KPT+
ជំនឿទាំង ១០ លើលោក មនុស្សនៅតែយល់ច្រឡំគិតថា វាជាការពិត
មនុស្សជាច្រើនប្រហែលជាធ្លាប់ឮអំពីជំនឿបុរាណពីមាត់មួយទៅមាត់មួយ ឬស្ដាប់ពីជីដូនជីតានិងឪពុកម្ដាយ អ្នកខ្លះស្តាប់ហើយសួរវិញថា តើវាពិតជាមានមែនឬអត់។ កាលពីមុន វិទ្យាសាស្ត្រមិនជឿនលឿនដូចសព្វថ្ងៃទេ វាធ្វើឲ្យមនុស្សជឿលើរឿងខុសផ្សេងៗគ្នា។
ប៉ុន្តែតាមរយៈអ្នកវិទ្យាសាស្រ្តនឹងលាតត្រដាងការពិតនៃជំនឿទាំង ១០ របស់មនុស្សបុរាណ និងមកពីជុំវិញពិភពលោក ថាតើពិតឬមិនពិត?
ជំនឿទី១ ខ្មោចសង្កត់
រោគសញ្ញាដ៏ពេញនិយមមួយដែលអ្នករាល់គ្នាត្រូវបានជួបប្រទះពីមុនមក គឺជារោគសញ្ញានៃមនុស្សដែលគេងលក់ពាក់កណ្តាល។ វាគឺជារយៈពេលដែលរាងកាយ និងសរីរាង្គរបស់មនុស្សម្នាក់ឈប់ដំណើរការ។ នេះធ្វើឲ្យវាមិនអាចផ្លាស់ទី ឬនិយាយបាន។ ដូច្នេះហើយបានបង្កឲ្យមានការភ័យខ្លាច រហូតមនុស្សយកទៅភ្ចាប់ទៅនឹងសាសនា និងខ្មោច ។
ជំនឿទី២ កុំចង្អុលឥន្ទធនូ ព្រោះម្រាមដៃនឹងបាក់
ជំនឿដែលថា ការចង្អុលទៅឥន្ទធនូនឹងធ្វើឲ្យជាប់ម្រាមដៃរបស់អ្នកបាក់ ក៏ប៉ុន្តែនោះគ្រាន់តែជាជំនឿបុរាណដែលគ្មានភស្តុតាងវិទ្យាសាស្ត្រដើម្បីគាំទ្រវាឡើយ។ ឥន្ទធនូកើតឡើងដោយសារពន្លឺព្រះអាទិត្យឆ្លុះចូលតាមតំណក់ទឹកនៅលើអាកាស ទើបធ្វើឲ្យវាមានពណ៌និងស្រស់ស្អាត។ ការចង្អុលទៅឥន្ទធនូ មិនប៉ះពាល់ដល់រាងកាយយើងតាមវិធីណាមួយឡើយ។
ជំនឿទី៣ ឃ្មុំធ្វើសំបុកនៅក្នុងផ្ទះនឹងបង្កឲ្យមានគ្រោះថ្នាក់
ឃ្មុំជ្រើសរើសធ្វើសំបុកនៅក្នុងផ្ទះ ព្រោះពួកវាបានរកឃើញបរិយាកាសសមស្រប ដូចជាគម្លាត ឬរន្ធសម្រាប់ធ្វើសំបុក។ ការមានសំបុកឃ្មុំនៅក្នុងផ្ទះ មិនត្រឹមតែធ្វើឲ្យខូចខាតដល់រចនាសម្ព័ន្ធផ្ទះប៉ុណ្ណោះទេ។ វាក៏អាចបង្កគ្រោះថ្នាក់ពីការខាំឃ្មុំផងដែរ។ ដូច្នេះហើយ អ្នកគួររកវិធីការពារកុំឲ្យសត្វឃ្មុំធ្វើសំបុកនៅក្នុងផ្ទះ ហើយប្រសិនបើអ្នករកឃើញសំបុក គួរតែជូនដំណឹងដល់អ្នកជំនាញភ្លាមៗ។
ជំនឿទី៤ ដាំស្លឹកគ្រៃបញ្ច្រាសចុង ឃាត់មេឃកុំឲ្យភ្លៀង
ការដោតចុងស្លឹកគ្រៃនឹងបញ្ឈប់ភ្លៀង គឺជាជំនឿមួយដែលគ្មានភស្តុតាងវិទ្យាសាស្ត្រណាមួយមកគាំទ្រ។ ដោយសារភ្លៀងធ្លាក់អាស្រ័យលើកត្តាធម្មជាតិជាច្រើនដូចជា សំណើមក្នុងខ្យល់ សីតុណ្ហភាព និងខ្យល់ ការដាំស្លឹកគ្រៃបញ្ច្រាសចុង មិនអាចបញ្ឈប់ភ្លៀងធ្លាក់បានឡើយ។
ជំនឿទី៥ ការបង្ហូរឈាម
ការបង្ហូរឈាមអាចព្យាបាលជំងឺមានប្រជាប្រិយភាពខ្លាំងក្នុងសម័យបុរាណ។ មនុស្សជឿថា ជំងឺគឺបណ្តាលមកពីវិញ្ញាណអាក្រក់ឬអតុល្យភាពនៃសារធាតុរាវនៅក្នុងខ្លួនច្រើនហួសប្រមាណ។ ដូច្នេះ ការបង្ហូរឈាមត្រូវបានគេប្រើជាវិធីសាស្ត្រចម្បងក្នុងការព្យាបាលជាយូរមកហើយ ប៉ុន្តែការវិវត្តនៃវិទ្យាសាស្ត្រវេជ្ជសាស្រ្ដបានបង្ហាញថា ការទាញឈាមមិនមែនជាវិធីព្យាបាលដ៏មានប្រសិទ្ធភាពសម្រាប់ជំងឺជាច្រើននោះទេ។
ជំនឿទី ៦ ផឹកទឹកលាយជាមួយវិទ្យុសកម្ម
ការយល់ច្រឡំអំពីលក្ខណៈសម្បត្តិនៃវិទ្យុសកម្មនៅដើមសតវត្សទី ២០ បាននាំឲ្យមានការកើនឡើងនៃផលិតផលដែលមានសារធាតុវិទ្យុសកម្ម ដូចជាទឹកផឹកដែលត្រូវបានផ្សព្វផ្សាយថាអាចព្យាបាលជំងឺផ្សេងៗ។ ទោះបីជាក្រោយមកត្រូវបានគេរកឃើញថា សារធាតុវិទ្យុសកម្មមានគ្រោះថ្នាក់ដល់សុខភាព ហើយមិនមានលក្ខណៈសម្បត្តិព្យាបាលណាមួយឡើយ។
ជំនឿទី ៧ ការប្រើប្រាស់សារធាតុអាបស្តូស (Asbestos) ច្រើនហួសប្រមាណ
នៅក្នុងយុគសម័យ Edwardian Asbestos គឺមានប្រជាប្រិយភាពខ្លាំងណាស់ ដោយសារតែលក្ខណៈសម្បត្តិលេចធ្លោរបស់វា ដូចជាធន់នឹងភ្លើង ធន់នឹងកំដៅ និងធន់នឹងសារធាតុគីមី។ ធ្វើឱ្យវាត្រូវបានប្រើនៅក្នុងភាពខុសគ្នានៃផលិតផល ទាំងសម្ភារៈសំណង់ សម្ភារៈប្រើប្រាស់ក្នុងផ្ទះ និងវាយនភណ្ឌ ក្រោយមក ទើបប្រទេសភាគច្រើនបានហាមឃាត់ការប្រើប្រាស់សារធាតុអាបស្តូស។
ជំនឿទី ៨ ការសម្រេចកាមដោយខ្លួនឯង ធ្វើឲ្យដើមទ្រូងរបស់អ្នករាបស្មើ
កាលពីមុន មនុស្សជឿថាការសម្រេចកាមដោយខ្លួនឯងគឺខុស ហើយបណ្តាលឲ្យមានបញ្ហាសុខភាពធ្ងន់ធ្ងរជាច្រើន ដូចជាជំងឺវិកលចរិក ឬការស្លាប់មុនអាយុ។ ជាពិសេស ក្មេងស្រីនឹងត្រូវបានព្រមានថា ប្រសិនបើពួកគេសម្រេចកាមដោយខ្លួនឯង សុដន់នឹងមិនរីកធំទេ ហើយអាចអស់រដូវលឿនជាងធម្មតា។ ទាំងនេះគឺជាជំនឿខុសឆ្គងទាំងអស់ ហើយមិនមានភស្តុតាងវិទ្យាសាស្រ្តដើម្បីគាំទ្រថាវាគឺជាការពិតឡើយ។
ជំនឿទី ៩ មនុស្សនៅតែយល់ច្រឡំលើការចាក់វ៉ាក់សាំង
ការស្ទង់មតិថ្មីៗនេះបង្ហាញថា ការយល់ខុសអំពីវ៉ាក់សាំងនៅតែជាបញ្ហាចម្បងនៅក្នុងប្រទេសជាច្រើន។ ជាពិសេសសហរដ្ឋអាមេរិក នេះបើទោះជាមានភ័ស្តុតាងវិទ្យាសាស្ត្រខ្លាំងដែលថា វ៉ាក់សាំងការពារប្រឆាំងនឹងជំងឺឆ្លងធ្ងន់ធ្ងរជាច្រើនក៏ដោយ។ ប៉ុន្តែការស្ទាក់ស្ទើរក្នុងការចាក់វ៉ាក់សាំងនៅតែមានកម្រិតខ្ពស់។ ការវិលមកវិញនៃការរីករាលដាលនៃជំងឺក្អកមាន់បន្ទាប់ពីបាត់ខ្លួនពីសង្គមជាយូរមកហើយ។ វាជាឧទាហរណ៍ច្បាស់មួយដែលការមិនផ្តល់អាទិភាពលើការចាក់វ៉ាក់សាំង គឺធ្វើឲ្យប៉ះពាល់ដល់សុខភាពទាំងបុគ្គលនិងសង្គម។
ជំនឿទី ១០ បិសាច Loch Ness មានពិត
រឿងរបស់ Nessie បិសាចនៅ Loch Ness វាគឺជារឿងព្រេងមួយដែលល្បីល្បាញជាយូរមកហើយ។ រូបថតរបស់ Nessie នេះធ្វើឲ្យមនុស្សជាច្រើនជឿថាពិតជាមានសត្វចម្លែករស់នៅក្នុងបឹងនេះមែន ប៉ុន្តែតាមពិតទៅ។ ភាគច្រើននៃរូបថតទាំងនោះត្រូវបានបង្ហាញថាក្លែងក្លាយ។ ការស្ទង់មតិបែបវិទ្យាសាស្ត្រជាច្រើនបានបរាជ័យក្នុងការស្វែងរកភស្តុតាងដែលបញ្ជាក់ពីអត្ថិភាពរបស់ Nessie ។ អ្វីដែលមនុស្សបានឃើញគឺប្រហែលជាត្រីធំមួយឬប្រភេទសត្វក្នុងទឹកផ្សេងទៀត៕
អត្ថបទ៖ សាង ស្រីល័ក្ខ
មន្ត្រីរំពឹងថា វិស័យឯកជននឹងចូលរួមចំណែកក្នុងការប្រើប្រាស់កិច្ចព្រមព្រៀងកម្ពុជា-អេមីរ៉ាតអារ៉ាប់រួម ដើម្បីជំរុញកំណើនពាណិជ្ជកម្ម និងវិនិយោគ
អាល្លឺម៉ងស្ថិតក្នុងជំហរពិចារណាក្នុងការផ្គត់ផ្គង់មីស៊ីលចម្ងាយឆ្ងាយ Taurus របស់ខ្លួនទៅឲ្យអ៊ុយក្រែន
ក្រុមហ៊ុនមួយរបស់អេមីរាត់អារ៉ាប់រួម ចង់វិនិយោគនៅកម្ពុជាលើវិស័យដឹកជញ្ជូន
ឱក សុគន្ធកញ្ញា ត្រៀមធ្វើ Solo Tour Concert បំពេញបំណងអ្នកគាំទ្រ ក្រោយជោគជ័យលើកទី១
មេទ័ពជើងគោកកម្ពុជា នឹងចូលរួមកិច្ចប្រជុំពហុមេបញ្ជាការទ័ពជើងគោកអាស៊ាន នៅហ្វីលីពីន
Update៖ ឃាត់ខ្លួនម្ចាស់គ្លីនិកពីរនាក់ប្ដីប្រពន្ធ ករណីចាក់ថ្នាំប្រតិកម្មបណ្ដាលឲ្យស្ត្រីម្នាក់ស្លាប់
Update៖ ករណីប្រទះឃើញសពស្ត្រីម្នាក់នៅឃុំចំបក់ សមត្ថកិច្ចសន្និដ្ឋានថាអាចមកពីប្រតិកម្មថ្នាំ ខណៈឃាត់ខ្លួនម្ចាស់គ្លីនិកមួយកន្លែងមកសួរនាំ
ប្រយ័ត្នចាញ់បោក! មានអ្នកក្លែងបន្លំ ប្រើឈ្មោះទូកង «នរិន្ទរង្សីពិជ័យចិត្របុត្រ» រៃអង្គាសលុយ
កីឡាករ នុប តុលា បាត់បង់ជីវិតជាដំណឹងដ៏ក្រៀមក្រំបំផុតសម្រាប់បាល់ទាត់កម្ពុជា
ប្រធានក្រុមល្ខោនបាសាក់ ចង់ឃើញទូរទស្សន៍ និងប្រព័ន្ធផ្សព្វផ្សាយ បង្កើតកម្មវិធីសិល្បៈបុរាណជាតិ
-
ព័ត៌មានជាតិ៧ ថ្ងៃ agoមកស្គាល់ពីសាកលវិទ្យាល័យចំនួន៦ សម្រាប់សិស្សដែលទើបបញ្ចប់ការសិក្សាទី១២ អាចរើសជំនាញដែលសមស្រប
-
ជីវិតកម្សាន្ដ២ ថ្ងៃ agoទិដ្ឋភាពពិធីបុណ្យសពអ្នកនាង អ៊ុំ គន្ធា មានភាពស្ងប់ស្ងាត់ពុំសូវឃើញអ្នកសិល្ប:ចូលរួម
-
ព័ត៌មានជាតិ៧ ថ្ងៃ agoទៅដល់ខេត្តក្រចេះរដូវនេះ! កុំភ្លេចសាករសជាតិសម្លត្រីឆ្កោក រដូវទឹកស្រកសំបូរត្រីចុះតាមព្រែកបឹង
-
ជីវិតកម្សាន្ដ២ ថ្ងៃ agoអ្នកសិល្បៈសម្តែងការសោកស្តាយចំពោះមរណភាព អ្នកនាង អ៊ុំ គន្ធា ខណៈសពនឹងត្រូវបូជាល្ងាចនេះ
-
ព័ត៌មានអន្ដរជាតិ២ ថ្ងៃ agoជាប្រវត្តិសាស្រ្ត! ព្យុះ៤ ត្រូវថតជាប់ក្នុងពេលតែមួយ នៅមហាសមុទ្រប៉ាស៊ីហ្វិក
-
ព័ត៌មានជាតិ៥ ថ្ងៃ agoរាជធានីខេត្តចំនួន ៣ ទទួលបានភ្ញៀវទេសចរច្រើនជាងគេ នៅថ្ងៃទី ១ នៃពិធីបុណ្យអុំទូក
-
សន្តិសុខសង្គម២ ថ្ងៃ agoឃាត់ខ្លួនមន្ត្រីនគរបាលម្នាក់ ក្រោយបាញ់ប្រហារប្ដីប្រពន្ធមួយគូរងរបួសធ្ងន់
-
សន្តិសុខសង្គម២០ ម៉ោង agoUpdate៖ ឃាត់ខ្លួនម្ចាស់គ្លីនិកពីរនាក់ប្ដីប្រពន្ធ ករណីចាក់ថ្នាំប្រតិកម្មបណ្ដាលឲ្យស្ត្រីម្នាក់ស្លាប់