KPT+

ហាងកាហ្វេមួយនៅ វៀតណាម ទទួលការសាទរពីភ្ញៀវ ដោយសារតែទូផ្ទុកសៀវភៅជាង ៣ តោន

បានផុស

១២ ខែ មុន

នៅ

ថ្ងៃចន្ទ ១ មេសា ២០២៤

ដោយ

ហាងកាហ្វេថ្មីមួយស្ថិតក្នុងទីក្រុងហូជីមិញ នៃប្រទេសវៀតណាម កំពុងទទួលការសាទរយ៉ាងភ្លូកទឹកភ្លូកដី ខណៈដែលវាមានធ្នើធំអាចផ្ទុកសៀវភៅជាង ៣ តោន រួមជាមួយនឹងការតុបតែងបែបបុរាណ ហើយថែមទាំងទាក់ទាញអ្នកទស្សនាជាមួយនឹងបរិយាកាសស្ងប់ស្ងាត់ សម្រាប់អ្នកនិយមចូលចិត្តអានសៀវភៅ។

ហាងកាហ្វេ Nham មានទីតាំងនៅផ្លូវ 91/1 Hoa Hung ក្នុងតំបន់ ១០ ទើបតែបានបើកទ្វាររបស់ខ្លួនជាលើកដំបូងនៅដើមខែមីនានេះទេ។ លក្ខណៈពិសេសរបស់ហាងមួយនេះ បានភាពសាមញ្ញ ចំនុចប្រសព្វនៃការតុបតែងរបស់វា គឺធ្នើសៀវភៅធំមួយដែលជាចំនុចកណ្តាលនៅលើជញ្ជាំងចំកណ្ដាលហាងតែម្ដង។ ចំណែកឯការបញ្ចូលសៀវភៅទៅក្នុងការតុបតែង បម្រើគោលបំណងកាន់តែស៊ីជម្រៅ ដើម្បីបញ្ឆេះចំណង់ចំណូលចិត្តក្នុងការអានក្នុងចំណោមអ្នកឧបត្ថម្ភ។

ថ្វីបើយ៉ាងណាក៏ដោយ បើតាមអ្នកគ្រប់គ្រងហាងទាំងមូលបានបញ្ចាក់ថា ត្រូវបានសាងសង់ក្នុងរយៈពេលតែពីរសប្តាហ៍ប៉ុណ្ណោះ ដោយការបង្កើតធ្នើរសៀវភៅតែម្នាក់ឯង ប្រើពេលពីរថ្ងៃពេញ។ ឈរនៅកម្ពស់ ៧ ម៉ែត្រ និងគ្របដណ្ដប់លើផ្ទៃដីជិត ៣០ ម៉ែត្រការ៉េ ធ្នើត្រូវបានបែងចែកទៅជាផ្នែកជាច្រើន រួមបញ្ចូលជាមួយនឹងជណ្តើរដែលនាំទៅដល់ជាន់ខាងលើ។ ធ្នើត្រូវបានធ្វើឡើងដល់ពិដាន ខណៈបន្ទប់នីមួយៗបង្ហាញសៀវភៅជាច្រើនប្រភេទ ដែលប្រមូលបានពីប្រភពផ្សេងៗគ្នា។

ក្នុងនោះថែមទៀត អ្នកគ្រប់គ្រងហាងបាននិយាយទៀតថា ដោយសារតែសៀវភៅមានច្រើនប្រភេទ ហើយត្រូវបានរៀបចំដោយចៃដន្យនៅលើធ្នើរ។ ដូច្នោះអតិថិជនត្រូវបានស្នើសុំដោយសប្បុរសកុំឲ្យដកសៀវភៅដោយខ្លួនឯង។ ផ្ទុយទៅវិញ ពួកគេអាចស្នើសុំជំនួយពីបុគ្គលិក ប្រសិនបើពួកគេចង់អានសៀវភៅជាក់លាក់ណាមួយ។

ដោយឡែក ភ្ញៀវម្នាក់ឈ្មោះថា Phung Thi Quynh Nhu អាយុ ២០ ឆ្នាំបានចែករំលែកថា “ក្រុមរបស់យើងទាំងមូលបានរកឃើញហាងកាហ្វេនេះតាមរយៈប្រព័ន្ធផ្សព្វផ្សាយសង្គម ដូច្នេះហើយយើងសម្រេចចិត្តទៅទស្សនា បន្ទាប់ពីរៀនចប់”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Tran Thi An ជានិស្សិតអាយុ ២២ ឆ្នាំបានសម្តែងការរីករាយបន្ទាប់ពីបានធ្វើដំណើរជិត ២០ គីឡូម៉ែត្រពីទីក្រុង Thu Duc ដើម្បីទៅទស្សនាហាងកាហ្វេ។ នាងបានកោតសរសើរចំពោះកន្លែងធំទូលាយដែលពោរពេញទៅដោយសៀវភៅ និងការតុបតែងបែបអាឡោះអាល័យ។ នាងបាននិយាយថា ខាងក្នុងធំទូលាយ និងស្ងប់ស្ងាត់ ហើយស្ទើរតែគ្រប់ជ្រុងទាំងអស់ផ្តល់ឱកាសសម្រាប់ការថតរូបដ៏ស្រស់ស្អាត។

យ៉ាងណាមិញ ហាងកាហ្វេនេះអាចទទួលភ្ញៀវបានជាង ២០០ នាក់ និងផ្តល់នូវកន្លែងដាច់ដោយឡែកសម្រាប់ការជជែក ការងារជាក្រុម ការសិក្សា និងកន្លែងអង្គុយខាងក្រៅ។ បន្ថែមពីលើការប្រមូលសៀវភៅរបស់ខ្លួន ហាងកាហ្វេនេះរួមបញ្ចូលនូវរបស់របរប្រើប្រាស់ក្នុងផ្ទះ និងគ្រឿងសង្ហារឹមបែបបុរាណជាច្រើនដូចជា តុ កៅអី ទូរទស្សន៍ កង្ហារ និងភ្លើងសម្រាប់តុបតែង។ នៅខាងក្រៅមានទីធ្លាដែលមានទំហំប្រហែល ៤០ ម៉ែត្រការ៉េ តុបតែងដោយដើមឈើ និងបំពាក់ដោយតុ និងកៅអីទាប។

យោងតាមអ្នកគ្រប់គ្រងហាងកាហ្វេនេះ បានបញ្ចាក់ជាចុងក្រោយថា ហាងមានការកើនឡើងនៃការគាំទ្រអស់រយៈពេលជាងមួយសប្តាហ៍ ជាពិសេសនៅពេលព្រឹក និងពេលល្ងាច ដែលមានអតិថិជនប្រមាណ ៤០០នាក់ជារៀងរាល់ថ្ងៃ