យូធូប ចិន ៣រូប បាត់មុខច្រើនឆ្នាំ វិលមកវិញនៅតែជាជើងខ្លាំង

គេមិនអាចបដិសេធបានទេថា ប្រទេសចិនគឺជាកន្លែងមួយដែលមានវេទិកាប្រព័ន្ធផ្សព្វផ្សាយសង្គមមានការអភិវឌ្ឍន៍យ៉ាងខ្លាំង ជាពិសេសតារាល្បីៗតែងតែក្លាយជាបាតុភូតអ៊ីនធឺណេតដ៏ពេញនិយម។ ប៉ុន្មានឆ្នាំមកនេះ មានឈ្មោះប្រកួតប្រជែងដើម្បីបង្ហាញខ្លួនដំបូង អ្នកខ្លះល្បីដល់កំពូល ក្លាយជាការចងចាំនិងពេញនិយមពីអ្នកទស្សនា ប៉ុន្តែអ្នកផ្សេងទៀតមិនអាចរក្សាទម្រង់របស់ពួកគេបានទាំងស្រុង រហូតបាត់មុក្រោមហេតុផលផ្សេងៗគ្នា។

១​ យូធូបជនបទ ​Li Ziqi វិល​មក​វិញ​កាន់តែក្ដៅគគុកជាងមុន

ធ្លាប់​ជាតារាអ៊ីនធឺណិត​ក្តៅ​ក្នុង​ប្រទេស​ចិន និង​ប្រទេស​ជា​ច្រើន​ទៀត​អស់​រយៈពេល​ជា​ច្រើន​ឆ្នាំ​មក​ហើយ នៅ​ចុង​ឆ្នាំ ២០២១ Li Ziqi​​​ ​ស្រាប់តែ​ឈប់​ដំណើរការ​បន្ទាប់​ពី​មាន​ជម្លោះ និង​បណ្ដឹង​ជាមួយ​ក្រុមហ៊ុន​គ្រប់គ្រង។ នេះ​ធ្វើឲ្យ​អ្នក​គាំទ្រ​នាង​សោក​ស្តាយ​ជា​ខ្លាំង។ មួយរយៈពេលដែលនាងឈប់ធ្វើការដើម្បីលាក់បាំងនោះ មហាជនជាច្រើនបានបន្តទន្ទឹងរង់ចាំរឿង ទេពអប្សរជនបទ ​ហើយក្នុងអំឡុងពេលនេះវីដេអូចាស់ៗរបស់នាងនៅតែបន្តកើនឡើងជាបន្តបន្ទាប់។

ក្រោយបាត់មុខ៣ឆ្នាំមក ថ្មីៗនេះ យូធូបរូបនេះស្រាប់តែត្រលប់មកវិញ ដោយបន្តបង្កើតភាពក្តៅគគុកពេញបណ្តាញសង្គម។ បើទោះជានាងអសកម្មមួយរយៈមកក៏ពិតមែន ប៉ុន្តែភាពទាក់ទាញរបស់ Li Ziqi​ ក៏មិនថមថយទាល់តែសោះ ហើយមិនត្រឹមតែប៉ុណ្ណោះ នាងក៏ទទួលបានការចាប់អារម្មណ៍ខ្លាំងជាងពេលមុនផងដែរ។ ក្នុងអំឡុងពេល ៣ ឆ្នាំដែលនាងឈប់ផលិតវីដេអូ ចំនួននៃការជាវនៅលើប៉ុស្តិ៍ YouTube របស់នាងបានបន្តកើនឡើង។ នៅពេលត្រលប់មកវិញ វីដេអូចុងក្រោយទាំង ៣ នេះក៏មានអ្នកទស្សនាកាន់តែកើនឡើងផងដែរ ដែលបង្ហាញថា ភាពទាក់ទាញរបស់នាងមិនបានថមថយទៅណាឡើយ។

២ Ms Yeah អ្នកផលិតមាតិកាធ្វើអាហារនិងញ៉ាំក្នុងការិយាល័យ

Zhou Xiaohui ត្រូវបានគេស្គាល់ថាជា Ms Yeah គឺជា YouTuber និងចុងភៅជនជាតិចិន។ នាងគឺជាឈ្មោះដែលធ្លាប់ល្បីខ្លាំងនៅលើបណ្ដាញសង្គមក្នុងប្រទេសចិន និងប្រទេសផ្សេងៗ ។ ដោយផុសចេញពីវីដេអូធ្វើម្ហូបប្រកបដោយភាពច្នៃប្រឌិតរបស់នាងនៅកន្លែងធ្វើការ ភាពល្បីល្បាញរបស់ Ms Yeah បាននាំឲ្យនាងទទួលបានប្រាក់ចំណូលយ៉ាងច្រើន។ នាងក៏ឧស្សាហ៍ចូលរួមកម្មវិធីញ៉ាំអាហារល្បីៗជាច្រើនប្រទេស ទទួលបានការកោតសរសើរពីមហាជនជាច្រើនផងដែរ។

ភាពចម្រូងចម្រាសបានវាយប្រហារ Ms Yeah នៅពេលដែលកុមារពីរនាក់ (អាយុ ១២ ឆ្នាំ និង ១៤ ឆ្នាំ) នៅក្នុងប្រទេសចិនត្រូវគេនិយាយថា បានធ្វើតាមការផ្ទុះពោតលីងញ៉ាំរបស់នាង ដែលនាំឲ្យមានការផ្ទុះយ៉ាងធ្ងន់ធ្ងរ។ ក្នុង​នោះ​មាន​ក្មេង​ស្រី​ម្នាក់​មិន​រួច​ជីវិត ម្នាក់​ទៀត​ត្រូវ​ភ្លើង​ឆេះ​យ៉ាង​ធ្ងន់ធ្ងរ។ ហេតុការណ៍នេះបានរីករាលដាលពាសពេញប្រព័ន្ធផ្សព្វផ្សាយសង្គមរបស់ប្រទេសចិន ដោយអ្នកលេងអ៊ីនធឺណិតបានអំពាវនាវឲ្យធ្វើពហិការចំពោះអ្នកហូបអាហារក្នុងការិយាល័យ ដោយសារតែពួកគេជឿថានាងជាអ្នកបង្កហេតុដោយប្រយោល។ ក្រោយមក Ms Yeah​ ក៏បានសុំទោស ទទួលយកការទទួលខុសត្រូវ និងជួយគ្រួសារជនរងគ្រោះ ចេញថ្លៃព្យាបាលជំងឺ។ ក្រោយ​កើត​ហេតុ​នេះ បាន​ឈប់​នាងស្រាប់តែឈប់ផលិត​វីដេអូ​មួយ​រយៈ។

នៅឆ្នាំ ២០២១ បន្ទាប់ពីស្ងប់ស្ងាត់អស់រយៈពេលជាយូរមកហើយ Ms Yeah ស្រាប់តែប្រកាសរៀបការ។ អ្នកលេង​អ៊ីនធឺណិត​ក៏​បាន​ផ្ញើ​សារ​អបអរ​សាទរ និង​ជូនពរ​នាង​ឲ្យ​មាន​សុភមង្គល។ បច្ចុប្បន្ននេះ នាងលែងផលិតវីដេអូវែងដូចកាលពីមុនទៀតហើយ ប៉ុន្តែផ្តោតសំខាន់លើវីដេអូខ្លីៗ និងមានការប្រុងប្រយ័ត្នក្នុងការជ្រើសរើសខ្លឹមសារ។ យ៉ាង​ណា​មិញ គេ​ងាយ​មើល​ឃើញ​ថា​មន្ត​ស្នេហ៍​របស់ Ms Yeah លែង​ដូច​មុន​ទៀត​ហើយ ពេល​បង្ហោះ Fanpage របស់​នាង​មាន​តែ​ប៉ុន្មាន​រយ​ Like និង​មាន​ទំនាក់​ទំនង​តិច​តួច​បំផុត។ ទោះបីជាយ៉ាងណាក៏ដោយ នាងនៅតែព្យាយាមយ៉ាងខ្លាំងជាមួយនឹងការងារច្នៃប្រឌិតនេះ ហើយអ្នកដែលនៅតែទស្សនានៅតែលើកទឹកចិត្ត Ms Yeah​ ដដែល។

៣ Dianxi Xiaoge ទទួលបានការចាប់អារម្មណ៍ជាងពេលមុន

ក្នុង​នាម​ជា YouTubers ម្នាក់​ដែល​កំពុង​តាម​ដាន​ខ្លឹមសារ​អំពី​ជីវិត​នៅ​ក្នុង​ភូមិ​ដែល​គេ​បំភ្លេច​ចោល​នោះ​ Dianxi Xiaoge ហាក់​ដូច​ជា​ត្រូវ​បាន​គេ​ចាប់​នៅ​ក្នុង​ស្រមោល Li Ziqi ហើយ​ត្រូវ​បាន​គេ​ប្រៀបធៀប​ជា​ញឹក​ញាប់។ ទោះ​បី​ជា​​មាន​ការ​យល់​ឃើញ​ខុស​គ្នា​ក៏​ដោយ ក៏​នាង​នៅ​តែ​បន្ត​ជ្រើស​រើសបង្ហាញអ្វីដែលជារបស់ខ្លួននាងមកកានអ្នកទស្សនា។

Dianxi Xiaoge ផ្តោតជាសំខាន់លើការណែនាំមុខម្ហូប Yunnan ដែលជាស្រុកកំណើតរបស់នាង ជីវិតគ្រួសារជាមួយជីដូន ឪពុកម្តាយ មីង ពូ ប្អូនប្រុស និងអ្នកជិតខាង វីដេអូការងាររបស់នាងលេចធ្លោសម្រាប់ភាពសាមញ្ញ និងសន្តិភាពបំផុត។

ក្នុងអំឡុងពេលដែល​ Li Ziqi ​ឈប់បង្ហាះវីដេអូ Dianxi Xiaoge បានបន្តធ្វើវីដេអូខ្លួន ហើយកាន់តែមានភាពច្នៃប្រឌិតជាងមុនទ្វេរគុណ។ នេះ​ក៏​បាន​បង្ហាញ​ពី​សមត្ថភាព​ពិត​របស់​នាង ហើយ​ក៏​បាន​ជួយឲ្យនាង​ទទួល​បាន​ការ​ទទួល​ស្គាល់​កាន់​តែ​ខ្លាំងជាងមុនដែរ៕

អត្ថបទ៖ សាង ស្រីល័ក្ខ

ចុចអាន៖Go Min Si បរិច្ចាគលុយរាប់ម៉ឺនដុល្លារ ជួយមនុស្សចាស់ក្នុងរដូវរងានៅកូរ៉េ