KPT+

មេរៀនមួយចំនួនដែលឪពុកម្ដាយ គួរតែឆ្លៀតបង្រៀនកូនអំពីប្រាក់

បានផុស

៤ years មុន

នៅ

ថ្ងៃព្រហស្បតិ៍ ១៨ កុម្ភៈ ២០២១

ដោយ

វ័យក្មេង ដូចជាក្រដាសស បើប្រឡាក់អ្វីមួយប្រាកដជាដាមជាប់ពិបាករលុប។ ក្នុងនាមជាឪពុកម្ដាយគួរតែបង្រៀនកូនពីរឿងល្អៗ ក្នុងជីវិតពួកគេ។ ជាពិសេសគឺរឿងទាក់ទងនឹងប្រាក់ចាយជាប្រចាំថ្ងៃ។

មេរៀនមួយចំនួនដែលឪពុកម្ដាយអាចប្រើ ដើម្បីបង្រៀនកូនៗអំពីប្រាក់៖

១. ផ្តល់ឲ្យពួកគេនូវការគ្រប់គ្រងប្រាក់

នេះគឺជាវិធីល្អមួយដែលឪពុកម្ដាយអាចធ្វើបានសម្រាប់កុមារ។ ហើយក៏ជួយបង្រៀនពួកគេថាអ្វីៗនឹងមិនបានផ្ដល់ឲ្យពួកគេជានិច្ចនោះទេ។ យើងអាចធ្វើរឿងសាមញ្ញៗដូចជាផ្ដល់ប្រាក់ឧបត្ថម្ភដល់កូនៗ ក្នុងពេលនេះ។ តាមរយៈការផ្ដល់ប្រាក់កម្រៃបន្តិចបន្តួចដល់កូន ពេលនៅក្មេងកូនអាចរៀនពីរបៀបដោះស្រាយប្រាក់បន្ថែមទៀតនៅពេលណាមួយ។

២. បង្រៀនកូនពីតម្លៃនៃការសន្សំ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសន្សំមានច្រើនបែប តែយើងក៏អាចជ្រើសរើសការសន្សំក្នុងធនាគារទុកឲ្យកូនៗបានដែរ។ ប្រាប់ពួកគេពីរបៀបសន្សំក្នុងធនាគារពេលនៅវ័យក្មេង នេះអាចជាឱកាសមួយដើម្បីបង្រៀនកូនអំពីការសន្សំប្រាក់ទុកពេលអនាគត។ នៅពេលកូនពេញវ័យ កូននឹងមានឱកាសទៅធនាគារដាក់ប្រាក់របស់ពួកគេទៅក្នុងគណនីសន្សំរបស់ពួកគេផ្សេងទៀតបាន។

៣. បង្រៀនពួកគេពីតម្លៃនៃការឲ្យ

ទិដ្ឋភាពសំខាន់មួយទៀតនៃការគ្រប់គ្រងលុយសម្រាប់ឪពុកម្ដាយគឺតម្លៃនៃការឲ្យ ។ គ្រប់ទីកន្លែងដែលយើងជ្រើសរើសផ្ដល់គឺជាការបង្រៀនកូនឲ្យចេះចូលរួមក្នុងការផ្ដល់ដល់អ្នកផ្សេងទៀត។ តាមរយៈការផ្ដល់ដល់អ្នកដទៃយើងអាចជួយពួកគេក្នុងពេលវេលាដែលពួកគេត្រូវការ។

៤. បង្រៀនពួកគេពីរបៀបរកលុយ

ការវិនិយោគគឺជាវិធីដ៏ល្អមួយដើម្បីរកលុយបន្ថែម ហើយក៏ជារឿងមួយដើម្បីសន្សំប្រាក់និងរកប្រាក់ចំណូលបាន ២ ភាគរយបន្ថែមទៀត។ បើកូនរបស់យើងសន្សំប្រាក់សម្រាប់គោលដៅរយៈពេលខ្លី ធនាគារគឺកន្លែងដែលមានសុវត្ថិភាព សម្រាប់ពួកគេ។ ប៉ុន្តែបើប្រាក់នេះសម្រាប់គោលដៅរយៈពេលវែងចូរវិនិយោគទៅឆ្ងាយ។ បង្រៀនពួកគេអំពីប្រភេទនៃការវិនិយោគដែលអាចរកបាន ក៏ដូចជាវិធីដើម្បីតាមដានកំណើន។

៥. បង្រៀនពួកគេអំពីគ្រោះថ្នាក់នៃបំណុល

នេះមិនមែនជាគំនិតដែលកូនក្មេងអាច យល់បាននៅឡើយទេ ប៉ុន្តែនៅពេលកូនកាន់តែចាស់អាចនឹងមានបំណុល។ បង្រៀនកូនៗយើងអំពីប្រាក់កម្ចីកាតឥណទាន និងបំណុលផ្សេងទៀត។ ផ្ដល់ឲ្យពួកគេនូវកាតឥណទានដែលមានដែនកំណត់ដែលបានដាក់លើកាត។ បង្រៀនពួកគេពីរបៀបបង់ប្រាក់អប្បបរមានៅលើកាតឥណទាន គឺជាវិធីលឿនមួយដើម្បីឲ្យបំណុលកាន់ឆាប់ដាច់។

៦. បង្រៀនពួកគេអំពីការទិញនិងការលើកទឹកចិត្ត

ចូរបង្រៀនកូនឲ្យផ្អាកទិញអ្វីមួយដែលគេតែងពេញចិត្ត ដើម្បីថ្លឹងថ្លែងការចំណាយនិងតម្រូវការមុនពេលចំណាយប្រាក់របស់ពួកគេ។ ឲ្យកូនរៀនអត់ធ្មត់ប្រាប់កូនពីតម្លៃនៃរបស់មួយដែលគេចង់បាន។ អាចថាពិបាក ប៉ុន្តែនេះជាមេរៀនដ៏មានតម្លៃដែលយើងទាំងអស់គ្នាអាចធ្វើបានចំពោះអនាគតកូន៕

ប្រែសម្រួល៖ សាង ស្រីល័ក្ខ

ប្រភព៖familytoday

ចុចអាន៖ចង់ជួយកូនៗឲ្យមានគំនិតអាជីវកម្មតាំងពីនៅវ័យក្មេង?

ចុចអាន៖គន្លឹះដើម្បីការពារសុវត្ថិភាពហិរញ្ញវត្ថុសម្រាប់កូនៗ និងជួយទប់ស្កាត់ហានិភ័យផ្សេងៗ