KPT+

៦យ៉ាងនេះ យុវវ័យអឺរ៉ុបគិតខុសពីយើងអាស៊ី

បានផុស

៤ years មុន

នៅ

ថ្ងៃសៅរ៍ ១០ មេសា ២០២១

ដោយ

សាង ស្រីល័ក្ខ

នេះគឺជារឿង ៦ យ៉ាង ដែលយើងគួរតែរៀនពីយុវវ័យនៅប្រទេសអភិវឌ្ឍន៍ មកប្រើជាគន្លឹះផ្លាស់ប្ដូរជីវិតទៅរកភាពវិជ្ជមានក្នុងជីវិត។

១. ឈប់ប្រៀបធៀបជាមួយអ្នកដទៃ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មនុស្សគ្រប់គ្នាមានខ្សែវាសនាខុសគ្នា។ ប៉ុន្តែបញ្ហាជាមួយយើងភាគច្រើនគឺស្ថិតនៅក្នុងការចង់ក្លាយជាមនុស្សដែលគ្រប់គ្នាមើលឃើញ។ យើងបាត់បង់ភាពជាខ្លួនឯង ហើយក៏បានភ្លេចស្រឡាញ់ខ្លួនឯង។

ការប្រៀបធៀបជាមួយមនុស្សផ្សេង គឺជាការបំផ្លិចបំផ្លាញខ្លួនឯង ហើយមានអារម្មណ៍ថាគ្មានតម្លៃ។ ដូច្នេះសូមឈប់ទម្លាប់ប្រើលក្ខណៈពិសេសរបស់អ្នក ឲ្យទៅជាមនុស្សផ្សេង។ បើយើងកាន់តែប្រៀបធៀប នឹងកាន់តែបាត់បង់។

២. រំលឹកសមិទ្ធផលពីអតីតកាល

បើអ្នកមានអារម្មណ៍ថាខ្លួនឯងល្អមិនគ្រប់គ្រាន់ សូមងាកទៅមើលអំពើល្អដែលបានធ្វើកន្លងមក ឬអានអារម្មណ៍វិជ្ជមានណាមួយ ចេញពីសៀវភៅ ដែលអាចលើកស្ទួយស្ថានភាពផ្លូវចិត្ត និងធ្វើឲ្យអ្នកមានកម្លាំងឡើងវិញ។

៣. ផ្ដោតលើដំណើរការជាជាងលទ្ធផល

តើយើងឧស្សាហ៍គិតអំពីទ្រព្យសម្បត្តិដែលជាប់ទាក់ទងនឹងភាពជោគជ័យ មុនពេលទទួលបានជោគជ័យដែរទេ?
វាគឺជារោគសញ្ញាទូទៅមួយ ដែលមានមនុស្សជាច្រើន នៅក្នុងពិភពសម្ភារៈនិយមតែងគិត។ យើងគិតពីឈ្មោះ កិត្តិនាម ប្រណីតភាព ភ្ជាប់ទៅនឹងភាពជោគជ័យយ៉ាងខ្លាំង នៅពេលយើងត្រលប់ទៅរកភាពពិតវិញ វានាំឱ្យមានការខកចិត្តជាខ្លាំង។

ដូច្នេះ ចូរផ្ដោតលើដំណើរការជាជាងលទ្ធផល ហើយត្រូវយល់ថា វាជារឿងធម្មតា ដែលបានកើតឡើងជាមួយមនុស្សស្ទើរតែគ្រប់គ្នា។

៤. ជ្រើសរើសមនុស្សដែលត្រឹមត្រូវអាចចែករំលែកបាន

ត្រូវប្រាកដថា អ្នកអាចបញ្ចេញអារម្មណ៍នៃគ្រាលំបាករបស់អ្នកទៅមនុស្សដែលស្គាល់អ្នកច្បាស់ ឬមួយអាចជឿទុកចិត្តលើគេបាន។

ប៉ុន្តែសូមប្រាកដថា ការចែករំលែករបស់អ្នក ប្រហែលជាមិនទទួលបានដំបូន្មានត្រឹមត្រូវទេ ប៉ុន្តែយ៉ាងណា ក៏គ្រាន់បើជាងមិនប្រាប់គេដែរ។

៥. ទង្វើនៃការអាណិតអាសូរណាមួយអាចធ្វើឲ្យអ្នកមានកម្លាំងឡើងវិញ

វិធីល្អបំផុតមួយក្នុងការធ្វើឱ្យខ្លួនឯងប្រសើរឡើងវិញ គឺតាមរយៈការលើកស្ទួយអ្នកដទៃ។ នៅពេលអ្នកបំពេញសេចក្ដីត្រូវការផ្លូវចិត្ត ឬហិរញ្ញវត្ថុរបស់អ្នកដទៃ មិនត្រឹមតែធ្វើឲ្យស្នាមញញឹមនៅលើមុខរបស់ពួកគេប៉ុណ្ណោះទេ។ ថែមទាំងធ្វើឲ្យអ្នកមានអារម្មណ៍រីករាយផងដែរ។ នៅពេលណាដែលអ្នកមានអារម្មណ៍មិនល្អ ចំពោះខ្លួន ចូរបំពេញការអាណិតអាសូរ។

៦. ឈប់បំពេញការរំពឹងទុកដែលមិនសមហេតុផលរបស់មនុស្ស

តើអ្នកតែងតែព្យាយាមបំពេញការរំពឹងទុករបស់អ្នកដទៃ លើខ្លួនឯងទេ? ប្រសិនបើមែន អ្នកកំពុងជីកផ្នូរផ្ទាល់ខ្លួនហើយ។ មិនត្រឹមតែ បាត់បង់មនុស្សប៉ុណ្ណោះទេ ប៉ុន្តែអ្នកក៏នឹងក្លាយជាបុគ្គលរបស់ខ្លួនឯងផងដែរ។

អ្នកមិនអាចបដិសេធការរំពឹងទុករបស់មនុស្សគ្រប់គ្នា លើខ្លួនឯងបានទេ តែអ្នកត្រូវដឹងច្បាស់ពីភាពខុសគ្នា រវាងការទទួលខុសត្រូវចាំបាច់ និងជាអាយ៉ងរបស់អ្នកដទៃ៕

ប្រែសម្រួល៖ សាង ស្រីល័ក្ខ

ចុចអាន៖៤ ជំហានងាយៗ ដើម្បីចាប់ផ្ដើមរស់នៅក្នុងជីវិតវិជ្ជមាននិងផ្លូវចិត្តធូរស្រាល

ចុចអាន៖បកស្រាយនិយមន័យនៃចិត្តមេត្តាករុណាដែលគ្រប់គ្នាលុតជង្គង់ចុះចាញ់