ព័ត៌មានជាតិ

កម្មការិនីរោងចក្រឌីនហាន់ វិលទៅស្រុកកំណើតខេត្តក្រចេះ តេស្តមានកូវីដ ១៩

បានផុស

៤ years មុន

នៅ

ថ្ងៃចន្ទ ១២ មេសា ២០២១

ដោយ

រដ្ឋបាលខេត្តក្រចេះ បានប្រកាសរកឃើញអ្នកវិជ្ជមានកូវីដ-១៩ ចំនួន ០១ ករណី ជាកម្មកររោងចក្រ ឌីន ហាន់ មានឈ្មោះ ជុំ ចន្ធី ភេទស្រី អាយុ២៩ឆ្នាំ ដែលមានទីលំនៅបច្ចុប្បន្នភូមិវាលបីចក្រីហេង ឃុំគ្រញូងសែនជ័យ ស្រុកស្នួល ខេត្តក្រចេះ។

បើតាមអាជ្ញាធរ ស្រ្តីរូបនេះបានធ្វើដំណើរពីរាជធានីភ្នំពេញនៅថ្ងៃ ០៣ មេសា ឆ្នាំ២០២១ ទៅដល់ស្រុកឈ្នួលខេត្តក្រចេះ រួចអាជ្ញាធរបានឲ្យធ្វើចត្តាឡីស័កនៅផ្ទះ។ ប៉ុន្តែមានការរាយការណ៍ករណីផ្ទុះកូវីដនៅរោងចក្រឌីនហាន់ អាជ្ញាធរបានបញ្ជូនបន្តទៅសម្រាកមន្ទីរពេទ្យបង្អែកឈ្នួល។

នៅថ្ងៃ ០៩ ខែមេសា ឆ្នាំ២០២១ ស្រ្តីរូបនោះមានអាការៈក្តៅខ្លួន ក្អក និងឈឺបំពង់ក គ្រូពេទ្យយកសំណាកទៅតេស្តហើយលទ្ធផលមានវិជ្ជមានកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គិតត្រឹមព្រឹកថ្ងៃទី ១០ ខែមេសា ឆ្នាំ២០២១ មានកម្មករកម្មការិនីរោងចក្រឌីនហាន់ចំនួន ៦៣៨នាក់ បានឆ្លងកូវីដ១៩។ រោងចក្រឌីនហាន់ មានទីតាំងស្ថិតបណ្តោយផ្លូវឌួងងៀប សង្កាត់ស្ទឹងមានជ័យ ៣ ខណ្ឌមានជ័យនេះ មានកម្មករ-កម្មការិនីជាង ២០០០ នាក់បម្រើការងារ។

អាជ្ញាធរបានប្រកាសឲ្យក្រុមគ្រួសារ ឬ អ្នកស្នាក់នៅជាមួយគ្នា ឬអ្នកលក់ដូរ រួសរាន់មកយកសំណាក និងត្រូវដាក់ខ្លួននៅដាច់ដោយឡែក និងតាមដានសុខភាពរបស់ខ្លួនរយៈពេល ១៤ ថ្ងៃ តាមវិធានសុខាភិបាល៕

Related Topics:ខេត្តក្រចេះ