KPT+
តិចនិកខ្លះៗជួយដោះស្រាយបញ្ហាផ្លូវចិត្តអំឡុងពេលនៅតែផ្ទះក្នុងវិបត្តិកូវីដ
ការព្រួយបារម្ភ និងភ័យខ្លាចអំឡុងវីរុស COVID-19 កំពុងរាតត្បាតពេញពិភពលោកគឺជារឿងចៀសមិនផុត ព្រោះគ្នាយើងមិនដឹងច្បាស់ពីផលប៉ះពាល់អវិជ្ជមានផ្សេងៗរបស់វីរុសនេះ។ ប៉ុន្តែយើងអាចអនុវត្តវិធីប៉ុន្មានយ៉ាងនេះដើម្បីជួយសម្រួលដល់ការព្រួយបារម្ភ និងភាពខ្លាចរបស់យើង។
១. ការរក្សាទំនាក់ទំនង
ដើម្បីទប់ស្កាត់ការឆ្លងរាលដាលនៃវីរុសនេះ ប្រទេសនីមួយៗបានចេញវិធានការណ៍រក្សាគម្លាតសុវត្ថិភាព គឺការនៅឃ្លាតពីអ្នកដទៃប្រហែល២ម៉ែត្រ។ មួយវិញទៀតការនៅតែក្នុងផ្ទះវិញក៏អាចប៉ះពាល់ដល់អារម្មណ៍យ៉ាងខ្លាំងដោយសារការណ៍នេះអាចធ្វើឲ្យយើងមានអារម្មណ៍ឯកា និងថប់បារម្ភ។ ដូចនេះហើយទើបការរក្សាទំនាក់ទំនងគឺសំខាន់ណាស់ទោះបីជាមានការកាត់បន្ថយការជួបមិត្តភកិត្តដោយផ្ទាល់ក៏ដោយ។ ម៉្យាងទៀតការរក្សាទំនាក់ទំនងអាចជួយយើងនិយាយពីការបារម្ទៅកាន់អ្នកដែលយើងទុកចិត្តដូចជាមិត្តភកិ្ត ឬសមាជិកគ្រួសារ។ នៅពេលនិយាយជាមួយនឹងមិត្តភកិ្ត ឬគ្រួសារគួរចៀសវាងការនិយាយអំពីវីរុសនេះច្រើន ហើយបែរមកនិយាយអំពីរឿងផ្សេងៗដូចជារឿងកំប្លែង ឬសកម្មភាពប្រចាំថ្ងៃវិញល្អជាង។
២. ការថែរក្សាសុខភាព និងស្មារតី
ការថប់បារម្ភអាចធ្វើឲ្យយើងកែប្រែទម្លាប់នៃការញ៉ាំ និងការគេងរបស់ខ្លួន។ ហេតុនេះហើយយើងគួរយកចិត្តទុកដាក់ទៅលើការថែរក្សាសុខភាពរបស់យើងដោយព្យាយាមរក្សាទម្លាប់ប្រចាំថ្ងៃដូចជាការចូលគេង ការក្រោកពីគេង ការញ៉ាំអាហារឲ្យទៀងពេល និងការគេងឲ្យគ្រប់គ្រាន់។ លើសពីនេះទៀត យើងអាចជួយដោះស្រាយសុខភាពផ្លូវចិត្តរបស់ខ្លួនដោយបន្តធ្វើសកម្មភាពដែលយើងចូលចិត្តដូចជាអានសៀវភៅ មើលភាពយន្ត លេងហ្គេម ឬរៀនអ្វីៗថ្មីដូចជារៀនធ្វើម្ហូប ធ្វើសួន ឬសិប្បកម្មដោយដៃផ្សេងៗ។ ក្រៅពីនេះ យើងក៏អាចរៀនភាសាបរទេសបន្ថែម ឬជំនាញថ្មីៗ ហើយក៏អាចរកមើលចំណង់ចំណូលចិត្តថ្មីដូចជាការសរសេរ blog ការលេងកីឡាថ្មី ឬការរៀនគូររូបជាដើម។ ការសិក្សាបានបង្ហាញថាការរៀនជំនាញថ្មីៗអាចជួយឲ្យសុខភាពផ្លូវចិត្តមានភាពប្រសើរឡើងដោយជួយក្នុងបន្ថែមជំនឿចិត្តលើខ្លួនឯង និងជួយឲ្យមានទំនាក់ទំនងល្អជាមួយអ្នកដទៃទៀតផង។
៣. ហាត់ប្រាណ
ភាពសកម្មគឺមិនត្រឹមតែល្អចំពោះសុខភាពផ្លូវកាយទេ តែនៅល្អសម្រាប់សុខភាពផ្លូវចិត្តដែរ ព្រោះអាចជួយឲ្យយើងមានគំនិតសុទិដ្ឋិនិយម។ យើងអាចរកមើលវីដេអូទាក់ទងនឹងលំហាត់ប្រាណងាយៗដែលអាចធ្វើនៅផ្ទះតាមប្រព័ន្ធអ៊ីនធើណេត។ យើងក៏អាចហាត់យ៉ូហ្គាបាន ព្រោះលំហាត់ប្រាណនេះមិនត្រូវការឧបករណ៍ទេ។
៤. ការទទួលបានព័ត៌មានពិត
ការទទួលបានព័ត៌មានទាក់ទងនឹងវីរុស COVID-19 គឺសំខាន់ដោយអាចដឹងថាតើមានអ្វីកំពុងកើតឡើង និងការការពារផ្សេងៗដើម្បីទប់ស្កាត់ការឆ្លង។ ប៉ុន្តែការទទួលបានព័ត៌មានច្រើន និងមិនពិតទាក់ទងទៅលើវីរុសនេះកាន់តែធ្វើឲ្យមានការព្រួយបារម្ភ និងភ័យខ្លាចអាក្រក់ជាងមុន។ ហេតុនេះហើយគួរជ្រើសរើសប្រភពព័ត៌មានដែលគួរឲ្យជឿជាក់ និងកំណត់ពេលវេលាក្នុងការតាមដានព័ត៌មានទាំងនោះ។ យើងក៏អាចឲ្យមិត្តភកិ្តដែលយើងទុកចិត្តចែករំលែកព័ត៌មានសំខាន់ជុំវិញវីរុសនេះ។ បន្ថែមពីនេះយើងក៏គួរប្រយ័ត្នពីការចែករំលែកព័ត៌មានទៅកាន់អ្នកដទៃដែរ ចៀសវាងការចែកចាយព័ត៌មានមិនពិតបង្កឲ្យមានការភ័យខ្លាចដល់អ្នកដទៃ។
៥. ការយកចិត្តទុកដាក់ទៅលើរឿងដែលអាចគ្រប់គ្រងបាន
ការយកចិត្តទុកដាក់ទៅលើបញ្ហាដែលយើងមិនអាចគ្រប់គ្រងបានដូចជារយៈពេលនៃការរាតត្បាតរបស់វីរុសនេះ តើមានអ្វីកើតឡើងនៅក្នុងសហគម និងការប្រឈមមុខនឹងបញ្ហានេះរបស់អ្នកដទៃ អាចធ្វើឲ្យយើងមានអារម្មណ៍ភ័យខ្លាច និងព្រួយបារម្ភជាខ្លាំង។ ដូចនេះយើងគួរប្តូរមកយកចិត្តទុកដាក់ទៅលើរឿងដែលយើងអាចធ្វើបានដូចជាការការពារខ្លួនអ្នកដោយអនុវត្តតាមការណែនាំរបស់អង្គការសុខភាពពិភពលោក ឬក្រសួងសុខាភិបាលដូចជា៖
- ការលាងសម្អាតដៃជាមួយសាប៊ូឲ្យបានញឹកញាប់
- ចៀសវាងការប៉ះពាល់មុខជាពិសេសច្រមុះ ភ្នែក និងមាត់
- នៅផ្ទះឲ្យបានច្រើនប្រសិនជាអាច
- ចៀសវាងកន្លែងមានមនុស្សច្រើន
- ចៀសវាងការទៅផ្សារ ឬដំណើរកម្សាន្តដែលមិនចាំបាច់
- រក្សាគម្លាតពីអ្នកដទៃយ៉ាងតិច២ម៉ែត្រ៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ វិធីងាយៗស្នាក់នៅផ្ទះឈ្នះកូវីដ បានទាំងប្រយោជន៍ និងសុខភាព
ចុចអាន៖ ហាត់ប្រាណ អាចជួយពង្រឹងប្រព័ន្ធភាពស៊ាំប្រយុទ្ធនឹងមេរោគឆ្លងបានទេ?
អភិបាលក្រុងខេមរភូមិន្ទ ជំរុញដល់ពលរដ្ឋយកចិត្តទុកដាក់ថែរក្សាសុខភាព ខណៈអាកាសធាតុចុះត្រជាក់
នាវាដឹកប្រេង៧គ្រឿងចាកចេញពីសិង្ហបុរី ក្រោយអាមេរិកដាក់ទណ្ឌកម្មនាវាដឹកប្រេងរុស្ស៊ី
អ្នករករ៉ែ១០០នាក់ជាប់គាំងក្នុងអណ្តូងរ៉ែស្លាប់ដោយសារការអត់អាហារជាច្រើនខែ
គិតត្រឹមពេលនេះ ចំនួនអ្នកបង់ថ្លៃសំរាមមានប្រមាណ ៦០ ទៅ ៧០ ភាគរយ នាំឲ្យខាតបង់ការបង់ថ្លៃសំរាមទៅក្រុមហ៊ុនប្រមូលសំរាមទាំង ៣
អាមេរិក ព្រមានអំពីការវាយប្រហារថ្មីៗ ដែលយកលំនាំតាមអំពើភេរវកម្មនៅថ្ងៃឆ្លងឆ្នាំ
ភូមិគ្រឹះនៅ LA តម្លៃជិត ៩លានដុល្លារ ឈរយ៉ាងរឹងមាំ ទោះជាភ្លើងឆេះជុំវិញសល់តែផេះក្ដី
រលកខ្យល់ល្បឿនជាង១០០គ.ម/ម៉ោង នឹងធ្វើឲ្យ LA កើតភ្លើងឆេះព្រៃ កាន់តែសាហាវៗថែមទៀត
កម្ពុជា បន្តចុះត្រជាក់ ១៨°C ដល់ថ្ងៃទី១៦មករា
ពលរដ្ឋនៅបាត់ដំបងតវ៉ាបិទផ្លូវទាមទារឲ្យដោះបញ្ហាស្រូវធ្លាក់ថ្លៃ ក្រសួងកសិកម្មតបថា ថាមិនបានព្រងើយបញ្ហានេះឡើយ
ស្ត្រីកែភេទ អាមេរិក កាត់ឆ្អឹងជំនីរខ្លួនឯងធ្វើមកុដ និងចង់បានរាងដែលប្រាថ្នា
-
ព័ត៌មានជាតិ៥ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍១ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍៤ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ៦ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ជីវិតកម្សាន្ដ៣ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ៤ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៦ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ៣ ថ្ងៃ agoស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ