KPT+

សហគ្រិនល្បីៗ មានគន្លឹះទំាងនេះស្រដៀងគ្នាក្នុងវិធីដឹកនាំពាណិជ្ជកម្ម

បានផុស

៤ years មុន

នៅ

ថ្ងៃចន្ទ ១៥ មីនា ២០២១

ដោយ

ការទទួលបានជោគជ័យ ច្រើនតែមានន័យថា បានរៀនសូត្រពីអ្នកដែលបានសម្រេចគោលដៅរួចហើយ។

ប៉ុន្តែ បើអ្នកមិនទាន់រកឃើញគន្លឹះអ្វីទេ សាកមកអានអត្ថបទ ដើម្បីស្វែងយល់ពីគោលការណ៍របស់សហគ្រិនល្បីៗ នឹងជួយអ្នកក្នុងការចាប់ផ្ដើមអាជីវកម្ម។

១. ប្រកួតប្រជែងជាមួយខ្លួនឯង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Richard Branson មានប្រសាសន៍ថា ការលើកទឹកចិត្តដ៏ធំបំផុតរបស់លោក គឺត្រូវប្រកួតប្រជែងជាមួយខ្លួនឯង។ លោកចាត់ទុកជីវិត ដូចជាការអប់រំនៅសាកលវិទ្យាល័យដ៏វែងមួយ ជាកន្លែងដែលលោកអាចរៀនបន្ថែមទៀតជារៀងរាល់ថ្ងៃ។

២. ធ្វើការងារដែលអ្នកពេញចិត្តនិងជឿជាក់

មិនចម្លែកទេ ចំពោះការបើកអាជីវកម្មត្រូវចំណាយពេលច្រើន។ លោក Steve Jobs បានផ្ដល់យោបល់ថា វិធីតែមួយគត់ដើម្បីឱ្យអ្នកពេញចិត្តក្នុងជីវិត គឺធ្វើការងារដែលអ្នកពេញចិត្តនិងជឿជាក់។

៣. ប្រថុយនឹងគ្រោះថ្នាក់

យើងមិនដែលដឹងពីលទ្ធផលនៃការខិតខំភ្លាមៗទេ ដរាបណាយើងពិតជាធ្វើវាបានមែន។ លោក Jeff Bezos បាននិយាយថា វាជួយឲ្យដឹងថា លោកមិនបានសោកស្ដាយ ចំពោះការបរាជ័យ ប៉ុន្តែលោកអាចនឹងសោកស្ដាយ ដែលមិនបានព្យាយាមសាកល្បងធ្វើវា។

៤. ជឿលើខ្លួនឯង

លោក Henry Ford បាននិយាយយ៉ាងច្បាស់ថា មិនថាអ្នកគិតថា អ្នកអាចធ្វើបានឬមិនអាចធ្វើបានទេ។ ជឿជាក់ថាអ្នកនឹងជោគជ័យ ហើយអ្នកនឹងរកឃើញវិធីឆ្លងកាត់ឧបសគ្គផ្សេងៗ។ បើអ្នកមិនធ្វើ អ្នកនឹងរកលេសមកបង្ខាំខ្លួនឯង។

៥. មានចក្ខុវិស័យ

ស្ថាបនិកនិងជានាយកប្រតិបត្តិក្រុមហ៊ុន Tumblr លោក David Karp និយាយថា សហគ្រិនគឺជាមនុស្សម្នាក់ដែលមានចក្ខុវិស័យសម្រាប់អ្វីមួយ និងមានបំណងបង្កើតវា។ រក្សាចក្ខុវិស័យរបស់អ្នក ឱ្យច្បាស់គ្រប់ពេល។

៦. គ្រប់គ្រងថាមពលមិនមែនពេលវេលាទេ

ថាមពលរបស់អ្នក កំណត់នូវអ្វីដែលអ្នកអាចធ្វើបាន ជាមួយពេលវេលារបស់អ្នក ដូច្នេះត្រូវចេះគ្រប់គ្រងវាដោយប្រាជ្ញា។

៧. ចាត់វិធានការ

ពិភពលោកពោរពេញទៅដោយគំនិតល្អៗ ប៉ុន្តែភាពជោគជ័យ គឺតែងតែកើតឡើងតាមរយៈសកម្មភាពប៉ុណ្ណោះ។ លោកWalt Disney ធ្លាប់បាននិយាយថា វិធីងាយស្រួលបំផុតដើម្បីចាប់ផ្ដើម គឺឈប់និយាយ ហើយចាប់ផ្ដើមធ្វើ។

ប្រែសម្រួល៖ សាង ស្រីល័ក្ខ

ចុចអាន៖សហគ្រិនល្បីៗក្នុងពិភពជំនួញ តែងមានចរិត៥នេះស្រដៀងគ្នា