ព័ត៌មានជាតិ
សមត្ថកិច្ចតាមក្រសោបបានយុវជន៥នាក់ពាក់ព័ន្ធការប្រើអាវុធ ដាវកាំបិត គ្រឿងញៀន
ខេត្តបាត់ដំបង៖ សមត្ថកិច្ចតាមក្រសោបយុវជន៥នាក់ពាក់ព័ន្ធនឹងការប្រើអាវុធ កាំបិត គ្រឿងញៀន ជាបន្តបន្ទាប់តាមចម្លើយសារភាព ដើម្បីកសាងសំណុំរឿងបញ្ជូនទៅតុលាការដាក់ទោសតាមច្បាប់។
លោកវរសេនីយ៍ឯក ឈឿង គឹមសុង នាយការិយាល័យនគរបាលព្រហ្មទណ្ឌកម្រិតស្រាលបានឱ្យដឹងថា កិច្ចប្រតិបត្តិការបង្ក្រាបករណីខាងលើធ្វើឡើងស្របតាមការសម្របសម្រួលនីតិវិធីពីលោក គឺ ប៊ុណ្ណារ៉ា ព្រះរាជអាជ្ញានៃអយ្យការអមសាលាដំបូងខេត្តបាត់ដំបង។
លោក ឈឿង គឹមសុង បន្តថា ការចុះបង្ក្រាបលើកទី១ នៅថ្ងៃទី១១ ខែមេសា ឆ្នាំ២០២១ វេលាម៉ោង២២:៣០នាទីនៅចំណុចមុខមន្ទីរពេទ្យវិសាលសុខ ស្ថិតក្នុងភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។ លោកបានដឹកនាំកម្លាំងក្រុមអន្តរាគមន៍បង្ការបង្ក្រាបចុះប្រតិបត្តិការបង្ក្រាបករណីប្រើប្រាស់ និងរក្សាទុកអាវុធដោយខុសច្បាប់០១ករណី និងបាននាំខ្លួនជនសង្ស័យចំនួន០៣នាក់មកកាន់ស្នងការដ្ឋាន។
ជនសង្ស័យទាំង៣នាក់រួមមាន ទី១ឈ្មោះសម្បត្តិ រតនៈ ហៅណាក់ ភេទប្រុស អាយុ២២ឆ្នាំ មានទីលំនៅភូមិទួលតាឯក សង្កាត់ទួលតាឯក ក្រុងបាត់ដំបង ខេត្តបាត់ដំបង ទី២ឈ្មោះ ហេង ទិត្យា ហៅចិន ភេទប្រុស អាយុ១៩ឆ្នាំ មានទីលំនៅភូមិតាកុក ឃុំនរាស្រុកសង្កែ ខេត្តបាត់ដំបង និងទី៣ ឈ្មោះ ធឿន លីហុង ហៅព្រំ អាយុ២០ឆ្នាំមានទីលំនៅភូមិស្តីលើ ឃុំព្រែកហ្លួង ស្រុកឯកភ្នំ ខេត្តបាត់ដំបង។
លោកវរសេនីយ៍ឯក ឈឿង គឹមសុង បន្តថា ក្រោយពីកម្លាំងសមត្ថកិច្ចបានធ្វើការសាកសួររួចក៏បានបន្តធ្វើការនាំខ្លួនជនសង្ស័យចំនួន០២នាក់ទៀតនៅថ្ងៃទី១២ ខែមេសា ឆ្នាំ២០២១ វេលាម៉ោង១៤:២៣នាទី នៅចំណុចក្រុមទី១១ ភូមិគោក ឃុំជ្រៃ ស្រុកថ្មគោល ខេត្តបាត់ដំបង រួមមាន ទី១ឈ្មោះ ណន និត ហៅបឹម ភេទប្រុស អាយុ២០ឆ្នាំ មានទីលំនៅភូមិកគោ ឃុំជ្រៃ ស្រុកថ្មគោល ខេត្តបាត់ដំបង និងទី២ឈ្មោះ ចន្ទ័ សិលា ភេទប្រុស អាយុ១៦ឆ្នាំ មានទីលំនៅភូមិត្រាង ឃុំអូរតាគី ស្រុកថ្មគោល ខេត្តបាត់ដំបង។
ក្រៅពីឃាត់ខ្លួនបានជនសង្ស័យទាំង៥នាក់ខាងលើសមត្ថកិច្ចក៏បានរកឃើញ និងដកហូតវត្ថុតាងមួយចំនួនរួមមានអាវុធខ្លីប្រើហ្គាស០១ដើម កាំបិតចំនួន០៣ដើម ម្សៅក្រាមពណ៌សស្រអាប់ច្រកក្នុងថង់ប្លាស្ទិកសង្ស័យមានសារធាតុញៀនចំនួន០៣កូនថង់ និងសម្ភារៈប្រើប្រាស់គ្រឿងញៀនមួយចំនួន។ ក្នុងនោះក៏បានដកហូតម៉ូតូបាន០២គ្រឿងម៉ាកហុងដាឌ្រីមសេ១២៥ពណ៌ខ្មៅស៊េរីឆ្នាំ២០២០ ពាក់ស្លាកលេខ បាត់ដំបង1AI.8425០ និង០១គ្រឿងទៀតម៉ាកស៊េរីឆ្នាំ២០១៣ ពាក់ស្លាកលេខ បាត់ដំបង1O-1246។
បច្ចុប្បន្នជនសង្ស័យរួមទាំង៥នាក់រួមនឹងវត្ថុតាងខាងលើត្រូវបានកម្លាំងសមត្ថកិច្ចជំនាញនៃស្នងការខេត្តត្រៀមបញ្ជូនទៅតុលាការដើម្បីចាត់ការតាមនីតិវិធីក្រោយពីរៀបចំសំណុំរឿងរួចរាល់នៅថ្ងៃទី១៣ ខែមេសានេះ៕
អត្ថបទ៖ សៅ សារិទ្ធ
គំនូរវិចិត្រករកូរ៉េឆ្នាំ១៩៧១ ដេញថ្លៃបានលុយសុទ្ធជាង ៥.៩លានដុល្លារ លើទឹកដី ហុងកុង
មុននេះបន្តិច អគ្គិភ័យឆាបឆេះផ្ទះពលរដ្ឋ ចំណុចទល់មុខវិហារឥស្លាមគីឡូម៉ែត្រលេខ ០៩
ពលរដ្ឋជិះរថយន្តក្រុងមិនគិតថ្លៃ ឱកាសបុណ្យជាតិធំៗ កើនឡើងពី ១០ ទៅ ១៥ ភាគរយ ក្នុងមួយឆ្នាំ
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
វៀតណាមខូចខាត៣,៣ពាន់លានដុល្លារក្នុងព្យុះទីហ្វុងយ៉ាក់ជី (Yagi)
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
រមណីយដ្ឋានឆ្មាបាត់នៅកោះកុង ត្រៀមខ្លួនរួចស្រេច ទទួលភ្ញៀវទេសចរនៅថ្ងៃបុណ្យភ្ជុំបិណ្ឌ
-
ព័ត៌មានអន្ដរជាតិ៥ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៣ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៣ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៦ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ចរាចរណ៍២៣ ម៉ោង agoរថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ៤ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៤ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៥ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ