ព័ត៌មានជាតិ

អ្នកនាំពាក្យសាលារាជធានីភ្នំពេញ បង្ហាញ Link ដើម្បីរង់ចាំឆ្លើយតបចម្ងល់ពលរដ្ឋ ជុំវិញ ការខ្ទប់រាជធានីភ្នំពេញ

បានផុស

៤ years មុន

នៅ

ថ្ងៃព្រហស្បតិ៍ ១៥ មេសា ២០២១

ដោយ

យោងតាមគណនេយ្យហ្វេសបុកផ្លូវការណ៍ របស់លោក ម៉េត មាសភក្តី អ្នកនាំពាក្យសាលារាជធានីភ្នំពេញ បានបង្ហោះសារ ជូនសាធារណជន និងពលរដ្ឋ ដែលមានចម្ងល់អំពីការបិទខ្ទប់រាជធានីភ្នំពេញ អាចចូលទៅក្នុង Link មួយដែលមានឈ្មោះ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

https://t.me/ppcityhall (https://t.me/ppcityhall)ដើម្បីអាជ្ញាធររាជធានីភ្នំពេញ ធ្វើការបកស្រាយចម្ងល់របស់បងប្អូន ។

ក្នុងអត្ថន័យ លើហ្វេសបុកផ្ទាល់របស់លោក បានសរសេរថា « តើខ្ញុំអាចធ្វើដំណើរចេញពីផ្ទះទៅធ្វើការរកស៊ីបានទេ ? តើខ្ញុំអាចទៅផ្សារទិញម្ហូបអាហារបានទេ? តើខ្ញុំអាចចេញទៅចាក់វ៉ាក់សាំងការពារកូវីដ-១៩បានទេ? បើបងប្អូនមានសំនួរពាក់ព័ន្ធការបិទខ្ទប់រាជធានីភ្នំពេញ ដើម្បីទប់ស្កាត់ការរីករាលដាលជំងឺកូវីដ-១៩ សូមចុច និងសួរនាំតាម Link នេះ https://t.me/ppcityhall។ យើងខ្ញុំរង់ចាំឆ្លើយតប ពន្យល់ និងជម្រាបជូនស្រាយចម្ងល់របស់បងប្អូន។ សូមអរគុណ » ។

គួររំលឹកថា ប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតីតេជោ ហ៊ុនសែន នាយករដ្ឋមន្ត្រី នៃព្រះរាជាណាចក្រកម្ពុជា កាលពីយប់ថ្ងៃទី១៤ ខែមេសា ឆ្នាំ២០២១ បានចេញនូវសេចក្តីសម្រេច ស្តីពីការបិទខ្ទប់តំបន់ភូមិសាស្ត្ររាជធានីភ្នំពេញ ដើម្បីទប់ស្កាត់ នៃការរីករាលដាល នៃជំងឺកូវីដ១៩ ។ នៅក្នុងសេចក្តីសម្រេចនោះ មាន១០ប្រការ ដែលចែងអោយរដ្ឋបាលរាជធានីខេត្តដែលឋិតក្នុងតំបន់បិទខ្ទប់ត្រូវបំពេញ និងអនុវត្តឲ្យមានខ្ជាប់ខ្ជួន ។

សេចក្តីសម្រេចដដែលរបស់ប្រមុខរាជរដ្ឋាភិបាលកម្ពុជា ក៏អនុញ្ញាតឲ្យមានការបន្តដំណើរចូល ឬឆ្លងកាត់ តំបន់បិទខ្ទប់បាន ដោយការលើកលែងទាំងអស់នោះ មានចែងរួចជាស្រេច នៅក្នុងសេចក្តីសម្រេច ៕

អត្ថបទ៖ លីហេង

សូមចុចអាន៖ យកតេស្តសំណាក អាជីវករផ្សារក្រោម ១៥៦នាក់ ពាក់ព័ន្ធអ្នកវិជ្ជមានកូវីដ១៩