ផ្អាកមណ្ឌលសុខភាព ក្រឡា ជាបណ្តោះអាសន្នបន្ទាប់ពីប្រធានមណ្ឌលស្តីទីប៉ះពាល់ផ្ទាល់ជាមួយអ្នកជំងឺកូវីដ១៩

រដ្ឋបាលខេត្តកំពង់ចាមបានប្រកាសផ្អាកបណ្ដោះអាសន្ន មណ្ឌលសុខភាព ក្រឡា ស្ថិតនៅភូមិត្រពាំងជ្រៃ ឃុំក្រឡា ស្រុកកំពង់សៀម ខេត្តកំពង់ចាម ដោយសារប្រធានមណ្ឌលសុខភាពស្តីទី បានប៉ះពាល់ផ្ទាល់ជាមួយអ្នកមានវិជ្ជ​មានកូវីដ-១៩។

យោងតាមសេចក្តីជូនដំណឹងរបស់រដ្ឋបាលខេត្តកំពង់ចាម ដែលបានចេញផ្សាយកាលពីរសៀលថ្ងៃទី១២ ខែមេសានេះ បានឲ្យដឹងថា «ត្រូវបានផ្អាកជាបណ្ដោះអាសន្នមណ្ឌលសុខភាព ក្រឡា ដោយលោក ហួត សុធន់ ប្រធានមណ្ឌលសុខភាពស្តីទី ក្រឡា បានប៉ះពាល់ផ្ទាល់ជាមួយអ្នកជំងឺកូវី១៩ ឈ្មោះ សយ ស៊ាងប៊ន»។

នៅរសៀលថ្ងៃទី១២ ខែមេសាម្សិលមិញនេះ រដ្ឋបាលខេត្តកំពង់ចាមអនុញ្ញាតឲ្យបើកដំណើរការឡើងវិញ ក្រោយការបញ្ចប់ចត្តាឡីស័ករបស់មន្ទីរសម្រាកព្យាបាល បញ្ញា​ ហៅពេទ្យគា ក្រុងកំពង់ចាមផងដែរ​៕

អត្ថបទ ៖ សំអឿន