ព័ត៌មានជាតិ
សមត្ថកិច្ចបញ្ជូនខ្លួនអតីតកីឡាប្រដាល់ និង បក្ខពួកទៅតុលាការ ករណីឆក់ត្រីក្នុងបឹងពារាំង
សមត្ថកិច្ចបានឲ្យដឹងថា អតីតកីឡាប្រដាល់ លោកសារឹម វ៉ាន់ថន និងគូកនម្នាក់ទៀត បានត្រូវសមត្ថកិច្ចរដ្ឋបាលជលផល កសាងសំណុំរឿងបញ្ជូនទៅតុលាការ ករណីចូលឆក់ត្រីក្នុងតំបន់ហាម ឃាត់ បឹងពារាំង។
យោងរបាយការណ៍របស់ប៉ុស្តិ៍នគរបាលសង្កាត់ជ្រាវបានបង្ហាញថា នៅយប់ថ្ងៃទី១១ ខែមេសា ឆ្នាំ២០២១ ជនសង្ស័យឈ្មោះ សារឹម វ៉ាន់ថន និងឈ្មោះ សៀ ឆៃណា ដែលជាសម្លាញ់នឹងគ្នាបានផឹកស៊ីជុំគ្នា នៅក្នុងភូមិបុស្សក្រឡាញ់ ជាមួយម្ចាស់ផ្ទះឈ្មោះទិត្យ។ លុះផឹកដល់ម៉ោងប្រហែល២២និង៣០នាទី ក៏បែកគំនិតខ្ចីដុំឆក់ពីម្ចាស់ផ្ទះឈ្មោះទិត្យ ជិះម៉ូតូ០២គ្រឿង គ្នា ០២នាក់ ចេញទៅឆក់ត្រីនៅចំណុចតំបន់ បបុស្ស ស្ថិតក្នុងភូមិសាស្ត្រ សង្កាត់ជ្រាវ ក្រុងសៀមរាប។ ខណៈពេលកំពុងចាប់ផ្ដើមឆក់ត្រី ត្រូវបានកម្លាំងប្រជាសហគមន៍សង្កាត់ជ្រាវ ដែលប្រចាំការនៅគោលដៅ នោះស្រាប់ ចាប់ខ្លួនប្រគល់ឲ្យសមត្ថកិច្ចប៉ុស្តិ៍ជ្រាវ ដើម្បីបញ្ជូនទៅជំនាញរដ្ឋបាលជលផល ដើម្បីកសាងនីតិវិធី។ ជនសង្ស័យទាំង០២នាក់ ដែលឃាត់ខ្លួនមានទី១ ឈ្មោះ សៀ ឆៃណា ភេទប្រុស អាយុ៣៦ឆ្នាំ មុខរបរជាងជួសជុលកង់ម៉ូតូ ទីលំនៅបច្ចុប្បន្ន ភូមិជ្រាវ សង្កាត់ជ្រាវ ក្រុងសៀមរាប។ ជនសង្ស័យទី២ ឈ្មោះ សារឹម វ៉ាន់ថន ភេទប្រុស អាយុ៤១ឆ្នាំ មុខរបរ កីឡាប្រដាល់។ ទីលំនៅបច្ចុប្បន្ន ភូមិបុសក្រឡាញ់ សង្កាត់ជ្រាវ ក្រុងសៀមរាប។ ក្រៅពីឃាត់ ខ្លួនកម្លាំងនគរបាលបានរឹបអូស សម្ភារនិង មធ្យោបាយ សម្រាប់ប្រព្រឹត្តបទល្មើស មួយចំនួនដូចជា ដុំអាំភ្លីឆក់១គ្រឿង អាគុយ ០១គ្រឿងម៉ូតូ ០២គ្រឿងផងដែរ។
លោកគង់ មង្គល ប្រធានសហគមន៍ ទេសចរណ៍ធម្មជាតិបឹងពារាំង បានឲ្យដឹងថា ជនសង្ស័យបានលួចចូលទៅឆក់ត្រី ក្នុងបឹងពារាំងត្រង់ចំណុច បបុស្ស ដែលជាតំបន់ហាមឃាត់ពិសេស គឺជាតំបន់ត្រីមេពូជ។ អីចឹងទេ ខាងលោកបានប្រគល់ឲ្យជំនាញបន្តនីតិវិធី។ ជុំវិញករណីនេះដែរ លោក ពត វណ្ណដេត នាយផ្នែករដ្ឋបាលជលផលចុងឃ្នៀស បានបញ្ជាក់តាទូរសព្ទនាព្រឹកថ្ងៃទី១២ ខែមេសានេះថា ករណីនេះលោកកំពុងសាកសួរបន្ថែម និងកសាងសំណុំរឿងបញ្ជូនទៅតុលាការ នៅរសៀលថ្ងៃទី១២ ខែមេសានេះ។
សូមរម្លឹកផងដែរថា សហគមន៍ទេសចរណ៍បឹងពារាំង ត្រូវបានការពារយ៉ាងតឹងតែងពីសំណាក់ប្រជាសហគមន៍ ជាច្រើននាក់បានសហការគ្នាការពារនិងថែរក្សាតំបន់ខាងលើនេះ ទុកជាកន្លែងទេសចរណ៍ធម្មជាតិដ៏ទាក់ទាញមួយក្នុងសង្កាត់ជ្រាវ ក្រុងសៀមរាប៕
អត្ថបទ៖ កុសល
សូមចុចអាន៖ សូមប្រុងប្រយ័ត្ន ស្ត្រីវ័យចំណាស់ម្នាក់ត្រូវរន្ទះបាញ់ស្លាប់នៅក្នុងចម្ការ
លោក នេត្រ ភក្រ្តា ៖ អ្នកផលិត មាតិកា គឺបានដើរតូនាទីសំខាន់ណាស់មិនមែនត្រឹមតែជាអ្នកនាំនូវការកំសាន្ត ចំណេះដឹង
សម្ដេចធិបតី និងលោកជំទាវ ចេញថ្លៃព្យាបាលទាំងស្រុងដល់នាយតាក់ស៊ី កំពុងមានជំងឺទឹកនោមផ្អែម ខ្សោយតម្រងនោម
នាយ តាក់ស៊ី រំភើបនិងដឹងគុណប្រមុខថ្នាក់ដឹកនាំកម្ពុជា ដែលឧបត្ថម្ភការព្យាបាលលោក នៅមន្ទីរពេទ្យព្រះកេតុមាលា ទាំងស្រុង
គូស្នេហ៍អ្នកផលិតមាតិកា មួយគូទៀតហើយ ចង់លាពាក្យថា “សង្សារ” ធ្វើជាដៃគូជីវិត (មានវីដេអូ)
នាយឧត្តមសេនីយ៍ មាស វីរិទ្ធ អាជ្ញាធរគ្រប់ថ្នាក់ មេភូមិ មេឃុំ ទទួលចំណេះដឹងលើការងារផ្សព្វផ្សាយ អប់រំ និងការប្រើប្រាស់App NoDrug
ត្រាំ ព្រមានក្រុមហាម៉ាស ថា នឹងជួបអាសន្នធំ បើមិនដោះលែងចំណាប់ខ្មាំង មុនគាត់ចូលកាន់តំណែង
វៀតណាម នឹងរំលាយចោលក្រសួងចំនួន ៥
មហាជនស្ញប់ស្ញែងសមត្ថភាពលោក ហេង ប៊ុនលាភ និងចាត់ទុកជាធនធានអ្នកសិល្បៈមួយរូប មិនគួរមើលរំលង
ក្រោយឮថាលែងប្រពន្ធមកយក Janie តួប្រុស Aum ចេញមុខបកស្រាយភ្លាមៗ
តារាសម្ដែង Park Min-jae ទទួលមរណភាពដោយជំងឺគាំងបេះដូងភ្លាមៗ
-
ព័ត៌មានជាតិ៤ ថ្ងៃ agoស្ពានដីឥដ្ឋ-ថ្មគរ នៅកៀនស្វាយឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
សន្តិសុខសង្គម៦ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
សេដ្ឋកិច្ច៥ ថ្ងៃ agoព្រលានយន្តហោះអន្តរជាតិតេជោសាងសង់បាន ៩២% ចំណាយថវិកាអស់ជាង ១,៣ ពាន់លានដុល្លារ
-
សេដ្ឋកិច្ច៣ ថ្ងៃ agoក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
-
ជីវិតកម្សាន្ដ៤ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ព័ត៌មានជាតិ៤ ថ្ងៃ agoEmirates នឹងតភ្ជាប់កម្ពុជាទៅកាន់១៤៨ គោលដៅក្នុង៨០ ប្រទេសនៅលើសកលលោក
-
ព័ត៌មានជាតិ២ ថ្ងៃ agoឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
-
បច្ចេកវិទ្យា១ សប្តាហ៍ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា