KPT+

ធ្លាប់មានអារម្មណ៍ថាខ្លួនមិនល្អគ្រប់គ្រាន់ អាចជាបញ្ហាផ្លូវចិត្ត អនុវត្តវិធីនេះភ្លាម

បានផុស

៤ years មុន

នៅ

ថ្ងៃសុក្រ ១២ មីនា ២០២១

ដោយ

នៅពេលដែលយើងចង់ក្លាយជាផ្នែកមួយនៃក្រុម ប៉ុន្តែគិតថាយើងមិនល្អគ្រប់គ្រាន់ វាអាចធ្វើឱ្យយើងមើលស្រាលខ្លួនឯង នឹងមិនសប្បាយចិត្ត ហើយថែមទាំងតានតឹងក្នុងចិត្តថែមទៀត។

លុះត្រាតែយើងដោះស្រាយជាមួយអារម្មណ៍ទាំងនេះសិន ទើបធ្វើឲ្យអារម្មណ៍ដែលមិនចេះគ្រប់គ្រាន់ បានប្រសើរដូចគេ ៖

១. រកមូលហេតុដែលមិនល្អគ្រប់គ្រាន់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មូលហេតុ៖ តើអ្នកមិនសប្បាយចិត្តដោយសារតែមិត្តភ័ក្ដិ ដែលធ្វើឲ្យអ្នកមានអារម្មណ៍ថា ខ្លួនឯងល្អមិនគ្រប់គ្រាន់ ដើម្បីជាផ្នែកមួយនៃក្រុមរបស់ពួកគេ?

ពេលខ្លះវាអាចជាអារម្មណ៍របស់យើងខ្លួនឯង វាមិនផ្អែកលើការពិតទាំងអស់ទេ តែលើអ្វីដែលយើងគិតថា អ្នកដទៃអាចគិតឬនិយាយអីពីយើង។

អ្នកដែលទទួលបានជោគជ័យគឺជាអ្នកដែលបដិសេធ មិនអនុញ្ញាតឲ្យយោបល់ជាន់ពន្លិច ឬការបដិសេធរបស់អ្នកដទៃ ធ្វើឱ្យពួកគេឈប់ទទួលបាននូវអ្វីដែលពួកគេចង់បានឡើយ។

២. ខុសពីគេមិនមែនខុសគេ

ដំបូងត្រូវរៀនឲ្យតម្លៃខ្លួនឯងសិន។ ទទួលយកថាយើងម្នាក់ៗគឺប្លែកពីគ្នា ហើយនោះក៏មានន័យថា មានយើងដែរ។ ទោះបីជាកូនភ្លោះ មាន DNA ដូចគ្នា ប៉ុន្តែបុគ្គលិកលក្ខណៈពួកគេគឺខុសគ្នា។

ប្រាប់ខ្លួនឯងថា ខ្ញុំពិសេស ខ្ញុំមានអំណោយនិងទេពកោសល្យដែលភ្ជាប់មកជាមួយ ការតុបតែងប្លែករបស់ខ្ញុំ គឺអំណោយដែលមិត្តភ័ក្ដិឬមិត្តរួមការងារប្រហែលជាមិនមាន។

៣. កុំព្យាយាមធ្វើដូចគេ

បញ្ហាគឺថានៅពេលមិត្តភ័ក្ដិនិងមិត្តរួមការងារ ហាក់ដូចជារីករាយនឹងជីវិត ហើយយើងមិនមាន។ ត្រូវគិតថា វានឹងល្អប្រសើរជាង ក្នុងការដែលយើងមិនទៅធ្វើដូចពួកគេ។

នៅពេលមនុស្សផ្សេងទៀតជោគជ័យ ហើយយើងហាក់ដូចជាតស៊ូដើម្បីទទួលជោគជ័យដែរ តែយើងធ្លាក់ទឹកចិត្ត ហើយសង្ឃឹមថាយើងអាចដូចពួកគេដែរ។ ប៉ុន្តែការព្យាយាមធ្វើដូចអ្នកដទៃ គឺឥតប្រយោជន៍ ហើយនឹងបញ្ចប់ដោយទឹកភ្នែក។

វាសមហេតុផលណាស់ ក្នុងការដែលយើងរៀនសូត្រពីភាពជោគជ័យរបស់អ្នកដទៃ។ ប៉ុន្តែយើងអាចស្រងាកចិត្ត បើយើងចង់ក្លាយជាពួកគេ។ ហេតុអ្វី? ដោយសារតែពួកគេមានលក្ខណៈ ប្លែកពីយើង។

៤.មើលពីពេលវេលានៃការចំណាយជាមួយនរណាម្នាក់

បើអារម្មណ៍មិនល្អរបស់អ្នក ត្រូវបានផ្សារភ្ជាប់ជាមួយនឹងបុគ្គល ឬក្រុមមិត្ត វាប្រហែលជាដល់ពេលដែលត្រូវគិតអំពីការចំណាយពេលតិច ជាមួយពួកគេហើយ។

អារម្មណ៍នៃជីវិតដែលជួបប្រទះជារឿយៗ ត្រូវបានផ្សារភ្ជាប់ ឬមានឥទ្ធិពលយ៉ាងខ្លាំងពីមនុស្សនៅជុំវិញយើង។

៥. ពីមិនល្អគ្រប់គ្រាន់ទៅល្អគ្រប់គ្រាន់

ចងចាំជំហានងាយៗទាំងនេះ៖ កោតសរសើរចំពោះភាពប្លែករបស់ខ្លួនឯង ឈប់ព្យាយាមធ្វើដូចមនុស្សដទៃទៀត។ អភិវឌ្ឍផ្នែកទាំងនោះនៃជីវិត ដែលផ្ដល់ឲ្យខ្លួនឯងនូវសេចក្ដីអំណរ និងការបំពេញចន្លោះខ្វះខាត។

ស្វែងរកមិត្តភ័ក្ដិថ្មី ប្រសិនបើអ្នកដែលនៅជុំវិញយើង បន្តធ្វើឲ្យអារម្មណ៍យើងឈឺចាប់៕

ប្រែសម្រួល៖ សាង ស្រីល័ក្ខ

ចុចអាន៖បុរស ៣ ប្រភេទដែលមនុស្សស្រីមិនគួរនៅក្បែរ

ចុចអាន៖រឿងល្អៗ ដែលចូលមកជីវិតយើង មិនដែលបានមកដោយងាយស្រួលទេ

Related Topics:បញ្ហាផ្លូវចិត្ត