បច្ចេកវិទ្យា
មកដឹងលក្ខណៈពិសេស រថយន្ត ៤ ម៉ូដែលដ៏ពេញនិយមនៅកម្ពុជា ដែលត្រៀមចេញលើទីផ្សារ
បើទោះបីជាបច្ចុប្បន្ន ទីផ្សាររថយន្តនៅកម្ពុជា បាននាំចូលនូវម៉ូដែលរបស់ក្រុមហ៊ុនជាច្រើន ប៉ុន្តែបើសង្កេតមើលពីសន្ទុះនៃការគាំទ្រចំពោះរថយន្តក្រុមហ៊ុន Toyota គឺមានច្រើនជាងគេបង្អស់ ដែលភាគច្រើន គេនិយមប្រើប្រាស់រថយន្ត Prius និង Camary ជាដើម។ នេះបើតាមការឱ្យដឹងពីម្ចាស់យានដ្ឋានលក់រថយន្ត Car Auto 99 បញ្ជាក់ប្រាប់កម្ពុជាថ្មី ដោយផ្អែកលើទិន្នន័យនៃការលក់របស់ខ្លួន និងតាមរយៈអ្វីដែលបានដឹងពីក្រុមអ្នកជំនួញលើរបរលក់ឡានដូចគ្នា។
ឭក្រៅពីរថយន្តរបស់ក្រុមហ៊ុន Toyota ក៏មានរថយន្តក្រុមហ៊ុនផ្សេងទៀតផងដែរ ដែលកំពុងមានការចាប់អារម្មណ៍ប្រើប្រាស់ នៅកម្ពុជា ប៉ុន្តែកម្ពុជា សូម្បីលើកយកតែ ៤ម៉ូដែល ដែលពេញនិយមជិះនៅកម្ពុជាប៉ុណ្ណោះ។
១. Toyota Camry (2025)
Toyota Camry បានឈានចូលមកដល់ជំនាន់ទី ៩ របស់ខ្លួនហើយ ជាមួយនឹងជម្រើស៤ LE; SE; XLE និង XSE សម្រាប់ម៉ូដែលឆ្នាំ២០២៥ ដែលដំណើរការដោយប្រព័ន្ធ Hybrid powertrains ។ ស៊េរីឆ្នាំ២០២៥ នេះ ភ្ជាប់ដោយប្រអប់លេខអូតូ e-CVT មានទាំងជម្រើសប៉ុង ១ FWD និងប៉ុង ២ 4WD និងមានកម្រិតស៊ីប្រេងប្រហែលពី ៤,៤លីត្រ ទៅ ៤,៧លីត្រ ក្នុងរយៈចម្ងាយ ១០០គីឡូម៉ែត្រ។ ចំណែកឯតម្លៃវិញ ក្រុមហ៊ុនបានប្រកាសលក់ ក្នុងតម្លៃលក់រាយចាប់ពី ២៨ ៤០០ដុល្លារ ដល់ជាង ៣៥ ០០០ ដុល្លារ (ទីផ្សារក្រៅស្រុក) អាស្រ័យទៅលើរូបរាង និងជម្រើស។
២. Toyota Prius Plug-in Hybrid (2025)
Prius Plug-in Hybrid ស៊េរីឆ្នាំ២០២៥ មកជាមួយជម្រើស ៣ គឺ SE, XSE និង XSE Premium បំពាក់ដោយប្រព័ន្ធ Toyota Hybrid ជំនាន់ទី ៥ របស់ក្រុមហ៊ុន។ ស៊េរីឆ្នាំ២០២៥ នេះ ដំណើរការដោយម៉ាសុីនកូនកាត់ Plug-in Hybrid ធ្វើការរួមគ្នារវាងម៉ាសុីនសុាំងចំណុះ ២,០ លីត្រ និងម៉ាស៊ីនម៉ូទ័រអេឡិចត្រិច ដែលមានប្រសិទ្ធភាពខ្ពស់ សម្រាប់បទពិសោធបើកបរប្រកបដោយប្រសិទ្ធភាពខ្ពស់ ក្នុងការធ្វើដំណើរដ៏វែងឆ្ងាយ ខណៈតម្លៃលក់ក្រុមហ៊ុន Toyota មិនទាន់បញ្ជាក់នៅឡើយទេ។
៣. Toyota RAV4 Hybrid (2025)
Toyota RAV4 Hybrid ស៊េរីឆ្នាំ ២០២៥ បំពាក់ដោយប្រព័ន្ធ Toyota Hybrid System ដំណើរការដោយម៉ាសុីនកូនកាត់ Plug-in Hybrid ធ្វើការរួមគ្នារវាងម៉ាសុីនសុាំងចំណុះ ២,៥លីត្រ ទំហំ ៤សុីឡាំង និងម៉ូទ័រអគ្គិសនីចំនួន២ អាចផលិតកម្លាំងបានសរុប ៣០២ សេះ ផ្គួបជាមួយអាគុយទំហំ ១៨,៥ គីឡូវ៉ាត់ម៉ោង។ ក្នុងនោះ វាក៏ដំណើរការជាមួយនឹងមុខងារ Trail Mode ដែលដើរតួជាអ្នកជំនួយថាមពលដល់ប្រព័ន្ធកង់ ពិសេសសម្រាប់ការអូសទាញបន្ថែមនៅពេលដែលចាំបាច់ និងអាចបើកបរបានចម្ងាយឆ្ងាយប្រកបដោយប្រសិទ្ធភាព។
៤. Lexus LX 700h (2025)
Lexus LX 700h ជាប្រភេទរថយន្ត SUV ខ្នាតធំ ដំណើរការដោយម៉ាសុីនកូនកាត់ Hybrid ជាមួយនឹងការពង្រឹងបន្ថែមទៀតនូវមូលដ្ឋានគ្រឹះដ៏រឹងមាំរបស់ខ្លួន ដោយមានការកែលម្អបន្តិចបន្តួច។ រីឯចំណុចសំខាន់នៃការរៀបចំកូនកាត់ថ្មីនេះ គឺដំណើរការដោយម៉ាស៊ីន V6 ចំណុះ ៣.៥ លីត្រ ជំនួយដោយ Twin-Turbo ភ្ជាប់ដោយប្រអប់លេខអូតូ ១០វគ្គ ។
ទន្ទឹមនេះ Lexus ក៏បានបង្កើតរចនាសម្ព័ន្ធមិនជ្រាបទឹក (Waterproof Structure) ដើម្បីការពារថ្មអាគុយ ក៏ដូចជាម៉ូទ័រអគ្គិសនី និងមានសមត្ថភាពបើកបរក្នុងជម្រៅទឹក ៧០០ មីលីម៉ែត្រ (០.៧ម៉ែត្រ) ជាមួយសំបកកង់ប្រភេទ Off-Road ដែលអាចបើកបរគ្រប់ស្ថានភាពផ្លូវ។
-
ព័ត៌មានអន្ដរជាតិ១ សប្តាហ៍ ago
ប៉ូលិសថៃ រកឃើញហើយ! មូលហេតុនាំឲ្យឆេះរថយន្តដឹកសិស្ស
-
ព័ត៌មានអន្ដរជាតិ៤ ថ្ងៃ ago
អ្នកឧតុនិយមអាមេរិក ស្រក់ទឹកភ្នែក ពេលដឹងថា Milton ក្លាយជា «ព្យុះសង្ឃរាបិសាច» សាហាវបំផុត
-
សេដ្ឋកិច្ច២ ថ្ងៃ ago
រោងចក្រអគ្គិសនី ដើរដោយឧស្ម័នធម្មជាតិ ថាមពល ៩០០មេហ្គាវ៉ាត់ នឹងបើកការដ្ឋាន សាងសង់នៅសប្ដាហ៍ក្រោយ
-
ព័ត៌មានអន្ដរជាតិ៣ ថ្ងៃ ago
គួរឲ្យរន្ធត់ ពេលទូរទស្សន៍អាមេរិក ចេញវីដេអូ ព្យាករអំពីឥទ្ធិពលរបស់មហាព្យុះសង្ឃរា Milton
-
ជីវិតកម្សាន្ដ៣ ថ្ងៃ ago
Miss Grand International បាន Unfollow គណនី Instagram ពេជ្រ វត្តីសារ៉ាវឌ្ឍី
-
ជីវិតកម្សាន្ដ៤ ថ្ងៃ ago
អ្នកគ្រូហុងស៊ុយ ណាលី ថាបវរកញ្ញាថៃសមបាន ពានរង្វាន់ មាយាដកខ្ញី
-
ចរាចរណ៍៧ ថ្ងៃ ago
រថយន្ដកាមរីឆ្លាមបើកធ្លាក់ប្រឡាយ ខណៈភ្លៀងខ្លាំងលិចផ្លូវ
-
ព័ត៌មានជាតិ៣ ថ្ងៃ ago
អភិបាលក្រុង-ស្រុក២រូប ត្រូវសម្ដេចធិបតីដកតំណែង ព្រោះប្រើអំណាចប៉ះពាល់ពលរដ្ឋ និងយកប្រាក់សូកប៉ាន់ ដើម្បីតំណែង