KPT+

ត្រួសពី កាតា ប្រទេសអ្នកមានរៀបព្រឹត្តិការបាល់ទាត់ពិភពលោក និងទើបលើកពាន Asian Cup

បានផុស

១១ ខែ មុន

នៅ

ថ្ងៃអង្គារ ១៣ កុម្ភៈ ២០២៤

ដោយ

ប្រិយមិត្តភាគច្រើននឹងអាចឮ ឬស្គាល់ឈ្មោះ កាតា ជាប្រទេសល្បីមួយពីប្រភពសារព័ត៌មានជាច្រើន។ ដោយហេតុថាប្រទេសនេះបានទទួលជាម្ចាស់ផ្ទះរៀបចំព្រឹត្តិការណ៍បាល់ទាត់ពិភពលោកកាលពីឆ្នាំ ២០២២ កន្លងទៅ កាតារអាចត្រូវគេហៅបានថា ជាប្រទេសអ្នកមាននៅតំបន់ប្រទសមជ្ឈិមបូព៌ាដែលជាតំបន់ប្រទេសសំបូរធនធានប្រេង និងទើបឈ្នះជើកឯកពានរង្វាន់បាល់ទាត់ទ្វីបអាស៊ី AFC Asian Cup 2023 (លើកមកឆ្នាំ ២០២៤) ថ្មីៗនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ត្បិតតែទីតាំងភូមិសាស្រ្តនៅតំបន់វាលខ្សាច់ និងនៅព័ទ្ធជុំវិញដោយសមុទ្រពែក កាតាជាប្រទេសមានធនធានធម្មជាតិសំខាន់គឺប្រេង ដែលជាកត្តាអំណោយផលទៅដល់សេដ្ឋកិច្ចប្រទេសក្នុងការអភិវឌ្ឍខ្លួន ពីវាលខ្សាច់ប្រែមុខមាត់ជាទីក្រុងទំនើបស៊ីវិល័យ ដែលមានចម្រុះវប្បធម៌ និងសាសនា។ ជាកំណត់សម្គាល់នៃការរីកចម្រើន ក៏ដូចជាប្រជាប្រិយភាពនៃប្រទេសនេះ អត្ថបទនេះនឹងលើកពីព័ត៌មានត្រួសៗមួយចំនួនរបស់ប្រទេសប្រេងកាតានេះដូចខាងក្រោម៖

១- កាតាចាត់ទុកជា ប្រទេសអ្នកមានជាងគេមួយនៅកម្រិតពិភពលោក

ដោយយោងតាមស្ថាប័នមូលនិធិរូបិយវត្ថុអន្តរជាតិ IMF ប្រទេសកាតារមានអត្រាកម្រិតផលិតផលក្នុងស្រុកសរុប (GDP) ខ្ពស់ជាងគេលើពិភពលោក ។ ដោយចំណុចកំពូល គេអាចឃើញទៅតាមរយៈការវិនិយោគក្នុងប្រទេស ហេដ្ឋារចនាសម្ព័ន្ធ ពិសេសរដ្ឋធានីសេដ្ឋកិច្ច Doha ដែលពោរពេញដោយសំណង់អគារទំនើប ទាន់សម័យ និងការរីកលូតលាស់សំណង់ស្ថាបត្យកម្មជាច្រើនទៀត។

២– ប្រទេសប្រេងតំបន់ដីខ្សាច់ ប៉ុន្តែភ្ជាប់នឹងទេសភាពមកជាមួយ

ដោយហេតុថា កាតាជាប្រទេសទីតាំងនៅតំបន់វាលខ្សាច់ តែអមព័ទ្ធជុំវិញដោយសមុទ្រពែក។ ជាកត្តាធ្វើឲ្យទីតាំងភូមិសាស្រ្តផ្សារភ្ជាប់ខ្សាច់ និងធនធានសមុទ្របូកបញ្ចូលគ្នា ជាទស្សនីយភាពទេសភាពជាច្រើនតំបន់ ដែលមានភាពទាក់ទាញភ្ញៀវទេសចរជាច្រើនក្រាស់ក្រែលផងដែរ ។

៣– ឈ្មោះ Qatar

ឈ្មោះប្រទេសកាតា (Qatar) មកពីពាក្យ Qatara ដែលអ្នកស្រុកប្រទេសនោះសម្តៅទៅលើទីក្រុងបុរាណ Zubarah ជាអតីតទីតាំងកំពង់ផែជំនួញដ៏សំខាន់ក្នុងតំបន់ និងជាទីតាំងដែលគេស្គាល់ថាពោរពេញដោយប្រេងគ្រប់ទីកន្លែង។

៤- កាតាមានប្រវត្តិសាស្រ្តដ៏ចំណាស់ផងដែរ

កាតាមានប្រវត្តិចាប់ផ្តើមតាំងពី ៥ ម៉ឺនឆ្នាំមុន ដែលមានមនុស្សមកតាំងរស់នៅ ហើយក្រោយមកស្ថិតក្រោមការគ្រប់គ្រងពីក្រុមជាច្រើន ក្នុងនោះមានប្រទេសព័រទុយហ្គាល់ផងដែរ ។ នៅឆ្នាំ ១៩១៥ ដោយមានការបែងចែកចក្រភពអូម៉ង់ ក្រោយសង្គ្រាមលោកទី១ កាតាក៏ធ្លាប់ស្ថិតនៅក្រោមអណានិគមអង់គ្លេស ក្រោមការដឹកនាំគ្រប់គ្រងដោយខ្សែគ្រួសារអ្នកដឹកនាំ AL Thani ហើយនៅឆ្នាំ១៩៧១ កាតាបានទទួលឯករាជ្យពីអង់គ្លេស។

៥– ច្រើនជាងពាក់កណ្តាលនៃប្រជាពលរដ្ឋកាតារ មានដើមកំណើតពីប្រទេសផ្សេងៗ

ប្រជាពលរដ្ឋនៅកាតា គឺបូកបញ្ចូលគ្នារវាងអ្នកស្រុកជនជាតិដើម ឬម្ចាស់ស្រុក ជាមួយនឹងលំហូរជនបរទេសដែលមានដើមកំណើតផ្សេងៗ។ សរុបប្រជាពលរដ្ឋកាតាភាគច្រើនគឺ ជនជាតិអារ៉ាប់ ឥណ្ឌា នេប៉ាល់ ប៉ាគីស្ថាន។

៦- ឥស្លាមជាសាសនាសំខាន់នៅប្រទេសកាតា

ប្រទេសដែលមានព្រំដែនគោកជាប់នឹងអារ៉ាប៊ីសាអូឌីតនេះ មានសាសនាផ្លូវការ គឺសាសនាឥស្លាម ដែលមានប្រជាពលរដ្ឋប្រកាន់យកសាសនានេះ ៧០%។ យ៉ាងណាដោយសារប្រទេសនេះ នៅចម្រុះជាតិសាសន៍ច្រើន ក៏មានសាសនា ហិណ្ឌូ គ្រឹស្តសាសនា និងព្រះពុទ្ធសាសនាផងដែរ ។