KPT+

USAID ប្រកាសពីការប្រកួតរូបថតស្តីពីភពផែនដី ឬ ប្លាស្ទិក

បានផុស

៥ ខែ មុន

នៅ

ថ្ងៃព្រហស្បតិ៍ ១៨ មេសា ២០២៤

ដោយ

ទីភ្នាក់ងារជំនួយអាមេរិក (USAID Cambodia) បានប្រកាសនៅលើបណ្តាញសង្គមហ្វេសប៊ុករបស់ខ្លួនពីការប្រកួតរូបថតអំពីទិវាផែនដីឆ្នាំ ២០២៤៖ ភពផែនដី ឬ ប្លាស្ទិក ដើម្បីឈ្នះរង្វាន់ ហើយរូបថតជ័យលាភី នឹងដាក់បង្ហាញលើទំព័រហ្វេសប៊ុកផ្លូវការរបស់ទីភ្នាក់ងារជំនួយអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះលក្ខខណ្ឌនៃការប្រកួតនោះ គឺរូបថតត្រូវតែជារូបថតនៅប្រទេសកម្ពុជា ហើយផ្ញើទៅកាន់ប្រអប់សាររបស់ USAID Cambodia មុនថ្ងៃទី២៤ ខែមេសា ឆ្នាំ២០២៤។ បេក្ខជនម្នាក់អាចផ្ញើរូបបានតែម្តងប៉ុណ្ណោះ។ បន្ទាប់មក USAID Cambodia នឹងចែករំលែករូបថតល្អបំផុតនៅលើទំព័រហ្វេសប៊ុករបស់ខ្លួន។ ក្រោយពីចែករំលែករួច នឹងអាចឱ្យសាធារណជនបោះឆ្នោតតាមរយៈការចុច Like ដើម្បីជ្រើសរើសអ្នកឈ្នះចំនួន៣នាក់។

ក្រៅពីប្រអប់សាររបស់ USAID Cambodia លោកអ្នកក៏អាចផ្ញើតាមតាមអ៊ីម៉ែល [email protected] ដោយភ្ជាប់មកជាមួយនូវចំណងជើង ឬការពិពណ៌នាខ្លី ស្តីអំពីអត្ថន័យនៃរូបថតដោយឆ្លើយតបទៅនឹងប្រធានបទ៖ “ភពផែនដី ឬ ប្លាស្ទិក”។ USAID Cambodia បញ្ជាក់ថា រូបថតរបស់អ្នកគួរតែជួយផ្សព្វផ្សាយ និងផ្ដល់ចំណេះដឹងដល់សាធារណជនអំពីផលប៉ះពាល់ដែលបង្កឡើងដោយប្លាស្ទិកចំពោះជីវិតមនុស្ស សត្វ និងសុខភាពរបស់ជីវចម្រុះទាំងអស់៕