KPT+

អាថ៌កំបាំងពីរ ធ្វើឲ្យមហាសេដ្ឋី Elon Musk ក្លាយជាមនុស្សឈ្លាសវៃក្នុងវិស័័យជំនួញ

បានផុស

៤ years មុន

នៅ

ថ្ងៃពុធ ១៧ កុម្ភៈ ២០២១

ដោយ

ក្រៅពីមានទេពកោសល្យពីកំណើត Elon Musk បានបង្កើតក្រុមហ៊ុនចំនួន ៤ មានទឹកប្រាក់រាប់ពាន់លានដុល្លារ ដាច់ដោយឡែកពីគ្នា ដូចជាក្រុមហ៊ុន ដឹកជញ្ជូន សូហ្វវែរ ថាមពល និងក្រុមហ៊ុន អវកាស នៅអាយុ ៤០ ឆ្នាំ។

នេះគឺជាអាថ៌កំបាំងរបស់ Elon ដែលលោកតែងតែអនុវត្តដល់បច្ចុប្បន្ននេះ ៖

១. កសាងមែកធាងនៃចំណេះដឹង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Elon Musk និយាយថា មនុស្សយើងភាគច្រើនតែងមានទំនោរមើលស្រាលសក្ដានុពលនិងសមត្ថភាពរបស់គំនិតខ្លួនជានិច្ច។ នៅក្នុង Reddit AMA លោកបានពិពណ៌នាអំពីសកម្មភាពនៃការទទួលបានចំណេះដឹងដូចជាដើមឈើ៖

វាមានសារៈសំខាន់ណាស់ក្នុងការមើលចំណេះដឹងដូចជាដើមឈើ ត្រូវប្រាកដថាអ្នកយល់ពីគោលការណ៍គ្រឹះដូចជាគល់ឈើនិងមែកធំៗ មុនពេលចូលទៅស្លឹក។ ប្រសិនបើអ្នកចង់រៀនអ្វីឆាប់ទទួលបានលឿនរហ័ស សូមដើរសន្សឹមៗ ហើយចាប់ផ្ដើមពីវត្ថុធាតុដើមដែលបង្កើតជាគល់សិន។

លោកក៏ត្រូវបានគេដឹងថា ជាមនុស្សមិនចេះរើសអើងភាសាឬមុខវិជ្ជាណាមួយឡើយ។ ចំណែកវិធីនៃការរៀនសូត្ររបស់ Elon គឺចាប់យកគល់ឈើមុនពេលចូលទៅកាន់ទៅមែកឈើនិងស្លឹក។ វិធីនេះជួយឲ្យលោកបានដឹងយឺត ហើយងាយចាប់បានជាងការរៀនដោយប្រញាប់ប្រញាល់។

២. គ្រប់គ្នាមិនអាចចងចាំអ្វីដែលមិនបានតភ្ជាប់ទេ

នេះគឺជាកន្លែងដែល Elon ចងចាំមិនភ្លេច។ ភាពឈ្លាសវៃរបស់លោកមិនត្រឹមតែសមត្ថភាពក្នុងការស្វែងយល់ពីគោលគំនិតសំខាន់ប៉ុណ្ណោះទេ ប៉ុន្តែក៏ជាសមត្ថភាពក្នុងការកសាងដើមឈើធំៗដែលបានគ្របដណ្ដប់លើវិស័យជាច្រើនដែរ។

ដោយសារយើងភាគច្រើនមានទំនោរផ្ទុកព័ត៌មានអង្គហេតុ ដោយមិនយល់ច្បាស់ឬមិនយល់ពីមូលហេតុនិងវិធីដែលវាទាក់ទងទៅនឹងដើម។ នៅពេលដែលយើងគ្មានទំនាក់ទំនង យើងមានអារម្មណ៍រំជើបរំជួល ហើយខួរក្បាលពាសពេញដោយព័ត៌មានដែលមិនត្រូវបានស្គាល់អត្តសញ្ញាណ ឬពេលខ្លះមិនសំខាន់ដែរ។

Elon Musk តែងតែអនុញ្ញាតឲ្យខ្លួនឯងរៀនពីអ្វីគ្រប់យ៉ាង ព្រោះលោកចូលចិត្តផ្ទេរចំណេះដឹងទៅកាន់អ្នកជុំវិញ។ នេះគឺជាវិធីរបស់លោកភ្ជាប់ទំនាក់ទំនងជាមួយចំណេះដឹងពីវិស័យផ្សេងៗគ្នា និងអនុវត្តវាពីតំបន់មួយទៅតំបន់មួយទៀត។ ឧទាហរណ៍លោកបញ្ចូលផ្នែកសេដ្ឋកិច្ចនិងសូហ្វវែរជាមួយគ្នា ដើម្បីបង្កើត PayPal ឡើងមក ។

វិធីសាស្ត្រនៃការរៀនសូត្រទាំងនេះអាចយឺតបន្តិច ប៉ុន្តែបើគ្មានទ្រនាប់រឹងមាំទេ យើងនឹងមិនមានមូលដ្ឋានដើម្បីគាំទ្រចំណេះដឹងឬព័ត៌មានបន្ថែមទេ។ អាជីពទាំងមូលរបស់ Elon ផ្អែកលើគោលការណ៍ទាំងពីរនេះ។

លោកបាននិយាយបន្ថែមថា ” ខ្ញុំគិតថាមនុស្សភាគច្រើនអាចរៀនបានច្រើនជាងអ្វីដែលពួកគេគិត តែភាគច្រើនពួកគេតែងទម្រន់ខ្លួន ដោយមិនខិតខំព្យាយាម ។ ដូច្នេះសុខចិត្តឈឺខ្លួន ហើយសាកល្បងវាដោយប្រថុយ នោះយើងនឹងអាចរកឃើញរឿងនៅក្នុងចិត្ត ដែលខ្លួនយើងផ្ទាល់ប្រហែលជាមិនដែលដឹងថា យើងមានសមត្ថភាពនោះតាំងពីណា” ៕

ប្រែសម្រួល៖ សាង ស្រីល័ក្ខ

ប្រភព៖prospectsasean

ចុចអាន៖Elon Musk ទម្លាក់ Bill Gates ឡើងឈរលេខ ២ ជាអ្នកមានបំផុតលើពិភពលោក

ចុចអាន៖លោក Elon Musk បំបាក់មេ Amazon ក្លាយជាអ្នកមានបំផុតនៅលើពិភពលោក