ស្ត្រី​ ចិន ​មានអាយុ​ដល់ទៅ១១០​ឆ្នាំ ដោយសារ​តែទម្លាប់​សាមញ្ញ​ ៤​ យ៉ាង ធ្វើប្រចាំថ្ងៃ

អាថ៌កំបាំង​នៃ​អាយុ​វែង​របស់​ជីដូន​ចិន គឺជា​គន្លឹះ​រក្សា និង​ពន្យារ​អាយុ​វែង ដែល​អ្នក​រាល់​គ្នា​អាច​រៀន​បាន។​ យោងតាមសារព័ត៌មាន Toutiao លោកយាយ Ha Tu មានអាយុ ១១០ ឆ្នាំ ធ្លាប់ជាតារាអាយុវែងប្រចាំនៅទីក្រុង Xiamen ខេត្ត Fujian។

ក្នុងវ័យដ៏កម្រ ស្ត្រីចំណាស់ម្នាក់នេះ នៅតែមានការប្រុងប្រយ័ត្នខ្ពស់ មានសុខភាពល្អ និងតែងតែជួយកូនៗធ្វើម្ហូបជាពិសេសគាត់ថែមទាំងសម្អាតផ្ទះជារៀងរាល់ថ្ងៃ ធ្វើឲ្យមនុស្សជាច្រើនភ្ញាក់ផ្អើលដោយសារតែគាត់មានកម្លាំងពលាំងមាំមួនជាងមនុស្សដទៃ។

នៅពេលសួរអំពីអាថ៌កំបាំងនៃអាយុវែងរបស់គាត់ លោកយាយ Ha Tu បាននិយាយថា វិធីសាស្រ្តរបស់ខ្ញុំគឺទម្លាប់ ៤យ៉ាង ដែលខ្ញុំអនុវត្តជាប្រចាំក្នុងរយៈពេលជាច្រើនឆ្នាំ។

ទី១ ចូល​គេងឲ្យបាន​លឿន ហើយ​ឧស្សាហ៍​ហាត់ប្រាណ

តាម​ក្រុម​គ្រួសារនិយាយថា លោកយាយមិន​ដែល​ចូល​គេង​យប់​ជ្រៅ​ទេ ប៉ុន្តែ​តែងតែ​ចូល​គេង​លឿន​ពេក។ ជា​រៀង​រាល់​ព្រឹក គាត់​តែង​តែ​ក្រោក​ពី​ព្រលឹម សម្អាត​ខ្លួន និង​ចាប់​ផ្តើម​ធ្វើ​លំហាត់​ប្រាណ។ លំហាត់ប្រាណដែលគាត់បានជ្រើសរើសគឺ សម្អាតផ្ទះ ទៅផ្សារ ដើម្បីទិញម្ហូបធ្វើម្ហូប។

លោកយាយ Ha Tu បាននិយាយថា «​ខ្ញុំចាត់ទុកការសម្អាតទីធ្លាជាលំហាត់ប្រាណ ដូច្នេះខ្ញុំមិនមានអារម្មណ៍នឿយហត់ទេ។ ផ្សារ​ក៏​ជា​កន្លែង​ដែល​ខ្ញុំ​ចូល​ចិត្ត​ទៅ​ខ្លាំង​បំផុត ខ្ញុំ​អាច​ដើរ​រើស​អាហារ​ស្រស់ៗ​ធ្វើ​ម្ហូប​សម្រាប់​គ្រួសារ​ទាំង​មូល»។

អ្នកជំនាញសុខភាពក៏និយាយដែរថា ការធ្វើលំហាត់ប្រាណដោយឧស្សាហ៍ព្យាយាម គឺជាលំហាត់ដ៏ល្អមួយសម្រាប់មនុស្សចាស់ ដែលនាំមកនូវអត្ថប្រយោជន៍មាសដល់សុខភាពផ្លូវចិត្ត និងរាងកាយ។ ការធ្វើលំហាត់ប្រាណជាទៀងទាត់អាចជួយបង្កើនសមត្ថភាពរបស់រាងកាយក្នុងការទប់ទល់នឹងមេរោគ ចៀសវាងការកើតឡើងនៃជំងឺ និងអាចជួយពន្យារភាពចាស់ផងដែរ។ ដូច្នេះហើយ ប្រសិនបើ​មនុស្ស​ចង់​មាន​សុខភាព​ល្អ និង​អាយុ​វែង គួរ​ធ្វើ​សកម្មភាព ឬ​ហាត់ប្រាណឲ្យបាន​ទៀងទាត់​ជា​រៀងរាល់ថ្ងៃ។

ទី២ ធ្វើការ និងសម្រាកឲ្យបានត្រឹមត្រូវ

ក្រៅ​ពី​ជួយ​កូន និង​ចៅ​ៗក្នុង​កិច្ចការ​ផ្ទះ​មួយ​ចំនួន លោកយាយក៏​ដើរ​រើស​អេតចាយ​ទៅ​លក់​យក​ប្រាក់ រួច​ទិញ​ស្ករ​គ្រាប់​ឲ្យ​ក្មេងៗនៅ​ក្បែរ​ផ្ទះ។ សម្រាប់ស្ត្រីអាយុ ១១០ ឆ្នាំរូបនេះ ការងារនេះគឺជាសេចក្តីរីករាយក្នុងវ័យចាស់ ដូច្នេះគាត់នឹងមិនបង្ខំខ្លួនឯងឲ្យធ្វើការខ្លាំងពេកនោះទេ។ នៅពេលដែលគាត់មានអារម្មណ៍អស់កម្លាំង គាត់នឹងសម្រាកភ្លាមៗ។

លើសពីនេះ បន្ទាប់​ពី​អាហារ​ថ្ងៃត្រង់​ជា​រៀង​រាល់​ថ្ងៃ លោកយាយតែង​តែ​សម្រាក​អាហារ​ថ្ងៃត្រង់​ពី​កន្លះ​ម៉ោង​ទៅ​មួយ​ម៉ោង​មុន​ពេលចាប់ផ្ដើម​ធ្វើ​ការ ហើយនៅ​ពេល​រសៀលគាត់តែងតែ​ចូល​គេង​ពី​ព្រលឹម​ដើម្បី​សម្រាក និង​បញ្ចូល​ថាមពល​ឡើង​វិញសម្រាប់ថ្ងៃបន្ទាប់។​ ចំណែកឯពេលទំនេរ ស្ត្រីចំណាស់រូបនេះតែងតែចេញទៅសួរសុខទុក្ខញាតិមិត្តក្រៅផ្ទះដើម្បីបង្កើនឲ្យខ្លួនឯងមានស្នាមញញឹមច្រើនៗ។ឮ

ទី៣ ញ៉ាំតិចៗ

កូនៗនិងចៅៗបាននិយាយដូចៗគ្នាថា ដោយសារលោកយាយចាស់ជរា គ្រួសារតែងតែទិញសាច់ល្អៗឲ្យគាត់ពិសា ប៉ុន្តែជាធម្មតាគាត់មិនសូវបានហូបច្រើនទេ។ ផ្ទុយទៅវិញ គាត់ចូលចិត្តញ៉ាំត្រី បន្លែ និងបបរប្រភេទផ្សេងៗ។ ទាំងនេះសុទ្ធតែជាអាហារដែលមានជីវជាតិ ប៉ុន្តែមានប្រយោជន៍ ដើម្បីជួយឲ្យរាងកាយមានថាមពលឡើងវិញ និងរក្សាសុខភាព។យ៉ាងណា ទាំងនេះក៏ជាវិធីសាស្រ្តនៃការញ៉ាំអាហារដែលផ្តល់សុខភាពល្អត្រូវបានណែនាំដោយអ្នកជំនាញជាច្រើនដើម្បីបញ្ចូលក្នុងមុខម្ហូបប្រចាំសប្តាហ៍។ ការសិក្សាជាច្រើនក៏បង្ហាញផងដែរថា ការរក្សារបបអាហារដែលមានសុខភាពល្អជាមួយនឹងអាហារជាច្រើនដូចជាត្រី ឬបន្លែនឹងនាំមកនូវអត្ថប្រយោជន៍ជាច្រើនដល់សុខភាព។ យោងតាមមជ្ឈមណ្ឌលគ្រប់គ្រង និងការពារជំងឺរបស់សហរដ្ឋអាមេរិក (CDC) របបអាហារដែលមានសុខភាពល្អនឹងនាំមកនូវអត្ថប្រយោជន៍ជាច្រើនដល់សុខភាព ចាប់ពីជំនួយប្រព័ន្ធភាពស៊ាំ ការពារការធាត់ ជំងឺទឹកនោមផ្អែមប្រភេទទី២ និងជំងឺសរសៃឈាមបេះដូង ប្រភេទមួយចំនួននៃជំងឺមហារីក អាយុសង្ឃឹមរស់នឹងកាន់តែច្រើន ប្រសិនបើអ្នកចាប់ផ្តើមទទួលទានអាហារដែលមានសុខភាពល្អឲ្យបានឆាប់តាមដែលអាចធ្វើទៅបាន។

ទី៤ រស់នៅដោយសប្បាយរីករាយ​ ​មិនខឹងច្រឡោតនូវរឿងគ្មានបានការ

អាថ៌កំបាំងមួយទៀតដើម្បីអាយុយឺនយូររបស់លោកយាយ Ha Tu​ គឺការរស់នៅប្រកបដោយសុភមង្គល និងសុខដុមរមនាជាមួយមនុស្សគ្រប់គ្នា។ នៅក្នុងក្រសែភ្នែករបស់កូនៗ ចៅៗ និងអ្នកជិតខាង ស្ត្រីចំណាស់ម្នាក់នេះ ទោះបីជាគាត់មានវ័យចាស់ក៏ដោយ ក៏តែងតែពោរពេញដោយថាមពលសុទិដ្ឋិនិយម។ បើ​តាម​ក្រុម​គ្រួសារ លោកយាយា មិន​ដែល​ខឹង​នរណា​ម្នាក់ឡើយ។ ទោះបីជីវិតជួបបញ្ហាច្រើនក៏ដោយ ក៏លោកមិនត្អូញត្អែរអ្វីទាំងអស់ ប៉ុន្តែលោកតែងតែរក្សាអាកប្បកិរិយាវិជ្ជមាននោះចំពោះមនុស្សគ្រប់គ្នា។ មាគ៌ាជីវិតនេះមិនត្រឹមតែជួយឲ្យគាត់ជួបការលំបាកកាន់តែទន់ភ្លន់ប៉ុណ្ណោះទេ ថែមទាំងជួយឲ្យមានអាយុវែងទៀតផង។

ដោយឡែក យើងតាមអ្នកស្រាវជ្រាវក៏បានបង្ហាញឲ្យឃើញថា អាកប្បកិរិយាសុទិដ្ឋិនិយមអាចប៉ះពាល់ដល់មុខងារជីវសាស្ត្ររបស់មនុស្សដោយផ្ទាល់។ ការសិក្សាជាច្រើនក៏បង្ហាញដែរថា អ្នកសុទិដ្ឋិនិយមមានហានិភ័យទាបនៃការស្លាប់ដោយសារជំងឺធំៗមួយចំនួន រួមទាំងជំងឺមហារីក ជំងឺបេះដូង ជំងឺដាច់សរសៃឈាមខួរក្បាល និងជំងឺផ្លូវដង្ហើម ជាងអ្នកទុទិដ្ឋិនិយម។ អ្នកជំនាញជាច្រើនក៏ជឿថា ចិត្តគំនិតដែលមានតុល្យភាព និងស្ថិរភាព គឺជាមធ្យោបាយដ៏មានប្រសិទ្ធភាពក្នុងការពន្យារអាយុជីវិត។ ការរក្សាតុល្យភាពផ្លូវចិត្ត គឺជាគន្លឹះនៃសុខភាព និងភាពជាប់បានយូរ។

ដូច្នេះហើយ ប្រសិនបើអ្នកចង់ពន្យារអាយុជីវិតរបស់អ្នកដោយសុវត្ថិភាព និងសាមញ្ញបំផុត អ្នកគួរតែជ្រើសរើសរស់នៅប្រកបដោយសុភមង្គល និងសុទិដ្ឋិនិយមដូចស្ត្រីជនជាតិចិនអាយុ ១១០ឆ្នាំរូបនេះ៕

អត្ថបទ៖ សាង ស្រីល័ក្ខ

ចុចអាន៖មួយប្រយោគប៉ុណ្ណោះ ​ ជួយ​បុរស អៀរឡង់ ឲ្យមានអាយុ ១០៨​ ឆ្នាំ​មកដល់សព្វថ្ងៃ