KPT+

អាជីវកម្មអាចខាតលុយចោលទទេ ប្រសិនមិនបានគិតពីចំណុច៤ នេះ

បានផុស

៤ years មុន

នៅ

ថ្ងៃអង្គារ ៦ មេសា ២០២១

ដោយ

វត្តមានកូវីដ-១៩ បានធ្វើឲ្យការប្រកបជំនួញទូទាំងពិភពលោក រងផលប៉ះពាល់ខ្លាំង មិនថាប្រទេសខ្លះមានបម្រាមគោចរឬអត់ ក៏មនុស្សភាគច្រើនមិនចង់ចេញពីផ្ទះនៅឡើយ ហើយនេះជាហេតុផលធ្វើឲ្យអ្នករកស៊ីធុនតូច និងមធ្យម ចាប់ផ្ដើមបាត់បង់ចំណូល រហូតឈានដល់ការបិទទ្វារ ។

យ៉ាងណាក៏ដោយ មានអ្នកខ្លះនៅតែអាចរកស៊ីបានធម្មតា ហើយរកចំណូលច្រើនជាងមុនទៀត ដោយសារពួកគេ បានត្រៀមជើងព្រួល ៤ ចំណុចខាងក្រោមនេះ៖

១. Mobile Banking

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាធម្មតាអ្នកប្រកបអាជីវកម្មធនតូច និងមធ្យម មិនសូវចាប់អារម្មណ៍នឹងការបង់ប្រាក់តាម Moblie Banking នោះទេ ដោយហេតុផលថា ខ្លួនបើកលក់ត្រឹមតូចតាច លុយចូលតិចតួច ចាំបាច់មានការផ្ទេរប្រាក់ចូលកុងធនាគារធ្វើស្អី! តែក្រោយពេលកូវីដមកដល់ គ្រប់គ្នាចាប់ផ្ដើមអនុវត្តន៍ Social Distancing ទើបដឹងថា ការវេលុយតាម Mobile Banking មានប្រយោជន៍ខ្លាំង។

២. Digital Menu

ហាងទូទាំងពិភពលោកតែងមានសៀវភៅម៉ឺនុយមុខម្ហូប តែក្រោយពេលកូវីដ-១៩ មកដល់ ការប៉ះពាល់របស់នេះ ត្រូវបានគេគ្រប់គ្នាខ្លាចនឹងប៉ះ ហើយអ្នករត់តុវិញ ក៏ត្រូវនៅឆ្ងាយពីភ្ញៀវដែរ។ ធ្វើដូចម្ដេចទើបអាចដោះស្រាយបញ្ហានេះបានស្រួល?

ដើម្បីឲ្យភ្ញៀវគ្រប់គ្នាអាចកម្ម៉ង់បានស្រួល គេបានជំនួសការចាប់កាន់សៀវភៅម៉ឺនុយ ទៅជាការមើលម៉ឺនុយអេឡិចត្រូនិចវិញដោយគ្រាន់តែ Scan QR កូដម៉ាខ្វាច់ ម៉ឺនុយលោតចូលទូរសព្ទភ្លាមៗ!

៣. Digital Marketing

សម័យនេះហាងតូចធំយ៉ាងណាក៏ដោយក៏មាន Social Media សម្រាប់ផ្សព្វផ្សាយដែរ តែអាចនឹងមានមិនច្រើនទេ ដែលអ្នករកស៊ីតូចៗមួយចំនួន ចេះ Boost Page និង Boost Post តាមតម្រូវការរបស់ខ្លួន។ អ្វីៗចាប់ផ្ដើមពីការស្រាវជ្រាវ និងអានតាមអ៉ីនធឺណិត ដើម្បីរកគន្លឹះដោះស្រាយ។ ដំណោះស្រាយចាំបាច់នេះ អាចបង្រៀនអ្នក និងធ្វើឲ្យការរកស៊ីអ្នកកាន់តែល្អជាងមុន លើផ្នែក Digital Marketing។ ដូច្នេះកុំកំណត់ខ្លួនឯង នឹងការទទួលយកអ្វីដែលថ្មីៗ។

៤. សេវាកម្មកម្ម៉ង់អនឡាញ និងការដឹកជញ្ជូន

ពេលលក់ដាច់ ស្ថានភាពធម្មតា អ្នកប្រហែលជាគ្មានពេលគិតនឹងរឿងដឹកជញ្ជូននោះទេ តែក្រោយពេលពិភពលោកជួបបញ្ហាការឆ្លងមេរោគ កូវីដ-១៩ នេះ ហាងតូចធំលើពិភពលោក បានផ្ដោតសំខាន់ខ្លាំងមែនទែន នឹងការកម្ម៉ង់អនឡាញ។ អាចទៅរួចទេ បើអ្នកគ្មាន System ដើម្បីឲ្យអតិថិជនអ្នកកម្ម៉ង់បាន? ចម្លើយគឺអាចទៅរួច ព្រោះអ្នកអាចប្រើហ្វេសបុក , Instagram និងទូសព្ទ ប៉ុន្តែអ្នកត្រូវគិតដល់ពីការដឹកជញ្ជូនដល់ផ្ទះ ស្របពេលជាមួយគ្នានេះ៕

ប្រែសម្រួល៖តុងឡុង

ចុចអាន៖ចង់ឲ្យអតិថិជនស្គាល់ពីម៉ាកយីហោ នាមប័ណ្ណគឺជាយុទ្ធសាស្ត្រដែលមិនគួររំលង

ចុចអាន៖ពេលជីវិតក្លាយជាអ្នកមាន ការប្រែប្រួលទាំង ៦ នេះនឹងកើតឡើង

Related Topics:អាជីវកម្ម