KPT+
មិនទៅអូហ្វីស ធ្វើការងារពីផ្ទះយ៉ាងណាឲ្យមានប្រសិទ្ធភាព?
វីរុសកូវីដ-១៩កំពុងដាក់កម្រិតលើទំនាក់ទំនងសង្គម ជាពិសេសនៅបណ្ដាកន្លែងណា ដែលមានមនុស្សចាប់ពី២នាក់ឡើង ព្រោះយើងមិនដឹងឡើយថា មុនពេលមកដល់គេឆ្លងកាត់អ្វីខ្លះនិង អ្នកណាខ្លះដែលគេបានប៉ះពាល់។
សម្រាប់មនុស្សមួយចំនួន ការបង្កើត Office ធ្វើការពីផ្ទះមិនមានអ្វីថ្មីទេ ព្រោះពួកគេចាប់ផ្ដើមធ្វើរបៀបនេះជាយូរមកហើយ ពិសេសនៅប្រទេសរីកចម្រើន។
ឥឡូវនេះ ជាមួយនឹងភាពមិនទៀងទាត់នៃស្ថានភាពកូវីដ-១៩គ្មានអ្នកណាម្នាក់ក្នុងពេលបច្ចុប្បន្នអាចទាយទុកជាមុនបានថា ការថប់បារម្ភនេះ នឹងត្រូវអូសបន្លាយូរប៉ុណ្ណាទៀតនោះឡើយ។
នោះមានន័យថា យើងត្រូវតែត្រៀម និងបំពាក់បរិដ្ឋានការងារដែលមានបរិយាកាសល្អ ពីផ្ទះរយៈពេលវែង និងកំណត់វិន័យផ្ទាល់ខ្លួនចាប់ពីពេលនេះតទៅ។
ប្រសិនបើអ្នកអាន មិនដែលមានបទពិសោធន៍ធ្វើការពីផ្ទះទេ អាចអានគំនិតចែករំលែក របស់ក្រុមអ្នកធ្វើការឯករាជ្យដែលបានធ្វើការពីផ្ទះអស់រយៈពេលជាយូរមកហើយ។ ពួកគេ ខ្លះមានបទពិសោធន៍ពី ៥ទៅ ១៥ ឆ្នាំដូច្នេះពួកគេដឹងថា អ្វីទៅជាប្រព័ន្ធការងារ ដែលប្រសើរបំផុត។ នេះគឺជាគន្លឹះខ្លះៗពីមនុស្សដែលធ្វើការនៅផ្ទះជាប្រចាំ៖
១ កំហិតម៉ោងពេលទៀងទាត់
ឈប់គិតថា ការងារនៅផ្ទះគ្មានម៉ោងពេល ធ្វើពេលណាក៏បាន ពុំនោះទេ អ្នកនឹងគ្មានអំណះអំណាង ការពារប្រាក់ខែរបស់អ្នកទេ។
២ គោរពតួនាទីដោយមិនចាំបាច់មានអ្នកតាមពិនិត្យ
យើងមិនចាំបាច់ពាក់អាវធំ តែក៏មិនមែនក្រោកមកសើងមើងឆ្លើយតបមែលពីគ្រែដេក ឬពីតុបាយដែរ។ ផ្លាស់ប្ដូររៀបចំឲ្យមានហោចណាស់ក៏ជាតុធ្វើការសមរម្យមួយ ប្រសិនបើអ្នកមិនមានលទ្ធភាព មានបន្ទប់ធ្វើការដាច់ដោយឡែកបាន សម្រាប់ប្រមូលអារម្មណ៍នោះទេ។
៣ សកម្មជានិច្ចមិនថាកំពុងនៅទីណា
![](https://www.kampucheathmey.com/wp-content/uploads/2021/02/pexels-ketut-subiyanto-4474035-scaled-1-1024x683.jpg)
កុំមើលទូរទស្សន៍ពេលកំពុងធ្វើការ ឬសូម្បីតែពេលហូបអាហារសម្រន់។ ចូរយកវាចេញពីតុ ហើយហូបរួចសឹមវិលមកវិញ បន្តការងារ។ កុំលេងបណ្តាញសង្គមរហូតដល់អ្នកអាចបញ្ចប់ហោចណាស់៧ម៉ោងកន្លះនៃការងារ។ ប្រសិនអ្នកចង់កេងចំណេញ ចូរសួរខ្លួនឯងថា ហេតុអ្វីបានជាគេព្រមឲ្យឈ្នួលយើង ទាំងដែលយើងមិនទៅធ្វើការ។
៤ ជៀសវាងអារម្មណ៍ឯកោ
តុធ្វើការរបស់អ្នកគួរតែនៅទីតាំងដែលអាចមើលឃើញទៅខាងក្រៅ មានផ្កាកំដរ មានកាហ្វេទឹកក្តៅឧណ្ឌៗ ឬទទួលបានខ្យល់អាកាសបរិសុទ្ធកាន់តែប្រសើរ។ វាចាំបាច់ណាស់ក្នុងការក្រោកឈរហើយដើរចុះឡើងជុំវិញតុ ឬសមាធិរៀងរាល់មួយម៉ោងម្តងហោចណាស់បាន១០នាទី។
៥ កំណត់លទ្ធផល
![](https://www.kampucheathmey.com/wp-content/uploads/2021/02/beautiful-asian-mother-daughter-having-breakfast-together-home-morning_34054-562-1.jpg)
មានសៀវភៅបញ្ជីការងារត្រូវធ្វើប្រចាំសប្តាហ៍ ហើយបញ្ចប់ច្បាស់លាស់ក្នុងកាលកំណត់។ ប្រសិនអ្នកធ្វើបាន មិនបាច់ភ័យរឿងសេរីភាពទៀតឡើយចាប់ពីពេលនេះទៅ។ អ្នកនិងក្រុមការងារគួរតែកំណត់ពេលប្រជុំតាមអ៊ីនធឺណិតទៀងទាត់ ដើម្បីតាមដានលទ្ធផលការងារនិងផែនការថ្មី៕
ប្រែសម្រួល៖ចម្រើនតារា
ចុចអាន៖ចង់រកលុយបានច្រើន មើលរបៀបរកស៊ីរបស់ Fast-Food ទំាងនេះសិន!
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១៧ ម៉ោង ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១៧ ម៉ោង ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៧ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៥ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ សប្តាហ៍ ago
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច