាប សុវត្ថិ ស្លៀកថតក្នុង «MV»
-
សេដ្ឋកិច្ច៧ ថ្ងៃ agoតម្លៃពោតក្រហម និងដំឡូងមីធ្លាក់ចុះ នៅចំពេលរដូវប្រមូលផល