KPT+
ស្ត្រីវ័យ ៧ ជំនាន់៖ អ្នកជិតខាងមិនបាច់ជិតស្និទ្ធគ្នាពេកទេ
ស្ថាបនិក និងជានាយិកាគ្រប់គ្រងទូទៅ អង្គការ រួមដៃគ្នាផ្តល់ក្តីសង្ឃឹម អ្នកស្រី សោម សុភណ្ឌ ដែលបានធំដឹងក្ដីឆ្លងកាត់សង្គម ៧ ជំនាន់ បានមានប្រសាសន៍ប្រាប់ “កម្ពុជាថ្មី” ថា អ្នកជិតខាងប្រៀបដូចជាបងប្អូនរបស់យើង ដ្បិតបើមានអាសន្នអ្វី បងប្អូននៅឆ្ងាយមកជួយមិនទាន់ទេ។ ការយកអាសារគ្នាគឺជារឿងល្អមែនទែនសម្រាប់គ្រួសារនីមួយៗ ក្នុងការបង្កើតសហគមន៍តូចៗ ជាកោសិកាសង្គម ជួយឱ្យសង្គមរីកចម្រើន ដែលកើតពីសង្គមតូចៗរួមផ្ដុំគ្នា។ ប៉ុន្តែអ្នកជិតខាង មិនបាច់ល្អ ជិតស្និទ្ធគ្នាពេកទេ។
![](https://www.kampucheathmey.com/wp-content/uploads/2024/07/DSC102-46-1024x683.jpg)
អ្នកស្រី សោម សុភណ្ឌ មានប្រសាសន៍ថា៖ “ខ្ញុំគិតថា មិនចាំបាច់យើងត្រូវទាក់ទងជិតស្និទ្ធ រហូតទៅដើរលេងនៅផ្ទះគេយូរៗ។ ចា៎! ខ្ញុំសុំអត់គាំទ្ររឿងនេះទេ គឺរហូតសុខចិត្តបិទទ្វារផ្ទះ ទៅអង្គុយផ្ទះគេ ដល់តែអង្គុយផ្ទះគេយូរៗទៅ នៅញ៉ាំបាយផ្ទះគេ ញ៉ាំបាយផ្ទះគេ គឺអាចជួយធ្វើម្ហូបផ្ទះគេ ហើយភ្លេចធ្វើម្ហូបផ្ទះឯង”។
![](https://www.kampucheathmey.com/wp-content/uploads/2024/07/2-1-1024x683.jpg)
អ្នកស្រី សោម សុភណ្ឌ មានប្រសាសន៍បន្ថែមថា៖ “ហើយចេះតែមានរឿងនិយាយ អ្នកនេះអ៊ីចេះ អ្នកនោះអ៊ីចុះ, កូនអ្នកនេះអ្នកនោះ ចូលផ្ទះយប់ៗ នាំគ្នាឆ្ងល់ ហើយថាម៉ែឪគេបណ្ដោយកូនអ៊ីចេះអ៊ីចុះ ជជែករឿងផ្ទះគ្រួសារនោះម៉េចកូននៅយូរៗម៉េះអត់ទាន់រៀបការ… ចេះតែមានរឿងនិយាយគ្នា ហើយយូរៗទៅអត់មានរឿងអីនិយាយ ចាប់ផ្ដើមនិយាយរឿងផ្ទាល់ខ្លួននៅក្នុងគ្រួសារ ប្ដីខ្ញុំគាត់អ៊ីចេះ កូនខ្ញុំវាអ៊ីចុះ ដែលនេះជារឿងពិបាក ហើយជាបញ្ហាដែលអត់មាននាំប្រយោជន៍អីឱ្យយើងវិញសោះ”។
![](https://www.kampucheathmey.com/wp-content/uploads/2024/07/DSC102-31-1024x683.jpg)
អ្នកស្រី សោម សុភណ្ឌ លើកឡើងថា ទំនាក់ទំនងល្អជាមួយអ្នកជិតខាង គឺការផ្ដល់ស្នាមញញឹម ខណៈអ្នកជិតខាងរបស់អ្នកស្រីជាមនុស្សល្អ ជាអ្នកធ្វើការងារផ្សេងៗ និងសូម្បីតែអ្នកជិតខាងលក់អីវ៉ាន់ ក៏មិនមែនគិតតែលក់ដូរយកចំណេញដែរ ពោលតែងសួរនាំ ផ្ដាំផ្ញើ និងចូលបច្ច័យតាមស្រីពេលទៅវត្ត។ អ្នកស្រីបន្តថា អ្វីដែលអ្នកស្រីត្រូវប្រុងប្រយ័ត្នគឺ អ្នកជិតខាងជាជនបរទេស។
![](https://www.kampucheathmey.com/wp-content/uploads/2024/07/3-3-1024x683.jpg)
អ្នកស្រី សោម សុភណ្ឌ មានប្រសាសន៍បន្តថា៖ “ខ្ញុំត្រូវរក្សាអត្តសញ្ញាណក្នុងនាមខ្ញុំជាជនជាតិខ្មែរ ខ្ញុំអត់ចង់ឱ្យបរទេសថា របៀបរបបរស់នៅខ្មែរមិនល្អ រឡេឡូរញ៉េរញ៉ៃ… ប៉ុន្តែពួកគាត់ជាមនុស្សល្អទេ។ ថ្ងៃមួយ អ្នកជិតខាងជួសជុលឥដ្ឋមុខផ្ទះ ហើយពេលជួសជុលហើយជាងទៅបាត់ ទុកដីខ្សាច់ខ្លះមុខផ្ទះ លុះពេលភ្លៀងមកខ្សាច់នៅបាំងទឹកហូរចូលលូ ខ្ញុំបានយកប្រដាប់ចូកតូចមួយកាយដីខ្សាច់នោះ ហើយជនជាតិហ្វីលីពីននេះ ក៏រត់មក យកប៉ែលធំមួយជួយកាយដីកណ្ដាលភ្លៀងដែរ។ ខ្ញុំលើកដៃសំពះអរគុណ ហើយពេលមានម្ហូបចំណីអ្វី តែងហុចជូនគ្នាទៅវិញទៅមក ឃើញមុខគ្នា ញញឹមដាក់គ្នា សួរសុខទុក្ខគ្នា មិនបាច់ទៅអង្គុយលេងផ្ទះគេ និយាយគ្នារាប់ម៉ោងអីទេ”។
![](https://www.kampucheathmey.com/wp-content/uploads/2024/07/1-2-1024x683.jpg)
គួរបញ្ជាក់ថា អ្នកស្រី សោម សុភណ្ឌ មានវ័យ ជាង ៧០ ឆ្នាំ បានធំដឹងក្ដី និងឆ្លងកាត់ ៧ សម័យ៖ ១. សម័យសង្គមរាស្រ្តនិយម ឬព្រះរាជាណាចក្រកម្ពុជាទី១ (ឆ្នាំ១៩៥៣-១៩៧០) ២. សម័យសាធារណរដ្ឋខ្មែរ ឬសម័យ លន់ ណុល (ឆ្នាំ១៩៧០-១៩៧៥) ៣. សម័យកម្ពុជាប្រជាធិបតេយ្យ ឬសម័យ ប៉ុល ពត (ឆ្នាំ១៩៧៥-១៩៧៩) ៤. សម័យសាធារណរដ្ឋប្រជាមានិតកម្ពុជា (ឆ្នាំ១៩៧៩-១៩៨៩) ៥. សម័យរដ្ឋកម្ពុជា (ឆ្នាំ១៩៨៩-១៩៩១) ៦. សម័យអ៊ុនតាក់ ក្រោមការគ្រប់គ្រងរបស់អង្គការសហប្រជាជាតិ (ឆ្នាំ១៩៩២-១៩៩៣) ៧. សម័យព្រះរាជាណាចក្រកម្ពុជា ឬព្រះរាជាណាចក្រកម្ពុជាទី២ (ឆ្នាំ១៩៩៣-បច្ចុប្បន្ន)៕
អត្ថបទ៖ ច័ន្ទ វីរៈ
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៣ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ៨ ម៉ោង ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ៦ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ២៣ ម៉ោង ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
ព័ត៌មានជាតិ៥ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ៧ ថ្ងៃ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
-
ព័ត៌មានជាតិ២ ថ្ងៃ ago
ក្រុមហ៊ុន ចំនួន២ កើតទុក្ខមិនសុខចិត្ត រឿងដេញថ្លៃសង់ផ្លូវបេតុង ក្នុងឃុំថ្មពេជ្រ ក្នុងខេត្តត្បូងឃ្មុំ
-
ព័ត៌មានជាតិ៦ ថ្ងៃ ago
រយៈពេល៣៥ថ្ងៃ សាលាដំបូងរាជធានីខេត្ត ទទួលបានសំណុំរឿង ក្មេងទំនើងចំនួន ២៤៤ករណី