ព័ត៌មានជាតិ

បន្ទាន់! ប្រកាសនៅព្រឹកនេះជនជាតិខ្មែរ ០៣ នាក់ទៀត បានស្លាប់ដោយសារកូវីដ ១៩

បានផុស

៤ years មុន

នៅ

ថ្ងៃអង្គារ ១៣ មេសា ២០២១

ដោយ

តាមការរាយការណ៍របស់ក្រសួងសុខាភិបាលដែលប្រកាសនៅព្រឹកនេះ មានករណីស្លាប់ពលរដ្ឋខ្មែរ ០៣ នាក់ទៀតដោយសារកូវីដ ១៩ ។ ជនរងគ្រោះទីមួយបានស្លាប់នៅមន្ទីរពេទ្យហ្លួងម៉ែ និងពីរនាក់ទៀតស្លាប់នៅមន្ទីរពេទ្យខ្មែរសូវៀត។

ស្រ្តីទីមួយដែលស្លាប់មានអាយុ ៧៩ ឆ្នាំ រស់នៅសង្កាត់ស្ទឹងមានជ័យ ខណ្ឌមានជ័យ។ ស្រ្តីរូបនេះបានចូលសម្រាកពេទ្យនៅថ្ងៃ ៣០ មីនា ២០២១ ជាមួយស្ថានភាពក្អក ហត់ខ្លាំង។ ខណៈដែលជំងឺវិវឌ្ឍន៍កាន់តែធ្ងន់ធ្ងរ ជនរងគ្រោះបានស្លាប់នៅថ្ងៃ ១២ ខែមេសា ឆ្នាំ២០២១ វេលាម៉ោង ១៣ ០០។

ចំណែកជនរងគ្រោះពីរនាក់ដែលស្លាប់ដោយកូវីដ ១៩ គឺបុរសខ្មែរអាយុ ៥៧ ឆ្នាំ រស់នៅសង្កាត់ទួលសង្កែ ខណ្ឌឫស្សីកែវ និងស្រ្តីអាយុ ៥៩ ឆ្នាំ រស់នៅសង្កាត់បឹងសាឡាង ខណ្ឌទួលគោក។ អ្នកជំងឺទាំងពីរ បានចូលមកសម្រាកនៅមន្ទីរពេទ្យមិត្តភាពខ្មែរសូវៀត តែដោយស្ថានភាពជំងឺគ្រូពេទ្យមិនអាចសង្គ្រោះបាន បានស្លាប់នៅថ្ងៃ ១២ មេសា ឆ្នាំ២០២១។

បើតាមការឲ្យដឹងរបស់ក្រុមគ្រូពេទ្យបានបញ្ជាក់ករណីអ្នកជំងឺជាបុរសអាយុ ៥៧ ឆ្នាំ រស់នៅទួលសង្កែគឺបានបាត់បង់ជីវិតរួចទៅហើយ មុនពេលដឹឹកមកដល់មន្ទីរពេទ្រ។ តែដោយសារសង្ស័យគ្រូពេទ្យបានយកសំណាកមកវិភាគ លទ្ធផលគឺមានវិជ្ជមានកូវីដ១៩៕