ព័ត៌មានជាតិ

តើករណីឆ្លងជំងឺកូវីដ១៩ជាមួយ រដ្ឋមន្ត្រីការបរទេសហុងគ្រី អាចជាករណីរលកទី២ដែរឬទេ?

Published

2 months ago

November 10, 2020

រហូតមកដល់ពេលនេះ មានអ្នកឆ្លងជំងឺកូវីដ១៩ ពីរដ្ឋមន្ត្រីការបរទេសនិងពាណិជ្ជកម្មហុងគ្រីដែលហៅថា ព្រឹត្តិការណ៍០៣វិច្ឆិកានោះ មានចំនួន៤នាក់ ហើយក្នុងនោះមានអង្គរក្សផ្ទាល់នៅជាមួយរដ្ឋមន្ត្រីការបរទេសហុងគ្រី លោកសួស យ៉ារ៉ា, លោក សរ ចិត្រា និងឯកអគ្គរដ្ឋទូតហុងគ្រីប្រចាំកម្ពុជា ហើយនៅសល់អ្នកជាប់ពាក់ព័ន្ធជាង១ពាន់នាក់ទៀត ត្រូវធ្វើតេស្តលើកទី៣និងទី៤ជាបន្តបន្ទាប់ទៀត។

ទាក់ទិននិងបញ្ហានេះ ភ្នាក់ងារកម្ពុជាថ្មី បានសាកសួរលោកស្រី វេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល ដោយលោកស្រីបានបញ្ជាក់យ៉ាងខ្លីថា«យើងមិនទាន់ប្រកាសថារលកទីពីរឯណាអូន?» ចំណែកអ្នកជំនាញសុខាភិបាលមួយរូប ដែលសូមមិនបញ្ចេញឈ្មោះ បានពន្យល់បន្ថែមថា ចំពោះករណីមានមនុស្សឆ្លងពីគណៈប្រតិភូហុងគ្រីថ្មីៗនេះ មិនមែនជាករណីការឆ្លងដំណាក់កាលទី២ទេ។

អ្នកជំនាញរូបនោះ បានបន្តទៀតថា យើងហៅដំណាក់កាលឆ្លងទី២ បានលុះត្រាតែរកឃើញអ្នកឆ្លងជំងឺកូវីដ១៩ មិនដឹងប្រភពហើយកើតក្នុងបណ្តុំតូច។ ប៉ុន្តែរាល់ថ្ងៃនេះ រកឃើញការឆ្លងដោយ ដឹងប្រភពច្បាស់លាស់ទាំងអស់ដូចជា ករណីគណៈប្រតិភូហុងគ្រីជាដើម។ ដូចនេះយើងកំពុងស្ថិតនៅក្នុងដំណាក់កាលទី១នៅឡើយទេ៕

អត្ថបទ៖ សំអឿន

សូមចុចអាន៖ គ្រឹះស្ថានសិក្សា៩ និងអង្គភាពមួយចំនួន ត្រូវបានចាត់ចែងអនុវត្តវិធានការ