Connect with us

KPT+

គ្រាន់​តែ​ស្រកី​ដូង​ក៏​អាច​កាត់​បន្ថយ​ការ​បំផ្លាញ​ពិភពលោក​បាន​ដែរ

បានផុស

នៅ

បើ​តាម​របាយការណ៍សរុប ​ដើម​ឈើ​ជាង​ ១៥ ​ប៊ី​លាន​ដើម​ត្រូវ​បាន​កាប់​បំផ្លាញ​ជា​រៀង​រាល់​ឆ្នាំ​ដែល​ជា​ការ​បំផ្លាញ​បរិស្ថានដ៏ធ្ងន់ធ្ងរ។ ​មនុស្ស​ជាច្រើន​បាន​ចូល​រួម​ដាំ​ដើម​ឈើណាស់ដែរ ​ប៉ុន្តែ​ហាក់​ដូច​​មាន​ការ​យ៉ាប់យ៉ឺន ​ព្រោះ​ថា​ការ​កាប់​បំផ្លាញ​ច្រើន​ជាង​ការ​ដាំដុះ។ ​ហេតុ​ដូច​នេះ​ហើយ​ការ​លូតលាស់​របស់​ដើម​ឈើ​មាន​ការ​យឺត​យ៉ាវ​ជាង​ការ​កាប់​បំផ្លាញ។

ក្រុមការងារ CocoPallets

តើ CocoPallets ជា​អ្វី? ពួក​គេ​ជា​អ្នក​ដឹក​អីវ៉ាន់​ និងបង្កើត​ផលិតផល​ចេញ​ពី​ស្រកីដូង​ដែល​កែច្នៃ​ឡើង​វិញ​​ទាំង​ស្រុង។ ពួក​គេ​ជា​អ្នក​ដែល​ចូល​ចិត្ត​ថែ​រក្សា ​និង​រួម​ចំណែក​ការពារ​ដើម​ឈើ​ដែល​រង​ការ​បំផ្លាញ​ពីពួក​ឈ្មួញកណ្ដាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នក​វិទ្យាសាស្ត្រលោក Jan Van Dam ដែល​ជាបុគ្គលម្នាក់នៅ​ពី​ក្រោយ​ការ​រចនា​ស្រកីដូងដំបូង​ ​បានឲ្យដឹងថា គំនិតច្នៃប្រឌិតនេះបានមកពីប្រទេស​ឥណ្ឌូនេស៊ី។ ពេលនោះបុរស​ម្ចាស់​ស្រុក​ម្នាក់​បាន​បង្ហាញ​ក្តារ​មួយ​ដុំ​ ​មើល​ទៅ​ស្រដៀង​​ក្រដាស​រឹង​ធម្មតា ​តែ​តាម​ពិត​វា​ធ្វើ​ពី​សំបក​ដូង​ទាំង​ស្រុង។ លោក​មាន​ការ​ភ្ញាក់​ផ្អើល​នៅ​ពេលដឹងថា ​ក្តារ​ក្រាល​រឹង​មាំមួយ ​ត្រូវ​បាន​ផលិត​ចេញ​ពី​ស្រកីដូង។ ភ្លាមៗ​នោះ​អ្នកវិទ្យាសាស្ត្ររូបនេះ​​គិត​ថា ​តើ​ពិភព​លោក​អាច​ទទួល​បាន​អត្ថ​ប្រយោជន៍​ពី​អ្វី​ខ្លះ? ​ជា​ពិសេស​នៅ​កន្លែង​ដែល​កាក​សំណល់​ដូង​មាន​ច្រើន​ដូច​ជា​នៅ​អាស៊ី។

លោកមានប្រសាសន៍ថា នៅ​ទូទាំង​ទ្វីប​អាស៊ី​មាន​កាក​សំណល់​ដូង​រលួយមិនតិចទេ ហើយ​គ្មាន​នរណា​​ប្រើ​​ឡើយ ​ប៉ុន្តែ​វា​អាច​ធ្វើ​បដិវត្ត​ទៅ​ដល់​ពិភពលោក​បាន។ ការ​ធ្វើ​វត្ថុ​ធាតុ​ដើម​ពី​ស្រកីដូង​គឺ​ជា​គំនិត​ដ៏​ប្រសើរ​បំផុត។ តាម​រយៈ​ស្រកីដូង​ វា​បាន​ធ្វើ​ឱ្យ​ប្រទេស​នៅ​ក្នុង​ទ្វីប​អាស៊ី​ងាយ​ស្រួល​ក្នុង​ការ​ស្វែង​រក​និង​ជួយ​កាត់​បន្ថយ​កាក​សំណល់កខ្វក់។ ​មិន​ត្រឹម​តែ​ប៉ុណ្ណោះ ​ការ​យក​ស្រកីដូង​មក​កែច្នៃ​ ​ពិត​ជា​​មាន​គុណ​សម្បត្តិពិសេស ​ដោយហេតុថា ​វា​ស្រាល​ជា​ជាង​ដុំ​ឈើ​ទៅ​ទៀត។ អ្វី​ដែល​សំខាន់​បំផុត​វា​មាន​តម្លៃ​ថោក​ជាង​ឈើ​ធម្មតា។​ នេះ​ជា​ហេតុ​ផល​ចម្បង​ដែល​មនុស្ស​គ្រប់​គ្នា​គួរ​ចាប់​ផ្តើម​ប្រើ​ប្រាស់​ដោយ​មិន​មាន​ផល​ប៉ះ​ពាល់​ដល់​បរិស្ថាន  ​ថែម​ទាំង​ចូល​រួម​កាត់បន្ថយ​ការ​កាប់​បំផ្លាញព្រៃឈើ ​និង​ការពារ​ពិភពលោក​របស់​យើង៕

ប្រែសម្រួល៖ សន​ ផានិត

ចុចអាន៖ គេជឿថា ក្តួច​Truffles រក្សាសម្រស់ស្បែកឱ្យ​ក្មេងជាងវ័យ​២០ម្ភៃឆ្នាំ

ចុចអាន៖ ​ក្លិន​ទឹកអប់​អាច​ប្រាប់​ពី​និស្ស័យ​ពិត​នៃ​​មនុស្ស​ម្នាក់​ៗ​បាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម