លោកជំទាវ ឱ វណ្ណឌីន ៖ យើង​កំពុង​ធ្វើ​ការ​ដោយ​មិន​គិត​ពី​ការ​នឿយ​ហត់​ទាំង​យប់​ទាំង​ថ្ងៃ​ដើម្បី​ដើរ​ចេញ​ពី​ប្រអប់​ Covid-19

តាមរយៈ​បណ្តាញសង្គម Telegram នៅ​ព្រឹក​ថ្ងៃទី១៤ ខែមេសា​នេះ លោកជំទាវ ឱ វណ្ណឌីន រដ្ឋលេខាធិការ និងជាអ្នក​នាំពាក្យ​ក្រសួង​សុខាភិបាល​​បាន​និងជាប្រធានគណកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស លើក​​ឡើ​ង​ថា ឆ្នាំនេះ គឺជាឆ្នាំដែលយើងកំពុងធ្វើការដោយមិនគិតពីការនឿយហត់ទាំងយប់ទាំងថ្ងៃដើម្បីដេីរចេញពីប្រអប់ Covid-19 ។

លោក​ជំទាវបន្ថែម​​ថា មិនទាន់ហួសពេលនៅឡេីយទេ ដែលយេីងអាចរួមគ្នាធ្វេីសកម្មភាព និងឆ្លើយតបជាមួយគ្នាឥឡូវនេះ ដើម្បីឆាប់ទទួលបានជីវិតធម្មតាថ្មីរបស់យើង ហើយមិនត្រូវបណ្តោយឱ្យមេរោគចង្រៃនេះ វាត្រួតត្រាយើងបានឱ្យសោះ យើងចាំបាច់ត្រូវតែគ្រប់គ្រងវាឱ្យបានក្នុងពេលឆាប់ៗខាងមុខនេះ! អនុវត្តវិធានការ ៣ការពារ + ៣កុំ + ចាក់វ៉ាក់សាំងការពារកូវីដ-១៩ + ចូលឆ្នាំនៅផ្ទះ = ឈ្នះកូវីដ-១៩។