KPT+
ភ្នំខ្នងព្រះអង្គ អាចជាគោលដៅមើលតារាសាស្រ្តនៅកម្ពុជា ហើយមានទំនាក់ទំនងនឹងទីសក្ការៈបុរាណ
ភ្នំខ្នងព្រះអង្គ មិនត្រឹមតែជាតំបន់ធម្មជាតិសម្រាប់ដំណើរផ្សងព្រេងទេ តែក៏ជាតំបន់ប្រវិត្តសាស្ត្រផងដែរ ដែលទំនងជាកន្លែងទីសក្ការៈ ពីសម័យបុរាណ ព្រោះមានរូបគំនូរព្រះពុទ្ធសាសនា និងរូបគំនូរពាក់ព័ន្ធនឹងព្រះពុទ្ធសាសនា លើកកំរាលថ្ម នៃខ្នងភ្នំ។ ម៉្យាង ទីនេះក៏អាចជាកន្លែងមើលតារាសាស្រ្តផងដែរ។ តែរឿងរ៉ាងទាំងអស់នេះ នៅតែជាអាថកំបាំង និងមិនទាន់មានការបកស្រាយពីអ្នកជំនាញណាម្នាក់នៅឡើយទេ។
នេះបើតាមការបញ្ជាក់ពី មន្ទីរទេសចរណ៍ខេត្តពោធិ៍សាត់ តាមរយៈហ្វេសប៊ុកផេកផ្លូវការ កាលពីថ្ងៃទី១០ ខែកក្កដា ឆ្នាំ២០២៤។
![](https://www.kampucheathmey.com/wp-content/uploads/2024/07/tes-1024x584.jpg)
បើប្រភពរដ្ឋបាលខេត្ត ភ្នំនេះ មានកម្ពស់ប្រហែល ១២០០ម៉ែត្រ ធៀបនឹងនីវ៉ូទឹកសមុទ្រ ជាខ្នងភ្នំដែលមានទេសភាព ៣៦០ដឺក្រេ ជាទីតាំងបោះជំរុំលើកំពូលភ្នំ អាចអង្គុយគយគន់ទេសភាព ថ្ងៃរះចែងចាំងពីព្រៃភ្នំ និងថ្ងៃរៀបលិច ចាំងឆ្លុះពីផ្ទៃសមុទ្រ មើលឃើញកោះតូចៗជាប់នឹងផ្ទៃសមុទ្រខេត្តត្រាត របស់ថៃ។ ក្រៅពីការគយគន់ទេសភាពខ្នងភ្នំ ទេសចរក៏អាចមើលឃើញផ្ទាំងទស្សនីយភាព នៃជួរភ្នំជាច្រើនតម្រៀបគ្នាច្រើនជាន់ថ្នាក់ ព្រមទាំងជ្រោះជ្រលងដងអូរ ក្នុងទិដ្ឋភាពល្អពេកក្រៃ។
![](https://www.kampucheathmey.com/wp-content/uploads/2024/07/tes2-1024x473.jpg)
ដោយឡែកពាក់ព័ន្ធនឹងស្ថានភាពផ្លូវឡើងភ្នំវិញនោះ យើងត្រូវដើរកាត់តាមព្រៃស្រោង ស្តើង ក្រាស់ ចំណោតទាប មធ្យម ខ្ពស់ ឆ្លងកាត់ជ្រោះ ជ្រលងដងអូរ ដោយត្រូវតោងខ្សែវល្លិ និងដើមឈើ ដែលក្នុងនោះ ក៏មានផ្ទាំងថ្មធំៗ និងរុក្ខជាតិ តូច ធំពណ៌បៃតងស្រស់ ប្រកបទៅដោយភាពទាក់ទាញយ៉ាងខ្លាំង។
ទាក់ទងនឹងដំណើរទៅកាន់ខ្នងភ្នំនេះ លោក អុឹង បញ្ញា អ្នករៀបចំដំណើរកម្សាន្តបែបផ្សងព្រេង អះអាងដែរថា ចំពោះការធ្វើដំណើរកម្សាន្តឡើងភ្នំនេះ អាចនឹងពិបាកបន្តិច ប៉ុន្តែទេសចរអាចទទួលបានមកវិញ នូវអារម្មណ៍មួយផ្សេងទៀត ជាមួយនឹងធម្មជាតិ។ ដោយឡែក សម្រាប់អាកាសធាតុនៅតំបន់ភ្នំខ្នងព្រះ ខែនេះ គឺត្រជាក់ ដូចនេះសម្រាប់ការបោះជំរុំ គួរតែមានត្រៀមជាពូកខ្យល់ សម្លៀកបំពាក់ក្រាស់ៗ ស្រោមដៃ ស្រោមជើង ភួយ និងមួកជាដើម៕
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៦ ថ្ងៃ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
ព័ត៌មានជាតិ៦ ថ្ងៃ ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ៦ ម៉ោង ago
អ្នកឧកញ៉ា លី សុភ័ក្ត ប្រកាសទុកពេល២៤ម៉ោងឱ្យម្ចាស់ហ្វេសប៊ុកCamcar Collection លុបសំណេរ និងសុំទោសជាសាធារណៈ
-
ព័ត៌មានជាតិ៣ ថ្ងៃ ago
ឆ្នាំមុនតារាសម្ដែងជើងចាស់ គន្ធ តារាវណ្ណ ស្លាប់ ឯឆ្នាំនេះ ពិធីករល្បីលោក គន្ធ ជីវ័ន្ត ត្រូវជាកូន ក៏ស្លាប់តាមក្រោយ
-
សេដ្ឋកិច្ច១ សប្តាហ៍ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
សុខភាព១ ថ្ងៃ ago
ផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានជាតិ២ ថ្ងៃ ago
គ្រោងដាំដើមឈើរាប់ម៉ឺនដើម ប្រែក្លាយតំបន់បឹងតាមោកជាឧទ្យានជាតិបៃតង
-
ព័ត៌មានជាតិ១ ថ្ងៃ ago
លោក ប៉ែន បូណា៖ «យុវជនកើតក្នុងសម័យនេះ មានសំណាងជាងយុវជនជំនាន់មុនឆ្ងាយណាស់»