KPT+

តើសាច់កករលាយច្រើនដង អាចកខ្វក់ឬឆ្លងមេរោគដែរឬទេ?

បានផុស

៧ ខែ មុន

នៅ

ថ្ងៃព្រហស្បតិ៍ ២៥ កក្កដា ២០២៤

ដោយ

សាច់ដែលមិនទាន់ចម្អិនភ្លាមៗអាចខូច ហើយក្លាយជាបរិយាកាសដ៏ល្អសម្រាប់បាក់តេរីលូតលាស់។ ជាពិសេស អាហារដែលរលាយហើយបន្ទាប់មកកកច្រើនដង អាចបាត់បង់សារធាតុចិញ្ចឹម បង្កើនហានិភ័យនៃការចម្លងរោគ ហើយសាច់អាចលែងស្រស់ ឬអាចខូចគុណភាពតែម្ដង។

ដើម្បីធានាសុវត្ថិភាព សាច់ត្រូវក្លាសេតែម្តង ហើយចម្អិនភ្លាមៗបន្ទាប់ពីយកវាទៅរលាយរួច ចៀសវាងការកកវិញ ។ អ្នកអាចប្រើមីក្រូវ៉េវដើម្បីរលាយវានៅសីតុណ្ហភាពសមស្រប ឬដាក់សាច់នៅក្នុងទូទឹកកកដើម្បីរលាយយឺត។ ប៉ុន្តែ ត្រូវប្រយ័ត្នកុំឲ្យទឹកចេញពីថង់សាច់ហៀរចេញ។ ចំណែកផ្នែកដែលមិនបានប្រើ មិនគួរដាក់នៅខាងក្រៅទេ ហើយដាក់ចូលក្នុងទូរបង្កកវិញភ្លាមៗ។ ប្រការសំខាន់ កុំទុកសាច់ជាមួយបន្លែ ឬអាហារផ្សេងៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សាច់គួរតែត្រូវបានរុំយ៉ាងតឹងនៅក្នុងថង់ប្លាស្ទិក ដើម្បីការពារការបាត់បង់សារធាតុចិញ្ចឹម។ ចៀសវាងការប្រើទឹកក្តៅព្រោះវាអាចធ្វើឲ្យខូចសាច់ និងបង្កើតលក្ខខណ្ឌអំណោយផលសម្រាប់ការលូតលាស់បាក់តេរី។

ទោះជាយ៉ាងណាក៏ដោយ អ្នកមិនគួរទុកអាហារណាមួយ រួមទាំងសាច់នៅក្នុងទូទឹកកកយូរពេកនោះទេ ព្រោះវាអាចបង្កើតជាតិពុលបានយ៉ាងងាយ។ អាហារគួរតែត្រូវបានបែងចែកទៅជាធុង ឬថង់នីមួយៗ ដើម្បីទុកដោយឡែកពីគ្នា។ ការលាងសម្អាតទូទឹកកកឲ្យបានទៀងទាត់ ក៏ត្រូវបានណែនាំផងដែរ ដើម្បីការពារការចម្លងរោគដោយបាក់តេរីផ្សេងៗ៕