KPT+

សញ្ញាបង្ហាញថា យើងកំពុងធ្វើឲ្យជីវិតមានសភាពគួរធុញទ្រាន់ខ្លាំងបំផុត

បានផុស

៤ years មុន

នៅ

ថ្ងៃសុក្រ ៩ មេសា ២០២១

ដោយ

ជីវិតគឺពោរពេញទៅដោយការឡើងចុះ ថ្ងៃខ្លះយើងអាចធុញទ្រាន់នឹងជីវិត ឬទើបតែឆ្លងកាត់រឿងដ៏លំបាកប៉ុន្តែមានអ្នកខ្លះឆ្លងកាត់បានខ្លះបែរជាលែងមានអារម្មណ៍ចង់តតាំង ហើយទុកឲ្យខ្លួនឯងធ្លាក់ចូលទៅក្នុងសភាពគួរឲ្យធុញទ្រាន់ខ្លាំង មិនថាកំពុងស្រណុកពេកឬលំបាកពេក។

ចង់ដឹងថាគ្នាយើងណាខ្លះដែលមានសញ្ញានៃភាពហត់នឿយ ខាងក្រោមនេះនឹងបង្ហាញថា យើងកំពុងជួបប្រទះច្រើន នៅរឿងទាំងនោះ ៖

១. ខឹងខ្លាំងសូម្បីរឿងតូចតាច

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រសិនបើយើងបាត់បង់ការគ្រប់គ្រងលើកំហឹងខ្លួនឯង នេះអាចជាសញ្ញានៃការអស់កម្លាំង។ សូម្បីតែការរអាក់រអួលតូចៗ ក៏បង្កឲ្យយើងមានសំពាធផ្លូវចិត្តកើតឡើងដែរ។

តាមពិតយើងអាចដឹងថាខ្លួនឯងមានប្រតិកម្មហួសហេតុ ប៉ុន្តែមិនអាចស្វែងរកជំនួយដើម្បីជួសជុលបញ្ហាទាំងនោះបាន ហើយមិនដឹងថាត្រូវធ្វើយ៉ាងម៉េច។ ទើបចេះតែបណ្ដែតបណ្ដោយឲ្យវាទៅតាមអារម្មណ៍នៃទំនោរចិត្តមួយនោះកើតឡើង។

២. មានភាពរំជើបរំជួលឥតឈប់ឈរ

ធ្លាប់មានអារម្មណ៍រំជើបរំជួលជ្រុលហួសហេតុពេកដែរទេ? សូម្បីតែរឿងសមហេតុផលសោះ ក៏មានអារម្មណ៍បែបនេះដែរ។ ពេលខ្លះយើងអាចមិនសប្បាយចិត្ត តែក៏មិនសោកសៅណាស់ណាដែរ ប៉ុន្តែវាដូចជាអារម្មណ៍មួយដែលច្របូកច្របល់ឥតបានការ នៅក្នុងចិត្ត។ អ្វីដែលធ្វើឲ្យយើងមានអារម្មណ៍បែបនេះ គឺគ្រាន់តែអារម្មណ៍មួយដែលស្ពឹកស្រពន់ក្នុងចិត្តតែប៉ុណ្ណោះ។

៣. គ្មានអ្វីដែលធ្វើឲ្យយើងរំភើបក្នុងចិត្ត

នៅសុខៗយើងស្រាប់តែលែងចាប់អារម្មណ៍ នូវរឿងរ៉ាវជុំវិញខ្លួនទៀត។ រឿងធ្លាប់សប្បាយក៏មិនរំភើបនិងងប់ងុលដូចមុន។ កាលពីមុនធ្លាប់ចូលចិត្តច្រៀងឬគូគំនូរ ប៉ុន្តែបច្ចុប្បន្ននេះជីវិតប្រែជាសោះក្រោះ ហាក់ដូចជាមានបន្ទុកមួយក្នុងជីវិត។

៤. លែងគេងលក់ស្កប់ស្កល់ដូចពីមុន

ឲ្យតែពេលយប់មកដល់ យើងប្រែជាលែងបានគេងឬសម្រាកស្កប់ស្កល់ជាងមុន។ កណ្ដាលយប់ស្រាប់តែភ្ញាក់ដឹងខ្លួនជាប់ៗគ្នា សឹងតែរាល់រាត្រី។ សូម្បីតែអារម្មណ៍ស្រស់ស្រាយ ក៏លែងមានទាល់ទៅទៀត។ ព្រឹកឡើងភ្ញាក់មកសឹងតែមិនចង់ប្រើដង្ហើមបន្តជីវិត គិតថាជីវិតរស់ដើម្បីអ្វី?

៥. លែងរីករាយក្នុងមួយថ្ងៃៗ

ពិធីជប់លៀង ការជួបជុំ និងឱកាសពិសេសៗ គឺគ្រាន់តែជាថ្ងៃធម្មតាសម្រាប់យើងប៉ុណ្ណោះ។ យើងប្រែជាលែងត្រេកអរនឹងកម្មវិធីអស់នេះទៀត។ សូម្បីតែដំណឹងរីករាយក៏គ្មានរំភើបត្រេកអរដូចមុន និយាយរួមគឺអសកម្មគ្រប់រឿងទាំងអស់៕

ប្រែសម្រួល៖ សាង ស្រីល័ក្ខ

ប្រភព៖lifehack

ចុចអាន៖ហេតុផល ៣ យ៉ាងនេះហើយដែលគ្រប់គ្នាគួរតែចាប់ផ្ដើមពុះពារបង្កើតក្ដីស្រមៃ

ចុចអាន៖សញ្ញាទាំង ៥ បង្ហាញថា បុរសម្នាក់កំពុងព្យាយាមចែចង់អ្នក