ព័ត៌មានជាតិ

អ្នកស្ទឹងមានជ័យ ទប់ទឹកភ្នែកលែងជាប់ ពេលឃើញរថយន្តសង្គ្រោះតម្រង់ជួរមកដឹកអ្នកជំងឺ

បានផុស

៤ years មុន

នៅ

ថ្ងៃព្រហស្បតិ៍ ១៥ មេសា ២០២១

ដោយ

អ្នករស់នៅតាមបណ្តោយផ្លូវមុនីរ៉េត ក្នុងភូមិសាស្ត្រសង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ មានក្តីរន្ធត់ចិត្តពេលឃើញរថយន្តសង្គ្រោះរបស់មន្ទីរពេទ្យរដ្ឋ បានមកតម្រង់ជួរមកឈប់សំចតរង់ចាំដឹកអ្នកជំងឺកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពពីលោកវរសេនីយ៍ឯក ម៉េង វិមានតារ៉ា អធិការនគរបាលខណ្ឌមានជ័យ បានប្រាប់កម្ពុជាថ្មី ថា រូបលោកផ្ទាល់មានក្តីរន្ធត់ពេលឃើញរថយន្តសង្គ្រោះរបស់មន្ទីរពេទ្យរដ្ឋ មកឈប់សំចតត្រៀមចាំដឹកអ្នកជំងឺកូវីដ១៩ នៅក្នុងភូមិសាស្ត្រ ខណ្ឌមានជ័យ រាជធានីភ្នំពេញ។ លោកអធិការបន្តថា ពេលបានឃើញរថយន្តសង្គ្រោះមកត្រៀមចាំដឹកអ្នកជំងឺរាប់សឹបគ្រឿងបែបនេះ គ្មានអ្នកណាម្នាក់អាចទប់ទឹកភ្នែកបានទេ។ ព្រោះអ្នកជំងឺមានក្មេង មានចាស់ ហើយភាគច្រើនជាកម្មករ កម្មការិនី បម្រើការងារតាមរោងចក្រ។ លោក ម៉េង វិមានតារ៉ា ក៏បានជូនពរដល់អ្នកជំងឺទាំងអស់ សូមឲ្យឆាប់ជាសះស្បើយពីជំងឺដ៏កាចសាហាវនេះ ក្នុងពេលឆាប់ៗ។ ក្នុងនោះសុំឲ្យបងប្អូនប្រជាពលរដ្ឋយើង មេត្តាអនុវត្តតាមសេចក្តីជូនដំណឹងរបស់ក្រសួងសុខាភិបាលឲ្យបានគ្រប់ៗគ្នា។

គួរបញ្ជាក់ថា រូបភាពនេះគឺរថយន្តសង្គ្រោះ បានតម្រង់ជួរមកដឹកអ្នកឆ្លងជំងឺកូវីដ១៩នាថ្ងៃទី១៥ខែមេសានៅតាមបណ្តោយផ្លូវមុនីរ៉េត ក្នុងមូលដ្ឋានខណ្ឌមានជ័យរាជធានីភ្នំពេញ៕

អត្ថបទ៖ នរា

សូមចុចអាន៖ បុគ្គលិកក្រុមហ៊ុនទូរសព្ទ OPPO ម្នាក់ឆ្លងកូវីដ បានប៉ះពាល់អ្នកធ្វើការជាមួយ ០៧ នាក់ទៀត