KPT+
កំហុសនៃការចំណាយមួយចំនួនដែលថៅកែៗគួរចាប់អារម្មណ៍
អាជីវកម្មរមែងតែងត្រូវការការចំណាយ ទើបរំពឹងទទួលបានផលចំណេញមកវិញ ក្នុងនោះការចំណាយខ្លះត្រូវបានខ្ជះខ្ជាយនិងខាតបង់ប្រយោជន៍ដោយសារ៖
ធ្វើទីផ្សារមិនត្រឹមត្រូវ
![](https://www.kampucheathmey.com/wp-content/uploads/2021/03/group-asia-young-creative-people-japanese-female-boss-supervisor-teaching-intern-new-employee-hispanic-girl-helping-with-difficult-assignment-modern-office-coworker-teamwork-concept_78-1.jpg)
ដើម្បីធ្វើទីផ្សារយើងត្រូវដឹងច្បាស់ពីផលិតផល ឬសេវាកម្មរបស់ខ្លួន ហើយក៏ត្រូវដឹងពីប្រភេទអតិថិជនរបស់ខ្លួនដែរ ព្រោះបើយើងមិនយល់ថាអតិថិជនដែលខ្លួនចង់បានជាមនុស្សប្រភេទណាទេនោះ យើងក៏មិនអាចធ្វើទីផ្សារឲ្យចំគោលដៅបានឡើយ រីឯលទ្ធផលលុយដែលចំណាយលើការធ្វើទីផ្សារនោះប្រៀបដូចជាយកទៅកប់ចោលអ៊ីចឹង។
ប្រើប្រាស់សម្ភារៈមិនចាំបាច់
ពេលខ្លះយើងអាចទិញសម្ភារៈប្រើប្រាស់លើសពីតម្រូវការក្នុងអាជីវកម្ម។ សម្ភារៈប្រើប្រាស់ខ្លះអាចរកទិញបានរបស់មួយទឹក ឬ ម៉ាកធម្មតាដែលមានគុណភាពមិនអន់ជាងគ្នាប៉ុន្មាន ហើយអាចប្រើប្រាស់បានដូចគ្នា។យើងអាចនឹងគិតថា បើប្រើរបស់គុណភាពល្អៗទាំងនោះនឹងធ្វើឲ្យអតិថិជនទុកចិត្ត តែតាមពិតពួកគេមើលទៅលើលទ្ធផលដែលអាជីវកម្មយើងផ្ដល់ឲ្យទៅវិញទេ។ បើសិនសេវាកម្ម ឬទំនិញយើងល្អ ទោះយើងប្រើសម្ភារៈថោកប៉ុនណាក៏ភ្ញៀវមិនខ្វល់ដែរ។
មិនកត់ត្រាការចំណាយ
ទោះបីជាការចំណាយរបស់យើងតិចតួចប៉ុនណាក៏ដោយ ក៏គួរតែកត់ត្រាទុកដែរដើម្បីមើលថាវាចាំបាច់ ឬមិនចាំបាច់ ព្រោះការចំណាយតូចតាចទាំងនោះនៅពេលបូកបញ្ចូលគ្នាអាចក្លាយទៅជាការចំណាយធំមួយ។ នៅពេលយើងកត់ត្រាការចំណាយបានល្អ លុះចុងដល់ខែយើងអាចមើលថា ការចំណាយណាខ្លះដែលមិនសូវចាំបាច់ ដើម្បីកាត់បន្ថយការចំណាយប្រភេទនោះទៀតនៅខែក្រោយ។
បុគ្គលិកច្រើនពេក
![](https://www.kampucheathmey.com/wp-content/uploads/2021/03/Asian-culture-blog-picture-3.jpg)
អាជីវកម្មខ្លះបែងចែកមុខងារជាច្រើនក្នុងកន្លែងការងាររបស់ខ្លួន រួចក៏ជួលបុគ្គលិកច្រើននាក់តាមផ្នែកនីមួយៗ។ ការធ្វើបែបនេះនឹងកាត់បន្ថយផលិតភាពក្នុងការងារ ព្រោះពាក្យចាស់ពោលថា “គ្នាច្រើនអន្សមឆៅ” ដែលអាចធ្វើឲ្យបុគ្គលិកមិនចុះសម្រុងគ្នា រីឯការចំណាយទៅលើប្រាក់ខែក៏ច្រើន។ ក្នុងនាមជាម្ចាស់អាជីវកម្មបើគិតថា ខ្លួនជួលបុគ្គលិកមកដូចជាលើសពីតម្រូវការហើយ យើងអាចពិនិត្យមើលឡើងវិញថា តើមានផ្នែកណាខ្លះដែលអាចបង្រួមចូលគ្នាបាន ហើយចាប់ផ្ដើមជម្រុះបុគ្គលិកដែលលើសនោះចេញ។
ជួលគេមកពីក្រៅដើម្បីធ្វើការងារដែលអាចធ្វើខ្លួនឯងបាន
ការរកស៊ីជួញដូរនីមួយៗពិតជាពិបាក និងមានការងារជាច្រើនដែលត្រូវធ្វើដើម្បីដំណើរវាឲ្យការល្អទៅបាន។ ដើម្បីភាពងាយស្រួលម្ចាស់អាជីវកម្មមួយចំនួនចូលចិត្តហៅគេមកពីក្រៅសម្រាប់ធ្វើកិច្ចការធម្មតាមួយខ្លះដោយមិនព្រមធ្វើខ្លួនឯង ឬឲ្យបុគ្គលិករបស់ខ្លួនដែលចេះធ្វើ។ ជាការពិតការងារមួយចំនួនទៀត យើងចាំបាច់ត្រូវតែហៅអ្នកជំនាញមកពីក្រៅដើម្បីធ្វើវា ប៉ុន្ដែបើការងារដែលបុគ្គលិកយើងអាចធ្វើបានគួរតែឲ្យពួកគេជួយធ្វើដើម្បីកាត់បន្ថយចំណាយ៕
ប្រែសម្រួល៖ សន្យា
ប្រភព៖ Entrepreneur
ចុចអាន៖បង្កើតវប្បធម៌«ស្ដាប់បុគ្គលិកនិយាយ»បានប្រយោជន៍អីខ្លះ?
ចុចអាន៖ក្រុមហ៊ុនដែលភាន់ច្រឡំគ្នារវាង ទីផ្សារនិងផ្នែកលក់តែងតែបរាជ័យ! ហេតុអ្វី?
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?