KPT+

ប្រយ័ត្ន! ទោះមានជំងឺរាតត្បាតក្មេងៗមិនគួរឈប់បន្លែងលេងហើយទុកឱ្យនៅឯកោទេ

បានផុស

៤ years មុន

នៅ

ថ្ងៃពុធ ១៧ កុម្ភៈ ២០២១

ដោយ

Sonya

ប្រសិនមិនចង់ឱ្យកូនៗមានបញ្ហា កុំដាក់កុមារឱ្យនៅឯកោ ទោះក្នុងកាលៈទេសៈណាក្តី។

មានកុមារប្រមាណ ១.៤ ពាន់លាននាក់នៅទូទាំងពិភពលោក កំពុងរស់នៅក្រោមការចាក់សោ ព្រោះតែជំងឺរាតត្បាត ។ ទិន្នន័យដំបូងដែលប្រមូលបានបង្ហាញថា ក្មេងៗអាយុពី ៥ ទៅ ១១ ឆ្នាំមានអារម្មណ៍ឯកោ នៅក្នុងរយៈពេលពីរបីសប្ដាហ៍ដំបូងនៃការចាក់សោ។

នៅពេលចាក់សោ កុមារគួរតែត្រូវបានអនុញ្ញាតឱ្យលេងជាមួយមិត្តភក្ដិ ឱ្យបានឆាប់តាមដែលអាចធ្វើទៅបាន ព្រោះការនៅមួយកន្លែងមិនបានទៅណាធ្វើឱ្យសុខភាពផ្លូវចិត្តពួកគេប្រឈមនឹងហានិភ័យផ្សេងៗ។

១. ទំនាក់ទំនងស្មើភាពគ្នា

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កុមារត្រូវមានឱកាសលេងកម្សាន្តគ្រប់ប្រភេទ រួមទាំងលេងជាមួយកុមារដទៃទៀតផង។ វាជាការសំខាន់ណាស់សម្រាប់កុមារគ្រប់វ័យ ព្រោះវាទាក់ទងនឹងសុខុមាលភាពសង្គមនិងផ្លូវចិត្ត។

ការប្រាស្រ័យទាក់ទងរវាងដៃគូរបស់កុមារនាំឱ្យពួកគេរៀនបាននូវការគ្រប់គ្រងអារម្មណ៍ និងអភិវឌ្ឍជំនាញទំនាក់ទំនងសង្គមបានល្អ។

បើសិនពួកគេមិនបានលេងជិតស្និទ្ធជាមួយមិត្តភក្ដិ កុមារអាចមានអារម្មណ៍កណ្ដោចកណ្ដែងនិងខ្លាចសង្គម។

២. សុខុមាលភាពផ្នែកអារម្មណ៍

ការសិក្សាពី Co-Space ដែលផ្ដោតលើការជាប់គាំងនៃក្រុមគ្រួសារ ក៏ដូចជាវិធីដោះស្រាយបានបង្ហាញថា ឪពុកម្ដាយច្រើនជាង ៥០% មានការព្រួយបារម្ភអំពីសុខុមាលភាពផ្លូវចិត្តរបស់កូនៗ រីឯជាង ៤០% មានអារម្មណ៍ថា ពួកគេនឹងទទួលបានអត្ថប្រយោជន៍ពីការគាំទ្រសម្រាប់ការគ្រប់គ្រងអារម្មណ៍របស់កូនៗខ្លួន។

ការបន្ធូរបន្ថយការចាក់សោ គួរតែត្រូវបានធ្វើឡើងតាមរបៀបដែលអនុញ្ញាតឱ្យកុមារ លេងជាមួយមិត្តភក្ដិរបស់ពួកគេ ឱ្យបានឆាប់តាមដែលអាចធ្វើទៅបាន។

ឪពុកម្ដាយអាចជួយកូនៗ របស់ពួកគេឱ្យលេងជាមួយមិត្តភក្ដិតាមរយៈបច្ចេកវិទ្យា។ ទោះមិនផ្ដល់អត្ថប្រយោជន៍ទាំងអស់នៃទំនាក់ទំនងសង្គមទល់មុខគ្នាក៏ពិតមែន ប៉ុន្តែនៅពេលដែលការចាក់សោនៅតែបន្ត វាអាចជួយឱ្យកុមាររក្សាទំនាក់ទំនងសង្គមរបស់ពួកគេ។

៣. ពេលវេលាជជែកជាមួយមិត្តក្នុងអ៊ិនធរណិត

ជារឿយៗឪពុកម្ដាយព្រួយបារម្ភអំពីពេលវេលាជជែកជាមួយមិត្ត ក្នុងអ៊ិនធរណិតរបស់កុមារ។ ក្មេងៗដែលមានវ័យជំទង់ អាចរីករាយនឹងការហៅវីដេអូ និងជជែកលេងជាមួយមិត្តភក្ដិ រីឯកុមារដទៃទៀតចូលចិត្តលេងល្បែងតាមអ៊ិនធរណិតជាមួយគូកន។

ក្នុងន័យនេះ ប្រព័ន្ធផ្សព្វផ្សាយសង្គមអាចជួយរក្សាមិត្តភាព និងផ្ដល់នូវអារម្មណ៍នៃការភ្ជាប់ទំនាក់ទំនងរវាងគ្នា ដោយសារតែបច្ចេកវិទ្យា គឺជាខ្សែជីវិតសម្រាប់កុមារនិងក្មេងជំទង់។

សម្រាប់កុមារតូចៗ ការប្រើបច្ចេកវិទ្យាដើម្បីរក្សាទំនាក់ទំនងជាមួយមិត្តភក្ដិ អាចមានការពិបាក និងហានិភ័យផ្សេងៗ។ ឪពុកម្ដាយនិងបងប្អូនគួរតែគាំទ្រសុខុមាលភាពសង្គម ដោយលេងជាមួយពួកគេជំនួសឱ្យបណ្ដោយគេលេងជាមួយមិត្តតែឯង៕

ប្រែសម្រួល៖ សាង ស្រីល័ក្ខ

ចុចអាន៖ គ្រប់គ្នាមើលរំលង ក្មេងធ្វើលំហាត់ប្រាណតាំងពីតូច ឆ្លាតជាងក្មេងធម្មតា

ចុចអាន៖ ហេតុអ្វីស្មាតហ្វូនទាក់ទាញកុមារបានខ្លាំងជាងរបស់លេងដទៃ?