KPT+

មនុស្សល្អពិតនិងល្អសម្ដែងដូចគ្នាទេ?

បានផុស

៤ years មុន

នៅ

ថ្ងៃសៅរ៍ ២០ មីនា ២០២១

ដោយ

ល្អពិតនិងល្អសម្ដែងគឺមិនបានដូចគ្នាទេ ល្អសម្ដែងគឺគេល្អតែមុខកាមេរ៉ា មុខសាធារណជនឬនៅមុខមនុស្សគេចង់បានផល និងចំពោះអ្នកណាដែលគេស្រលាញ់ចាប់ចិត្តប៉ុណ្ណោះ។ ដូចពាក្យគេថា ងាប់អ្នកណាងាប់ទៅ សំខាន់គឺគេរស់បានសុខសាន្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មនុស្សល្អពិតសូម្បីទីងងឹតឬភ្លឺក៏ល្អ នៅពីខាងមុខឬខាងក្រោយកាមេរ៉ាក៏ល្អ ក្រៅឬក្នុងបណ្ដេញសង្គមក៏ល្អមិនប្រែប្រួល។ នេះក៏ដោយសារគេល្អចេញពីចិត្តឥតមានការសំដែង ឬការរំពឹងទុកចង់បានផលតបស្នងឡើយ។

មិនមែនទាល់តែយើងជួយគេបានល្អពិតប្រាកដទេ តែមានន័យថា ល្អគឺឲ្យច្បាស់ថាល្អ កុំល្អដើម្បីជាឈ្នាន់ឈោងចាប់អ្វីមួយដែលប៉ងកំណួចក្នុងចិត្តឲ្យសោះ។

មនុស្សល្អមិនថាគេស្ថិតក្នុងកាលៈទេសៈលំបាកយ៉ាងណាក៏គេល្អទៅបាន គេញញឹមរាប់ញាតិមិនខ្វះ។ តែបើល្អត្រឹមក្រៅស្អុយក្នុង មិនយូរគេនឹងដឹងធាតុពិតពីការល្អមានបំណងអាក្រក់ ដោយសារចិត្តមិនស្រលះ ដើរតែលាបពណ៌ច្រណែននិន្ទាអ្នកផងទាំងពួងតែប៉ុណ្ណោះ។

ដូច្នេះបើល្អត្រូវល្អពិត កុំល្អសម្ដែង កុំល្អបន្លំភ្នែកញាតិ ចង់មានមានគេរាប់រកជាមិត្តជាគ្រួសារតែមួយ យើងក៏ត្រូវល្អជាមួយគេដោយចិត្តស្មោះឥតបន្លំដូចគ្នា។

ចងចាំថាមនុស្សដែលគួរឲ្យខ្លាចបំផុត គឺមនុស្សដែលមិនទទួលស្គាល់ធាតុពិតខ្លួនឯង ៕

អត្ថបទ៖ សាង ស្រីល័ក្ខ

ចុចអាន៖មនុស្សចូលចិត្តនិន្ទាគេក្រោយខ្នងមិនចេញមុខ មានចរិតលក្ខណៈយ៉ាងម៉េច?

ចុចអាន៖បើពិភពលោកកំពុងប្រឆាំងនឹងអ្នក នេះជាអ្វីដែលគួរធ្វើបង្កើនភាពរឹងមាំ