អ្នកកើតកូវីដបានចេញ-ចូលផ្សារស្ទឹងមានជ័យទិញម្ហូបអា ហារ២សប្តាហ៍គ្មាននរណាដឹង

អនុគណៈកម្មការស្រាវជ្រាវជំងឺកូវីដ១៩ បានប្រកាសឱ្យប្រជាពលរដ្ឋដែលបានទៅដើរផ្សារស្ទឹងមានជ័យចាស់ ត្រូវដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល ១៤ថ្ងៃ​ តាមវិធានសុខាភិបាល ចាប់ពីថ្ងៃទី ២៧ ខែមីនា រហូតដល់ថ្ងៃទី ១០ ខែមេសា។

ការប្រកាសបែបនេះ ដោយសារតែមានអ្នកជំងឺកូវីដ១៩ម្នាក់បានទៅដើរផ្សារទិញម្ហូបអាហារ ជារៀងរាល់ថ្ងៃនៅផ្សារស្ទឹងមានជ័យចាស់ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។

អនុគណៈកម្មការស្រាវជ្រាវជំងឺកូវីដ១៩ ក៏សំណូមពរឱ្យប្រជាពលរដ្ឋដែលបានទៅផ្សាយស្ទឹងមានជ័យចាស់ ត្រូវពាក់ម៉ាស់ រក្សាគម្លាត នៅពេលចេញទៅខាងក្រៅ៕

អត្ថបទ៖ ឡេង ដេត

​