KPT+
លោក ទីវ តារារិទ្ធិ សង្ឃឹមថា រាល់ការតស៊ូរបស់លោក មិនខ្លាចសូម្បីបាត់បង់ជីវិត នឹងបានចូលរួមជួយដល់កុមារកម្ពុជា
ក្នុងដំណើរបេសកកម្មជិះកង់សប្បុរសធម៌ទៅកាន់ទ្វីបអឺរ៉ុប លោក ទីវ តារារិទ្ធិ កំពុងជិះកង់ផ្សងព្រេងតែឯងលើទឹកដីប្រទេសឥណ្ឌា និងទើបតែបញ្ចប់បេសកកម្មជិះកង់នៅតំបន់ជួរភ្នំហិមាល័យ ហើយត្រៀមបន្តដំណើរទៅកាន់គោលដៅផ្សេងៗទៀត។ ជាមួយនឹងដំណើរដ៏វែងឆ្ងាយនេះ លោកក៏បានចែករំលែកដំណើរផ្សងព្រេងរបស់ខ្លួនជាបន្តបន្ទាប់ផងដែរ នូវអ្វីដែលលោកបានឆ្លងកាត់ និងឆន្ទៈដ៏មោះមុតដែលលោកនៅស៊ូទៅមុខមិនបោះបង់ ដើម្បីកុមារកម្ពុជា។
![](https://www.kampucheathmey.com/wp-content/uploads/2024/11/465675801_1077928064119103_7189550260721470250_n-1024x576.jpg)
![](https://www.kampucheathmey.com/wp-content/uploads/2024/11/unnamed-file-1024x768.jpeg)
ដំណើរផ្សងព្រេងនេះ លោក ទីវ តារារិទ្ធិ បានឆ្លងកាត់ឧបសគ្គជាច្រើន និងធ្លាប់បានជួបឧប្បត្ដិហេតុគ្រោះថ្នាក់ចរាចរណ៍នៅប្រទេសឡាវ កាលពីអំឡុងខែសីហា ដែលធ្វើឱ្យលោករងរបួស ហើយខូចខាតកង់មិនអាចបន្តបេសកកកម្មអស់មួយរយៈពេលខ្លី និងជាពិសេស គឺនៅពេលដែលលោកចាប់ផ្តើមបេសសកកម្មជិះកង់នៅតំបន់ភ្នំ។
លោកថា ការធ្វើដំណើរនៅតំបន់ដែលមានរយៈកម្ពស់ខ្ពស់ដូចជាតំបន់ជួរភ្នំហិមាល័យ មិនមែនជារឿងដែលមនុស្សគ្រប់គ្នាអាចធ្វើបានទេ វាទាមទារឲ្យយើងមានអំណត់អត់ធ្មត់ខ្ពស់ មានកាយសម្បទារាំងមាំ និងសុខភាពល្អប្រសើរ។ បើទោះបីជាលោកមានកាយសម្បទា និងសុខភាពល្អប្រសើរយ៉ាងណា ក៏នៅតែមានបញ្ហាដូចជាឈឺក្បាលជាប្រចាំ និងដេកមិនលក់ដែរ ហើយរៀងរាល់ពេលដែលលោកឈឺក្បាល លោកបានលេបថ្នាំបំបាត់ការឈឺចាប់ ដើម្បីមានកម្លាំងបន្តដំណើរទៅមុខទៀត។
![](https://www.kampucheathmey.com/wp-content/uploads/2024/11/465033537_1074362074475702_7962791558741147016_n-1024x768.jpg)
![](https://www.kampucheathmey.com/wp-content/uploads/2024/11/tiv-dararith-1024x620.png)
ទោះយ៉ាងណា ខណៈប្រឈមនឹងឧបសគ្គជាច្រើន អ្នកជិះកង់សប្បុរធម៌រូបនេះ នៅតែបង្ហាញឆន្ទៈរបស់ខ្លួនថា “រាល់សេចក្តីខិតខំប្រឹងប្រែងតស៊ូជម្នះរាល់ឧបសគ្គ និងមិនខ្លាចសូម្បីបាត់បង់ជីវិតនៅទីកន្លែងដែលមានអាកាសធាតុត្រជាក់ក្រោមសូន្យ លោកគ្រាន់តែសង្ឃឹមថា កិច្ចការងារទាំងអស់នេះបានចូលរួមជួយដល់កុមារកម្ពុជាជាច្រើន ពិសេសកុមារមានជំងឺមហារីកនៅមន្ទីពេទ្យ ដែលកំពុងត្រូវការជំនួយខ្លាំង”។
ទន្ទឹមនឹងនេះ លោក ទីវ តារារិទ្ធិ ក៏បានឱ្យដឹងដែរថា ក្នុងដំណើរផ្សងព្រេងរបស់លោកនៅតំបន់ភូមិភាគជើងប្រទេសឥណ្ឌា លោកក៏ទទួលបានស្វាគមន៍យ៉ាងកក់ក្តៅពីអ្នកនៅទីនោះផងដែរ ដោយបានផ្តល់កន្លែងស្នាក់នៅ ផ្តល់អាហារ និងបានអញ្ជើញលោកទៅលោតឆ័ត្រយោង (Paraglaiding) ពីលើជ្រលងភ្នំដែលមានកម្ពស់ ២២០០ ម៉ែត្រ ខ្ពស់ជាងនីវ៉ូទឹកសមុទ្រទៀតផង។
![](https://www.kampucheathmey.com/wp-content/uploads/2024/11/465277928_1075069711071605_3515688178643223405_n-1024x769.jpg)
![](https://www.kampucheathmey.com/wp-content/uploads/2024/11/465429188_1076575600921016_1363370991454456264_n-768x1024.jpg)
គួររម្លឹកថា ដំណើរផ្សងព្រេងដ៏វែងឆ្ងាយនេះ គឺធ្វើឡើងដើម្បីរៃអង្គាសថវិកាជូនមន្ទីរពេទ្យគន្ធបុប្ផា និងមន្ទីរពេទ្យកុមារអង្គរ ជាសកម្មភាពជិះកង់សប្បុរសធម៌ជាថ្មីម្តងទៀត បន្ទាប់ពីលោកបានជិះកង់រៃអង្កាសថវិកាក្នុងតំបន់អាសុីអាគ្នេយ៍ កាលពីឆ្នាំ២០២៣ ក្នុងដំណើរ ៩៧៥០គីឡូម៉ែត្រ ដោយប្រើពេលជិត ៣ខែ ជិះកង់ផ្សងព្រេងតែម្នាក់ឯង ឆ្លងកាត់ប្រទេសអាស៊ានចំនួន៦ រួមមាន វៀតណាម ឡាវ សិង្ហបុរី ម៉ាឡេស៊ី និង ថៃ និងបាននាំយកថវិកាជាង ៥ម៉ឺនដុល្លារ ជូនមន្ទីរពេទ្យកុមារអង្គរ។
ដោយឡែក សម្រាប់បេសកកម្មទៅកាន់ទ្វីបអឺរ៉ុបនេះ គឺជាដំណើរដ៏វែងឆ្ងាយជាងមុន ប្រមាណជាជាង ២ម៉ឺនគីឡូម៉ែត្រ ដោយត្រូវឆ្លងកាត់ ២៥ ប្រទេស រួមមាន ឡាវ; ថៃ; បង់ក្លាដែស; ឥណ្ឌា; ប៉ាគីស្ថាន; អាហ្វហ្កានីស្ថាន; កាហ្សាក់ស្ថាន; តាហ្សីគីស្ថាន; អូសបេគីស្ថាន; តួកម៉េនីស្ថាន; អុីរ៉ង់; តួកគី; ប៊ុលហ្ការី; រូម៉ានី; ហុងគ្រី; អូទ្រីស; អាល្លឺម៉ង់; ស្វីស; អេស្ប៉ាញ; ព័រទុហ្គាល់; ហូឡង់; បារាំង; ន័រវេស; និង អុីតាលី ដោយចាប់ចេញដំណើរពីកម្ពុជា កាលពីថ្ងៃទី ០៦ ខែមិថុនា ឆ្នាំ២០២៤៕ អត្ថបទ៖ សុធាវី
![](https://www.kampucheathmey.com/wp-content/uploads/2024/11/image-253-1-1024x768.png)
![](https://www.kampucheathmey.com/wp-content/uploads/2024/11/369985871_669166438574152_8824044540781540447_n-1-1024x683.jpg)
សម្រាប់អ្នកមានបំណងចូលរួម អាចបរិច្ចាគបានតាមរយៈ៖
Bank Account (ACLEDA Bank): 0001-05389418-14 (CYCLING FOR CHILDREN
KHQR link៖ https://epayment.acledabank.com.kh/Z1Z4GQZI8ZMWRXDQ/pay
AHC link៖ https://shorturl.at/tc72l
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៤ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៣ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម៦ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ចរាចរណ៍១ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
-
ជីវិតកម្សាន្ដ២៤ ម៉ោង ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ព័ត៌មានជាតិ៦ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ជីវិតកម្សាន្ដ១ ថ្ងៃ ago
G-Devith ប្តេជ្ញារកយុត្តិធម៌ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ