KPT+

លក្ខណៈពិសេស ៧ យ៉ាង បង្ហាញថា មនុស្សម្នាក់រឹងមាំពិតប្រាកដ

បានផុស

៤ years មុន

នៅ

ថ្ងៃព្រហស្បតិ៍ ១៨ មីនា ២០២១

ដោយ

Sonya

នៅក្នុងបណ្ដាញសង្គម យើងនឹងឃើញមនុស្សក្លែងក្លាយជាច្រើនដែលតែងតែធ្វើគ្រប់យ៉ាងដើម្បីទាក់ទាញចំណាប់អារម្មណ៍របស់ខ្លួនឯងទៅកាន់អ្នកជុំវិញ។ ចំណែកមនុស្សសាមញ្ញផ្ទុយពីនោះ ពួកគេមិនធ្វើដើម្បីទាក់ទាញចំណាប់អារម្មណ៍ពីអ្នកណាឡើយ។

ហើយលក្ខណៈខាងក្រោមនេះ គឺជាភាពពិសេសរបស់មនុស្សសាមញ្ញម្នាក់ ៖

១. មិនខ្វល់លើការប្រណាំងប្រជែង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម័យបច្ចុប្បន្នមនុស្សមាននិន្នាការ នាំគ្នាយកមុខមាត់ដើម្បីបង្ហាញដល់បណ្ដេញសង្គម។ វាអាចជាការជេរបញ្ចោរគ្នា ហែកកេរ្តិ៍គ្នាជាដើម។ ពួកគេមិនខ្វល់ថា វាជាការបង្ហាញមុខមាត់ក្នុងផ្លូវល្អឬអាក្រក់ឡើយ តែជារឿយៗ ធ្វើឱ្យប៉ះពាល់ដល់កេរ្តិ៍ឈ្មោះរបស់ពួកគេ ឬអាចល្បីមួយភ្លែតក៏ថាបាន។

មនុស្សសាមញ្ញម្នាក់ មិនចង់ល្បីល្បាញក្នុងក្រសែភ្នែកអ្នកដទៃទេ តែពួកគេយកចិត្តទុកដាក់លើជីវិតពិត មិនមែនការប្រកួតប្រជែងបែបនេះ។

២. មិនធ្វើឲ្យអ្នកណាឈឺចាប់

មនុស្សត្រឹមត្រូវមានកិត្តិយស នឹងមិនជ្រើសរើសការស្អប់ខ្ពើម ឬទុកលុយជាងសេចក្ដីថ្លៃថ្នូរឡើយ។ ពួកគេមិនធ្វើឱ្យប៉ះពាល់ដល់អារម្មណ៍របស់អ្នកណាម្នាក់ ដើម្បីព្រោះតែចង់ឲ្យគេស្គាល់ក្នុងបណ្ដេញសង្គម ពោលគឺពួកគេគោរពខ្លួនឯងនិងអ្នកដទៃជានិច្ច។

៣. ចិញ្ចឹមចិត្តគិតតែរឿងវិជ្ជមាន

មនុស្សចង់ល្បីភាគច្រើន ចិញ្ចឹមគំនិតជាមួយនឹងបទពិសោធន៍អវិជ្ជមាន ហើយត្អូញត្អែរហូរហែមិនដឹងទិសតំបន់អី។ ជាពិសេសគឺមានបញ្ហាកើតឡើងបន្តគ្នា នាំតែរឿងឈឺក្បាលដល់សង្គម។

មនុស្សដែលមានសីលធម៌ក្នុងខ្លួនពេញចិត្តនឹងភាពស្រស់ស្អាតនៃផ្នត់គំនិតវិជ្ជមានជាមួយពិភពលោក។ ពួកគេរៀនសូត្រជានិច្ច ហើយបន្តរស់នៅក្នុងជីវិតវិជ្ជមាន។

៤. មិនអនុញ្ញាតឱ្យអ្នកផ្សេងអូសទាញបាន

មិនថាយើងអស្ចារ្យឬសប្បុរសប៉ុណ្ណាក៏ដោយ តែងតែមាននរណាម្នាក់ចង់បំផ្លាញជីវិតវិជ្ជមានរបស់យើង ឬបំផ្លាញបេះដូងដ៏បរិសុទ្ធមួយនេះ។ មនុស្សរឹងមាំមិនអនុញ្ញាតឱ្យនរណាម្នាក់ធ្វើវាចំពោះពួកគេទេ។ ពួកគេលុបបំបាត់មនុស្សដែលបំពុលពីដំណើរជីវិតរបស់ពួកគេ ហើយព្រងើយកន្តើយនឹងអ្នកទាំងនោះ។

៥. មិនចំណាយពេលឥតប្រយោជន៍

មនុស្សពិតប្រាកដគេមិនអៀនខ្មាសពីប្រព័ន្ធផ្សព្វផ្សាយសង្គមទេ ប៉ុន្តែពួកគេមិនទៅចំណាយពេលវេលាដើម្បីពិនិត្យមើលមតិព័ត៌មាន ហើយមិនរង់ចាំការចុច Like ពីនរណាក្នុងបណ្ដេញសង្គមឡើយ។

ពេលទំនេររបស់ពួកគេ គឺចំណាយជាមួយមនុស្សដែលស្រឡាញ់ ឬរីករាយនឹងការដើរលេងកម្សាន្ត។ ការរស់នៅក្នុងពិភពពិត គឺនិយាយពីភាពត្រឹមត្រូវ មិនមែនសម្ដែងក្នុងបណ្ដេញសង្គម។

៦.ពេញចិត្តនូវអ្វីដែលជាខ្លួនឯង

មនុស្សដែលមានភាពត្រឹមត្រូវ ដឹងថាមនុស្សគ្រប់គ្នាមានគុណវិបត្តិទម្លាប់អាក្រក់និងបញ្ហារូបរាងមួយចំនួន។ ទោះយ៉ាងណាក៏ដោយ ពួកគេមានអារម្មណ៍សុខស្រួលណាស់ ទោះបីពួកគេមានស្បែកមិនស្អាត ខ្មៅស្រអាប់ក៏ដោយ។

ពួកគេស្រឡាញ់អ្វីដែលជាខ្លួនឯង នៅក្នុងកញ្ចក់រាល់ថ្ងៃ។

៧. ធ្វើតាមបេះដូងខ្លួនឯង

What Co-Washing Did For My Asian Hair – His Style Diary

មនុស្សរឹងមាំ រមែងរស់នៅក្នុងជីវិតវិជ្ជមាន ពីព្រោះពួកគេធ្វើអ្វីដែលពួកគេចង់ធ្វើ។ ពួកគេតែងតែធ្វើតាមបេះដូងនៅពេលនិយាយអំពីការអប់រំ ទំនាក់ទំនង អាជីព និងទិដ្ឋភាពផ្សេងទៀតនៃជីវិត។

ត្បិតតែពេលខ្លះ ពួកគេអាចរកលុយមិនបានបានច្រើន ប៉ុន្តែយ៉ាងហោចណាស់ពួកគេធ្វើអ្វីដែលធ្វើឱ្យខ្លួនឯងសប្បាយរីករាយ។

ពិភពលោកគឺពោរពេញទៅដោយមនុស្សពិតប្រាកដនិងមនុស្សក្លែងក្លាយ ហើយយើងគឺជាម្នាក់ក្នុងចំណោមពួកគេ។ មនុស្សគ្រប់គ្នាជ្រើសរើសដំណើរជីវិតផ្ទាល់ខ្លួន ដូច្នេះវាមិនអីទេ បើយើងមិនមានចរិតដូចបានរៀបរាប់ខាងលើ។

ទោះបីយើងធ្វើអ្វីក៏ដោយ ព្យាយាមធ្វើឱ្យបានត្រឹមត្រូវតាមដែលអាចធ្វើទៅបាន៕

ប្រែសម្រួល៖ សាង ស្រីល័ក្ខ

ចុចអាន៖ មនុស្សស្រីរឹងមាំពិតប្រាកដ មានចរិតលក្ខណៈទាំង ៣ នេះ

ចុចអាន៖ បើពិភពលោកកំពុងប្រឆាំងនឹងអ្នក នេះជាអ្វីដែលគួរធ្វើបង្កើនភាពរឹងមាំ

Related Topics:ការលើកទឹកចិត្ត