KPT+

គ្រូក្បាច់គុនចិន ៣ រូប សាងប្រវត្តិសាស្រ្តឲ្យកូនចៅជំនាន់ក្រោយ ចងចាំមិនភ្លេច

បានផុស

៤ ខែ មុន

នៅ

ថ្ងៃសុក្រ ៣០ សីហា ២០២៤

ដោយ

សិល្បៈក្បាច់គុនគឺជាផ្នែកសំខាន់មួយនៃវប្បធម៌ប្រពៃណីចិន ដែលមានយូរយារណាស់មកហើយ។ ជាពិសេស នៅពេលដែលយើងឮអំពីស្នាដៃរបស់មេក្បាច់គុនទាំងបីរូប យើងមិនត្រឹមតែមានមោទនភាពប៉ុណ្ណោះទេ ថែមទាំងកោតសរសើរចំពោះការលះបង់ និងទេពកោសល្យរបស់ពួកគេផងដែរ។

ពួកគេពិតជាជំនាញក្បាច់គុនដ៏ប៉ិនប្រសប់ ដែលបានធ្វើឲ្យប្រទេសចិនល្បីល្បាញ និងសមនឹងទទួលបានការចងចាំ និងគោរពពីមនុស្សគ្រប់គ្នាមកដល់សព្វថ្ងៃ។ អត្ថបទថ្ងៃនេះនឹងណែនាំអ្នកចេះក្បាច់គុណបីនាក់ ដែលត្រូវបានគេចាត់ទុកថាខ្លាំងបំផុតនៅក្នុងប្រទេសចិន ដោយគេហទំព័រព័ត៌មាន Sohu ។

១ គ្រូក្បាច់គុន Cai Long Yun

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Cai Long Yun មកពី Jining ខេត្ត Shandong ជាឈ្មោះដែលអាចធ្វើឲ្យមនុស្សជាច្រើនមានអារម្មណ៍ប្លែក ប៉ុន្តែរឿងរ៉ាវរបស់គាត់នឹងធ្វើឲ្យអ្នកមិនភ្លេចឡើយ។ តាំងពីក្មេងមក គាត់បានចាប់ផ្តើមសិក្សាក្បាច់គុន។ ក្រោយមកគាត់បានបង្ហាញពីចំណង់ចំណូលចិត្តយ៉ាងខ្លាំងចំពោះសិល្បៈក្បាច់គុន ដោយមានការគាំទ្រពីក្រុមគ្រួសារ និងទេពកោសល្យពីធម្មជាតិ ទើបរីកចម្រើនយ៉ាងឆាប់រហ័ស និងទទួលបានលទ្ធផលដ៏អស្ចារ្យ។

អ្វីដែលធ្វើឲ្យអ្នករាល់គ្នាកោតសរសើរខ្លាំងបំផុតនោះគឺ កាលគាត់មានអាយុមិនដល់១៥ឆ្នាំផង តែគាត់អាចវាយឈ្នះ Masolov អ្នកប្រដាល់បស្ចិមប្រទេសដ៏ល្បី និងអ្នកប្រដាល់រុស្សីក្នុងការប្រកួតមួយ។ ព្រឹត្តិការណ៍នេះបានកើតឡើងកាលពីគាត់នៅក្មេង កំឡុងពេលប្រកួតរវាងគ្រូក្បាច់គុណ ដែលគាត់ក៏មិនដឹងថា គូប្រកួតជានរណាមុនពេលចូលសង្វៀន។ បន្ទាប់ពីជ័យជំនះនោះ និងទទួលបានភាពជោគជ័យកាន់តែច្រើនក៏ដោយ ក៏គាត់នៅតែបន្តហ្វឹកហាត់កាន់តែខ្លាំង រហូតក្លាយជាអ្នកប្រដាល់គុននិយមមួយរូប។

២ គ្រូក្បាច់គុន Sun Lutang

Sun Lutang ត្រូវបានគេសរសើរយ៉ាងទូលំទូលាយថាជា ព្រះនៃសិល្បៈក្បាច់គុនចិន ដែលជាឈ្មោះដ៏សក្តិសមបំផុត ព្រោះគាត់ពិតជាទទួលបានសមិទ្ធិផលដ៏អស្ចារ្យនៅក្នុងវិស័យសិល្បៈក្បាច់គុនបុរាណ។ ទោះបីជាគាត់ជាអ្នកហាត់ក្បាច់គុនក៏ដោយ ក៏គាត់នៅតែបង្ហាញពីនិស្ស័យរបស់អ្នកសិល្បៈ ការរួមបញ្ចូលគ្នានៃអក្សរសិល្ប៍ និងសិល្បៈក្បាច់គុនបានបង្កើតភាពទាក់ទាញផ្ទាល់ខ្លួន។

យោងតាម Baidu ក្នុងឆ្នាំ ១៩២០ គ្រូក្បាច់គុនម្នាក់នៅប្រទេសជប៉ុនត្រូវបានអធិរាជជប៉ុនបញ្ជូនដោយផ្ទាល់ទៅទីក្រុងប៉េកាំងដើម្បីប្រកួតជាមួយគាត់។ គ្រូជប៉ុនបានប្រកាសថា នឹងបំបែកដៃរបស់ Sun Lutang ហើយថាជនជាតិចិនគ្រាន់តែជាជាអ្នកជំងឺអាស៊ីប៉ុណ្ណោះ។ ទោះបីជាយ៉ាងណា ក្នុងវ័យជិត ៦០ឆ្នាំ គាត់បានយកឈ្នះអ្នកប្រដាល់ក្បាច់គុនជប៉ុនក្នុងរយៈពេលមិនដល់១នាទី ដោយប្រើក្បាច់ដ៏ស្រទន់ដើម្បីកម្ចាត់ និងធ្វើឲ្យគូប្រកួតរងរបួសយ៉ាងធ្ងន់ធ្ងរ។

មានពេលមួយទៀតដែល Sun Lutang វាយអ្នកប្រដាល់ជប៉ុន៥នាក់ក្នុងពេលតែមួយនៅ Hongkou (Shanghai) ដោយវាយឈ្នះគូប្រកួតទាំង៥យ៉ាងរហ័ស ដោយសារបច្ចេកទេសដ៏អស្ចារ្យរបស់ក្បាច់ Tai Chi និង Xingyiqua រួមបញ្ចូលគ្នា។ បន្ទាប់មក ព្រះចៅអធិរាជជប៉ុនផ្ទាល់បានផ្ញើលិខិតអញ្ជើញគាត់មកប្រទេសជប៉ុនដើម្បីបង្រៀនគុនចិន។ ប៉ុន្តែគាត់បានបន្តបដិសេធ ហើយបន្ទាប់ពីព្រឹត្តិការណ៍នេះគាត់ត្រូវបានផ្តល់ងារជាកំណប់ទ្រព្យលេខមួយរបស់ពិភពលោក។លើសពីនេះ គ្រូក្បាច់គុណចិនក៏បានប្រកួតប្រជែងជាមួយអ្នកជំនាញបរទេសជាច្រើនមកពីប្រទេសបារាំង អាមេរិក និងថៃ ដោយមិនធ្លាប់មាន។

៣ គ្រូក្បាច់គុន Wan Laisheng

អ្នកចុងក្រោយគេបង្អស់នេះ គឺជាលោកគ្រូ Wan Lai Sheng បុរសដែលបានចូលរួមចំណែកយ៉ាងធំធេងក្នុងវិស័យសិល្បៈក្បាច់គុនរបស់ចិន។ គាត់កើតនៅខែកុម្ភៈ ឆ្នាំ ១៩០៣ នៅទីក្រុង Wuchang ខេត្ត Hubei ។ គាត់បានធ្វើការនៅនាយកដ្ឋានព្រៃឈើនៃសាកលវិទ្យាល័យកសិកម្មជាតិប៉េកាំង ហើយបានស្នាក់នៅសាលាដើម្បីបង្រៀន បន្ទាប់ពីបញ្ចប់ការសិក្សា។ ក្នុងអំឡុងពេលនេះគាត់បានសិក្សាក្បាច់គុនជាមួយគ្រូល្បីៗជាច្រើន។

នៅចុងឆ្នាំ ១៩២៨ គាត់ត្រូវបានអញ្ជើញឲ្យធ្វើជានាយកសាលាក្បាច់គុននៅក្នុងខេត្ត Guangdong និង Guangxi ជាមួយនឹងឋានៈជាឧត្តមសេនីយឯក។ ក្នុងអំឡុងសង្រ្គាមតស៊ូប្រឆាំងនឹងប្រទេសជប៉ុន គាត់បានកាន់មុខតំណែងជាបន្តបន្ទាប់ដូចជាគ្រូក្បាច់គុនទូទៅនៃគណៈប្រតិភូបណ្តុះបណ្តាលកណ្តាលនៅទីក្រុង Chongqing ប្រធាននាយកដ្ឋានបណ្តុះបណ្តាលក្បាច់គុន Hunan និងជាប្រធាននាយកដ្ឋានអប់រំកាយ និងកីឡានៃសាកលវិទ្យាល័យ Guangxi និងទីតាំងផ្សេងទៀត។ .

បន្ទាប់ពីសាធារណរដ្ឋប្រជាមានិតចិនត្រូវបានបង្កើតឡើង គាត់បានប្រកបរបរវិជ្ជាពេទ្យនៅ Fujian និងបន្តបង្រៀនក្បាច់គុនទៀតផង។ គាត់បានបោះពុម្ពស្នាដៃដូចជា ខ្លឹមសារនៃបច្ចេកទេសសិល្បៈក្បាច់គុន, រចនាប័ទ្មធម្មជាតិនៅក្នុងសិល្បៈក្បាច់គុន”, វេជ្ជសាស្ត្ររបួសចិន និងទម្រង់នៃកណ្តាប់ដៃកាំភ្លើង ។

ក្រោយមក គាត់បានបង្កើតនិកាយក្បាច់គុនផ្ទាល់ខ្លួន ហើយសំខាន់ជាងនេះទៅទៀតគាត់មិនភ្លេចចូលរួមចំណែកដល់ប្រទេសឡើយ។ ទោះបីជា Wan Laisheng ក្រោយមកបានប្តូរទៅអាជីពផ្សេងក៏ដោយ ក៏គាត់មិនដែលឈប់ហាត់ក្បាច់គុនដែរ ហើយនៅតែជាគ្រូក្បាច់គុណដ៏គួរឲ្យគោរព។ ជាពិសេស ក្នុងអំឡុងសង្គ្រាមប្រឆាំងជប៉ុន គាត់បានព្យាបាលដោយជោគជ័យនូវជំងឺចម្លែក និងស្មុគស្មាញជាច្រើនដែលមិនអាចពិពណ៌នាបាន៕

អត្ថបទ៖ សាង ស្រីល័ក្ខ

ចុចអាន៖ក្រយាព្រះស្ងោយលាក់កំបាំងក្នុងទីក្រុងហាមឃាត់ ដែលអធិរាជចិន ៣ អង្គ សព្វព្រះរាជហឫទ័យខ្លាំង

Related Topics:ប្រវត្តិសាស្រ្តចិន