រស់នៅជាមួយគំនុំគុំគួននាំមកនូវអន្តរាយមិនថា ការរកស៊ីឬសង្គមគ្រួសារ

គំនិតគុំគួនជាគំនិតបែបអវិជ្ជមាន រារាំងជីវិតមិនឲ្យជួបភាពរីកចម្រើន ធ្វើឲ្យខ្លួនក្លាយជាមនុស្សមើលពិភពលោកក្នុងចំណុចអាក្រក់ក្លាយជាទម្លាប់ដោយមិនដឹងខ្លួន និងញ៉ាំងឲ្យទង្វើ ពាក្យសម្ដី ឥរិយាបថសម្ដែងចេញមកបែបច្រង៉េងច្រង៉ាងគួរឲ្យស្អប់។

ការគិតពីគំនុំព្យាបាទអ្នកដ៏ទៃ គឺជាការគិតបែបបំផ្លាញខ្លួនឯង និងបង្ហាញយ៉ាងច្បាស់ពីគំនិតយកតែពីឈ្នះដែលខ្លួនឯងមាន ឲ្យបាននូវរឿងដែលឥតខ្លឹមសារ ឬគ្មានប្រយោជន៍អ្វីសោះ កាន់តែគិតរឹងរឹតតែធ្វើឲ្យជីវិតត្រដាបត្រដួស ព្រោះតែរឿងមិនល្អ និងសាងសត្រូវដោយមិនដឹងខ្លួន។

វិធីកែគឺត្រូវចេះឲ្យអភ័យ ឈប់គិតរឿងឥតបានការ ធ្វើចិត្តឲ្យស្រស់ស្រាយជានិច្ច គប្បីនិយាយ និងគិតពីរឿងដែលរីកចម្រើន និងមានប្រយោជន៍ យកចិត្តគេឬជីវិតគេមកដាក់ចិត្តយើង។

ប្រសិនបើទៅរួច គួរគប្បីរំសាយចេញខ្លះ សាកល្បងអង្គុយចុះហើយបិទភ្នែក ហ្វឹកហាត់កំចាត់ភាពតប់ប្រមល់ ដោយវិធីដកដង្ហើមជ្រៅៗ ២ ទៅ ៣ ដង នេះជាការហ្វឹកហាត់សមាធិ និងជាវិធីសាស្រ្តរំសាយអារម្មណ៍ដ៏ល្អជាទីបំផុត និងមិនធ្វើឲ្យមនុស្សមានគំនុំព្យាបាទ។ នេះក៏ព្រោះថា មានសតិពេលណានឹងធ្វើឲ្យគិតបានល្អ ធ្វើល្អមិនគិតរឿងគំនុំព្យាបាទ ។

ប្រសិនបើពុំអាចកែបាន បណ្តោយឲ្យក្លាយទៅជាទម្លាប់ ប្រាកដណាស់ថា ជីវិតមួយនេះមានតែភាពចម្រើនខាងផ្លូវអាក្រក់ និងពុំមានសេចក្តីសុខឡើយ៕

ប្រែសម្រួល៖ សន្យា

ប្រភព៖ healthline

ចុចអាន៖ ព្រមាន! មាន៦ចំណុចនេះ អាជីវកម្ម​ខ្នាត​តូច​ងាយ​បរាជ័យ​ណាស់

ចុចអាន៖ កុំកសាងជញ្ជាំងក្នុងបេះដូង រារាំងខ្លួនឯងពីពិភពលោកនេះ