KPT+
អង្គការយូនីសេហ្វ បង្ហាញវិធីសាស្ត្រ៥ចំណុចដល់ឪពុកម្តាយ ដើម្បីឱ្យកូនៗស្រឡាញ់ការអាន
អង្គការ UNICEF Cambodia បានផ្សព្វផ្សាយនៅលើទំព័រហ្វេសប៊ុករបស់ខ្លួនពីគន្លឹះ៥ចំណុច ដើម្បីឱ្យឪពុកម្តាយបណ្តុះគំនិតឱ្យកូនៗស្រឡាញ់ការអាន មានទម្លាប់អាន និងបង្កើនភាពស្និទស្នាលរវាងឪពុកម្តាយជាមួយកូន តាមរយៈការអាននេះ។ គន្លឹះទាំង៥ចំណុចដែលអង្គការយូនីសេហ្វបង្ហាញមានដូចជា៖
![](https://www.kampucheathmey.com/wp-content/uploads/2024/03/image-1032-1024x575.png)
ចំណុចទី១ ការចាប់ផ្តើម៖ ទារករៀនភាសាពីមនុស្សធំតាមរយៈនិយាយពាក្យដដែលៗ និងអានឱ្យគេស្តាប់ ដូច្នេះ ការអានសៀវភៅឱ្យទារកទើបតែកើតស្តាប់ គឺជាការផ្តល់ឱ្យពួគគេនៃការចាប់ផ្តើមដ៏ល្អបំផុតក្នុងជីវិត។ អំឡុងពេលអានឱ្យទារកស្តាប់ អ្នកគួររៀបរាប់ពីតួអង្គ និងវត្ថុនៅក្នុងសៀវភៅរួមទាំងធ្វើសំឡេងត្រាប់តាមសត្វផង។ ការបញ្ចេញសំឡេងរបស់អ្នក ជួយឱ្យផ្តល់អត្ថន័យចំពោះពាក្យនីមួយៗ និងរូបភាពដែលពួកគេបានឃើញនៅក្នុងសៀវភៅ។
ទី២.ធ្វើជាគំរូ៖ អ្នកត្រូវធ្វើជាគំរូដល់កុមារ ឱ្យពួកគេមើលឃើញថាការអានពិតជាមានសារសំខាន់ សប្បាយរីករាយ មិនមែនកិច្ចការពិបាកឡើយ ដូចនេះ អ្នកគួរធ្វើជាគំរូដល់ពួកគេតាមរយៈការអានឱ្យបានញឹកញាប់ ហើយពួកគេអាចនឹងអនុវត្តការអានតាមអ្នកផងដែរ។ ចំណុចនេះ ក៏ជួយឱ្យពួកគេនៅឆ្ងាយពីឧបករណ៍អេឡិចត្រូនិចដូចជាទូរសព្ទជាដើម។
![](https://www.kampucheathmey.com/wp-content/uploads/2024/03/image-1033.png)
ទី៣. ប្តូរវេនគ្នាអាន៖ នៅពេលកូនកាន់តែធំ សូមប្តូរវេនគ្នាអានឱ្យឮៗដាក់គ្នាទៅវិញទៅមក ប្រសិនជាកូនអ្នកទើបតែចេញអានដំបូងៗ អ្នកអាចឱ្យពួកគេចង្អុលពាក្យ និងអក្សរដែលពួកគេស្គាល់បាន។ នៅពេលអ្នកអានជាមួយកូន គួរសួរទៅកាន់កូនបណ្តើរ អានបណ្តើរ ដូចជា ហេតុអ្វីបានជាមានរឿងនេះកើតឡើង? តើនឹងមានរឿងអ្វីបន្ទាប់ទៀត?
ចំណុចទី៤ ស្តាប់កូនរបស់អ្នក៖ អ្នកគួរតែចំណាយពេលវេលាជាមួយកូនឱ្យបានច្រើននៅពេលដែលពួកគេកាន់តែធំ និងយកចិត្តទុកដាក់ចំពោះអ្វីដែលគេប្រាប់ រួមទាំងចំណង់ចំណូលចិត្តជាដើម។ ចំពោះការអានវិញ ប្រសិនជាគេចូលចិត្តអានពីប្រធានបទអ្វី សៀវភៅប្រភេទណា អ្នកគួរស្វែងរកឱ្យពួកគេ ធ្វើបែបនេះ នឹងជួយឱ្យគេមានភាពរីកចម្រើនច្រើន។
ចំណុចទី៥ បង្កើតជាទម្លាប់៖ ដើម្បីឱ្យពួកគេមានការស្រឡាញ់សៀវភៅ និងចូលចិត្តអាន អ្នកគួរចាប់ផ្តើមបញ្ចូលសៀវភៅទៅក្នុងទម្លាប់ប្រចាំថ្ងៃរបស់ពួកគេ។ អ្នកអាចបង្កើតពេលវេលា ដោយនាំកូនៗអានសៀវភៅមុនចូលគេង ឬ ពេលធ្វើដំណើរ។ នៅពេលដែលកំពុងអានជាមួយកូន កុំឱ្យមានការរំខានពីទូរសព្ទ ឬ ចុចទូរសព្ទលេង ឬ ទូរទស្សន៍ជាដើម ពោល គឺពេលវេលានេះសម្រាប់តែអ្នក និងកូនប៉ុណ្ណោះ។
![](https://www.kampucheathmey.com/wp-content/uploads/2024/03/image-1035-1024x683.png)
តាមការសង្កេត បច្ចុបន្នម្តាយឪពុក អាណាព្យាបាល និងអ្នកមើលថែកុមារនៅមិនទាន់យល់ដឹងពីបញ្ហានេះបានច្រើនឡើយ ជាពិសេស ស្របតាមសម័យឌីជីថលនេះ ឪពុកម្តាយមួយចំនួនបានឱ្យកូនលេងទូរសព្ទ និងមើលទូរទស្សន៍ជំនួសដោយការលួងកុំឱ្យពួកគេយំជាដើម។ ការប្រើប្រាស់ឧបករណ៍អេឡិចត្រូនិចនេះ មនុស្សមួយចំនួនមិនបានកំណត់ពេលវេលាច្បាស់លាស់សម្រាប់កុមារក្នុងការប្រើប្រាស់ឡើយ រហូតធ្វើឱ្យកុមារញៀននឹងការប្រើប្រាស់ ធ្វើឱ្យពួកគេមិនចេះនិយាយជាមួយមនុស្សក៏មានដែរ។ ដូច្នេះ ឪពុកម្តាយគួរយកចិត្តទុកដាក់មើលថែ និងព្យាយាមបង្កើតទម្លាប់ឱ្យកូនអានឱ្យបានច្រើន ទើបជាការប្រសើរ៕
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៥ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៤ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម១ សប្តាហ៍ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ជីវិតកម្សាន្ដ៥ ថ្ងៃ ago
ផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
ជីវិតកម្សាន្ដ២ ថ្ងៃ ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ព័ត៌មានជាតិ២ ថ្ងៃ ago
ករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ចរាចរណ៍២ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត