Connect with us

KPT+

JEFF BEZOS នាយក​ប្រតិបត្តិ​ AMAZON បង្កើត​កំណត់ត្រា​ថ្មី ​ជា​អ្នក​មាន​បំផុត​ក្នុង​កំឡុង​ពេល​ជំងឺ​រាតត្បាត

បានផុស

នៅ

នាយក​ប្រតិបត្តិ​ក្រុមហ៊ុន Amazon បាន​បំបែក​កំណត់ត្រា​ផ្ទាល់ខ្លួន​របស់​លោក​ ឲ្យ​ក្លាយ​ជា​អ្នក​មាន​ជាង​គេ ​និង​ប្រមូល​បាន​ទ្រព្យសម្បត្តិ​ប្រមាណ ១៧២ ពាន់​លាន​ដុល្លារ​អាមេរិក។

ទិន្នន័យ​ដែល​ទើប​ត្រូវ​បាន​ចុះផ្សាយ​នៅ​ក្នុង​សន្ទស្សន៍​មហាសេដ្ឋី Bloomberg បង្ហាញ​ថា​លោក Jeff Bezos នាយក​ប្រតិបត្តិ​ក្រុមហ៊ុន​បច្ចេកវិទ្យា​យក្ស Amazon មានទ្រព្យ ១៧១,៦ ពាន់​លាន​ដុល្លារ​ ដែល​បាន​បង្កើត​កំណត់ត្រា​ថ្មី​សម្រាប់​បុរស​អ្នក​មាន​បំផុត។

កាល​ពី​មុន​លោក​មាន​ត្រឹម​តែ ១៦៧,៧ ពាន់​លាន​ដុល្លារ​ មាន​ន័យ​ថា​ Bezos រក​បាន​ប្រហែល ៥៦,៧ ពាន់​លាន​ដុល្លារ​បន្ថែម​ទៀត​ នៅ​ឆ្នាំ​នេះ។

ដោយឡែក​ភាគច្រើន​នៃ​ទ្រព្យសម្បត្តិ​របស់ Bezos ត្រូវ​បាន​ផ្សារភ្ជាប់​ទៅ​នឹង​ក្រុមហ៊ុន Amazon ដោយ​នាយក​ប្រតិបត្តិ​រូប​នេះ​មាន​ភាគហ៊ុន​ប្រហែល ៥៧ លាន​ហ៊ុន​ ឬ ១២% នៃ​ក្រុមហ៊ុន។ ទោះបី​ជា​មាន​ការ​រីក​រាលដាល​នៃ​ជំងឺ​រាតត្បាត​នៅ​ទូទាំង​ពិភពលោក​ក៏​ដោយ​ ក៏​ក្រុមហ៊ុន Amazon ទទួល​បាន​អាជីវកម្ម​កាន់​តែ​ច្រើន ​ក្នុង​រយៈ​ពេល​ប៉ុន្មាន​ខែ​ថ្មីៗ​នេះ​ ដែល​ជា​លទ្ធផល​ពី​ការ​ចាក់សោ​នៅ​ទូទាំង​ពិភពលោក​ និង​តម្រូវការ​កើន​ឡើង​សម្រាប់​ការ​ទិញ​ទំនិញ​តាម​អ៊ីនធឺណិត។

បន្ទាប់ពី​លោក Bezos ទទួល​បាន​ចំណាត់ថ្នាក់​ខ្ពស់​ជាង​គេ​ក្នុង Bloomberg អ្នក​បន្ទាប់​គឺ​លោក Bill Gates មាន​ទ្រព្យសម្បត្តិ​សុទ្ធ​ចំនួន ១១៥ ពាន់​លាន​ដុល្លារ លោក Bernard Arnault មាន​ទ្រព្យសម្បត្តិ ៩៣ ពាន់​លាន​ដុល្លារ និង​លោក Mark Zuckerberg មាន​ទ្រព្យសម្បត្តិ ៩១,២ ពាន់​លាន​ដុល្លារ ។

លោក Bezos ក៏​បាន​វិនិយោគ​ជាច្រើន​ក្នុង​វិស័យ​ទេសចរណ៍​អវកាស​ ដោយ​មហាសេដ្ឋី​រូប​នេះ​ត្រូវ​បាន​គេ​រាយការណ៍​ថា ​លក់​បាន ១ ពាន់​លាន​ដុល្លារ​ក្នុង​មួយ​ឆ្នាំ​ នៅ​ក្នុង​ស្តុក​របស់​ក្រុមហ៊ុន Amazon ដើម្បី​ផ្ដល់​មូលនិធិ​ដល់​ក្រុមហ៊ុន Blue Origin ដែល​ជា​ក្រុមហ៊ុន​ផលិត​យានអវកាស​និង​ក្រុមហ៊ុន​ផ្ដល់​សេវាកម្ម​អវកាស។

នៅ​ក្នុង​ខែ​ឧសភា​ឆ្នាំ​នេះ NASA បាន​ដាក់​ឈ្មោះ​ក្រុមហ៊ុន​ឯកជន​ចំនួន ៣ ដែល​នឹង​ត្រូវ​បង្កើត​ប្រព័ន្ធ​ចុះចត​តាម​ចន្ទគតិ​របស់​ខ្លួន​ ដោយ​ក្នុង​នោះក៏​មាន Blue Originនិង Elon Musk’s Space X បាន​រួមបញ្ចូល​គ្នា៕

ប្រែសម្រួល៖ សាង ស្រីល័ក្ខ

ចុចអាន៖មិនចង់​លក់​មុខ​ពេល​ទៅ​ស្រុក​គេ គួរ​ស្វែងយល់​វប្បធម៌​ប្លែក​ៗ​របស់​ប្រទេស​ទាំង​នេះ!

ចុចអានហេតុផល ៤ យ៉ាង​​​ដែល​គួរ​តែ​ចាប់ផ្ដើម​អាជីវកម្ម​ឥឡូវ​នេះ​លែង​ពន្យារ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥៣ វិនាទី មុន

មន្ត្រីជាន់ខ្ពស់ការងារ អំពាវនាវកម្មកររោងចក្រស្បែកជើងរងគ្រោះអគ្គិភ័យ រក្សាភាពស្ងប់ស្ងាត់ រង់ចាំការដោះស្រាយពីរោងចក្រ

សន្តិសុខសង្គម២ នាទី មុន

ប្រទះឃើញសពបុរសម្នាក់ក្នុងវ៉ាលី សមត្ថកិច្ចសន្និដ្ឋានថា ជាករណីឃាតកម្ម

ព័ត៌មានជាតិ៥ នាទី មុន

ត្រឹមមួយថ្ងៃ នគរបាលក្រសួងមហាផ្ទៃបង្ក្រាបបទល្មើសគ្រឿងញៀន ២១ករណី ឃាត់ខ្លួនមនុស្ស ៥៣នាក់

ជីវិតកម្សាន្ដ៣៣ នាទី មុន

លោក គួច ខេវិន ៖ ពិធីករ-ពិធីការិនី មានតួនាទីសំខាន់ក្នុងការបង្ហាញអត្តសញ្ញាណថ្លៃថ្នូរ​ជាតិសាសន៍ខ្លួន

ព័ត៌មានអន្ដរជាតិ៣៣ នាទី មុន

ហាងឆេងតម្លៃប្រេងសាំងពិភពលោក បន្តធ្លាក់ថ្លៃច្រើនគួរសម

Sokha Hotels

ព័ត៌មានពេញនិយម