KPT+
មេរៀនតស៊ូមិនងាយបោះបង់ ៤ ចំណុចពីមហាសេដ្ឋីសារាយបំពង “ថៅកែណយ” រហូតជោគជ័យដល់សព្វថ្ងៃ
គិតមកទល់ពីពេលនេះលោក Itthipat Peeradechapan ឬហៅក្រៅថា “Tob” មានអាយុ ៣៩ ឆ្នាំហើយ ប៉ុន្តែលោកនៅតែជានិមិត្តរូបសម្រាប់សហគ្រិនវ័យក្មេងជំនាន់ក្រោយ ។ លោកគឺជាស្ថាបនិកនៃក្រុមហ៊ុនចំណីអាហារ និងទីផ្សារ Taokaenoi ជាប្រេនអន្តរជាតិល្បីនៅទូទាំងអាស៊ី ហើយប្រិយមិត្តក៏អាចស្គាល់លោក ដោយសារផលិតផលក្រុមហ៊ុននេះគឺសារាយ ថៅកែណយ ។
យ៉ាងណាមិញបើក្រឡេកទៅមើលរឿងរ៉ាវជីវិតរបស់សហគ្រិនជនជាតិថៃរូបនេះវិញគឺកើតចេញពីការស៊ូជម្នះឧបសគ្គច្រើនតាមវិធីផ្សេងៗមិនងាយបោះបង់ទម្រាំលោកក្លាយជាមហាសេដ្ឋីប្រាក់ពាន់លានទាំងនៅវ័យក្មេង ហើយចូលក្នុងបញ្ជីមហាសេដ្ឋីថៃទាំង ៥ ០រូប ដែលមានជាងគេទៀតផង ហើយនេះជារឿងរ៉ាវ ៤ យ៉ាងដែលយើងអាចរៀនសូត្រពីមហាសេដ្ឋីថៃរូបនេះ៖
១. Tob ធ្លាប់ជាអ្នកវក់ហ្គេមឈប់រៀន តែក្លាយជាអ្នករកស៊ីនៅវ័យ ១៩ ឆ្នាំដោយចិត្តអំណត់ និងស្រលាញ់
សេដ្ឋីសារាយបំពងរូបនេះបានសារភាពថា លោកពិតជាអ្នកញៀនហ្គេមមែនកាលនៅជាយុវជនជំទង់ ។ នៅអាយុ ១៦ ឆ្នាំលោកញៀនហ្គេមមែនទែនរហូតភ្លេចការសិក្សាដែលលទ្ធផលត្រូវធ្វើឲ្យលោកឈប់ពីរៀន ១ ឆ្នាំ ហើយក្រោយមកក៏បែកគំនិតរុញរទេះដើរលក់គ្រាប់កៅឡាក់ (Chestnut) ។
ទោះយ៉ាងណា ដោយសារការចេះសង្កេត ចេះច្នៃបំពងគ្រាប់កៅឡាក់ឲ្យមានរសជាតិ ធ្វើឲ្យអាជីវកម្មប្រថុយប្រថានមួយចានទឹកមួយចានគោកនេះ រីកចម្រើនជាហូរហែទៅវិញ រហូតដល់វ័យ ១៩ ឆ្នាំលោកអាចមានទុនបើកទីតាំងបាន ៣០កន្លែង មានទាំងជួលបុគ្គលិក ៥០ នាក់ និងអាចរកចំណូលបាន ១ ខែប្រមាណជាង ៨ ម៉ឺនដុល្លារទៀតផង ។
២. “ថៅកែណយ” ជាឈ្មោះហៅក្រៅដែលប៉ាលោកដាក់ឲ្យ
“ថៅកែណយ” ប្រែជាភាសាខ្មែរមានន័យថា “ថៅកែតូច” ជាឈ្មោះដែលប៉ាលោក Tob ហៅចំអន់លេង ព្រោះតែអត្តចរិតរបស់លោកដូចជាថៅកែកាលពីនៅតូច ។
ពេលវេលាកន្លងទៅផលិតផលកៅឡាក់លែងជាទីពេញនិយមទៀតហើយ ណាមួយបញ្ហាចំណាត់ការថ្មីខាងផ្សារទំនើបមិនអនុញ្ញាតឲ្យមានទីតាំងសម្រាប់លក់កៅឡាក់ទៀតឡើយ ដោយសារផ្សែង និងក្លិនរបស់វា ដូចនេះកៅឡាក់របស់ Tob ត្រូវបិទទ្វារ ។ តែលោកមិនបានបោះបង់ឡើយ ដោយកើតជាគំនិតថ្មីមួយក្រោយពេលមួយដែលលោកបានភ្លក្សសារាយបំពង ដែលមិត្តស្រីលោកយកមកឲ្យញ៉ាំកំដរមាត់ ហើយគិតថា បើធ្វើជានំសារាយបំពងមានវេចខ្ចប់ត្រឹមត្រូវសម្រាប់លក់ ព្រោះថាសម័យនោះពុំទាន់មានលក់ជាធំដុំ ឬមានជាម៉ាកផលិតផលត្រឹមត្រូវនោះទេ ។ ទីបំផុត Tob ស្វះស្វែងយល់ និងរៀនពីរបៀបធ្វើសារាយចម្អិន និងប្រមូលគៀងគរទុនវិនិយោគ រហូតរោងចក្រផលិតសារាយបំពង Taokaenoi លេចចេញជារូបរាងឡើង ។
៣. ការប្រឹងប្រែងមិនមែនតែ ១ ថ្ងៃ ហើយបានជោគជ័យទេ
សារាយបំពងថៅកែណយ ចាប់ផ្តើមចេញលក់ដំបូងនៅក្នុងហាងម៉ាត 7-Eleven នៃប្រទេសថៃ ហើយលើកដំបូងទទួលបានចំណូលពីការលក់បានតិចតួចប៉ុណ្ណោះ ។ យ៉ាងណាមិញ Tob សម្គាល់ឃើញថា កញ្ចប់សារាយរបស់លោកត្រូវបុគ្គលិកហាងរៀបដាក់នៅធ្នើខាងក្រោមទើបអតិថិជនថ្មីៗច្រើនមិនបានឃើញ ។ ដូចនេះ Tob បាននិយាយសុំឲ្យអ្នកគ្រប់គ្រងហាងម៉ាត ជួយដាក់កញ្ចប់ផលិតផលសារាយបំពងនៅក្បែរបុគ្គលិកគិតលុយវិញ ដើម្បីងាយស្រួលអតិថិជនអាចមើលឃើញ ។
ហើយពិតជាមានប្រសិទ្ធិភាពជាលទ្ធផលនៃការប្តូរកន្លែងការលក់ក៏កើនឡើងមិនគួរឲ្យជឿ ។ នៅឆ្នាំ ២០០៨ ការលក់បានដល់កម្រិត ៣០ លានដុល្លារអាមេរិក ហើយ Tob អាចប៉ាន់ស្មានបានថា ជំនួញរបស់លោកនឹងជោគជ័យ ។ ដូចការរំពឹងទុកពេលនេះ ថៅកែណយមានទីផ្សារជាង ៤០ ប្រទេសនៅជុំវិញពិភពលោក ហើយលោក Tob ជាបុគ្គលដែលមានទ្រព្យសម្បត្តិ ៦០០ លានដុល្លារអាមេរិកគិតត្រឹមឆ្នាំ ២០១៨ ។
៤. ឧបសគ្គដែលក្តីស្រលាញ់លោកមិនចុះចាញ់
ក្នុងឈ្មោះជាអ្នកប្រលូកក្នុងការរកស៊ីអ្វីៗពុំមែនងាយស្រួល និងដើររលូនរហូតដូចការគិតនោះឡើយ ។ ត្រលប់ទៅឆ្នាំ២០១១ ទឹកជំនន់បានវាយប្រហារលិចលង់នៅប្រទេសថៃ រួមទាំងរោងចក្រថៅកែណយ យ៉ាងណាមិញ Tob ពុំបានឈប់ចុះចាញ់ឧបសគ្គទាំងនេះទេ ។ ដោយការប្តេជ្ញា និងក្តីស្រលាញ់ Tob បានប្រើពេល ៣ ខែស្តាររោងចក្រផលិតសារាយបានព្រមទាំងដំណើរការឡើងវិញ និងទទួលបានជោគជ័យរហូតមកទល់សព្វថ្ងៃទៀតផង ។
គួរបញ្ជាក់ផងដែរ ដោយសារភាពជោគជ័យនេះខ្សែជីវិតរបស់លោក Tob ត្រូវបានគេសរសេរ និងផលិតជាភាពយន្តស្តីពីប្រវតិ្តម្ចាស់ថៅកែណយរូបនេះផ្ទាល់ដែលមានចំណងជើងថា The Billionaire រហូតទទួលបានការគាំទ្រជាច្រើនលើភាពយន្តមួយនេះ ពិសេសពីសំណាក់សហគ្រិនជំនាន់ក្រោយ ៕
ដោយ៖ មាន រតនា
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១០ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ