Connect with us

ព័ត៌មានជាតិ

កម្មការិនីសម្រាលកូនក្នុងបន្ទប់ទឹកជាន់ទី៣ត្រូវបាននគរបាលបីចុះដាក់ឡានសង្រ្គោះ

បានផុស

នៅ

ភ្នំពេញ៖ នគរបាលរដ្ឋបាលប៉ុស្តិ៍ចោមចៅទី១ បានឡើងទៅបីស្រ្តីជាកម្មកររោងចក្រម្នាក់ដែលបាន សម្រាលកូននៅក្នុងបន្ទប់ទឹកនៅបន្ទប់ជួលជាន់ទី៣ ទាំងហូរឈាមប្រឡាក់ពេញខ្លួនដើម្បីជួយសង្រ្គោះស្រ្តីរូបនោះនិងទារក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបង្កឱ្យមានការភ្ញាក់ផ្អើលឡើងនៅវេលាម៉ោង១រំលងអធ្រាត្រ ឈានចូលថ្ងៃទី១៦ ខែមេសា ឆ្នាំ២០២១ ស្ថិតនៅតាមបណ្តោយមហាវិថីចោមចៅ ក្នុងភូមិត្រពាំងថ្លឹង២ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។

បើតាមការរៀបរាប់ពីលោក អ៊ុក វ៉ាន់ឌី នាយរងប៉ុស្តិ៍នគរបាលរដ្ឋបាលសង្កាត់ចោមចៅទី១ បានឱ្យដឹងថា ដោយលោកជាអ្នកមើលការខុសត្រូវ និងការពារគោលដៅនៅភូមិត្រពាំងថ្លឹង២  ត្រូវបានបិទខ្ទប់រយៈពេល១៤ថ្ងៃនោះ ត្រូវបានប្រជាពលរដ្ឋមកប្រាប់លោក ឱ្យជួយហៅរថយន្តសាមុយដើម្បីមកដឹកស្រ្តីម្នាក់កំពុងសម្រាលកូននៅក្នុងបន្ទប់ទឹកយកទៅសង្រ្គោះផង ព្រោះមានហូរឈាមច្រើន ខ្លាចប៉ះពាល់ដល់អាយុជីវិតគាត់ និងទារក ដោយប្តីរបស់គាត់ពិការជើងមួយចំហៀង។

លោក អ៊ុក វ៉ាន់ឌី បានទាក់ទងទៅថ្នាក់លើ និងជួយហៅរថយន្តសង្រ្គោះបន្ទាន់ឱ្យមកយកស្ត្រីរូបនោះភ្លាមៗ តែដោយសារផ្ទះជួលរបស់គាត់ជាន់ទី៣ ខាងរថយន្តសាមុយដាក់ប្រង់កាឡើងមិនរួច រូបលោកក៏បានសម្រេចចិត្តទៅលើកបីស្រ្តីសម្រាលកូនរូបនោះចុះពីផ្ទះជួលជាន់ទី៣ មកក្រោមទាំងដែលស្រ្តីរូបនោះមានហូរឈាមប្រឡាក់ពេញខ្លួន ដោយលោកមិនគិតពីការខ្ពើមរអើមនោះទេ ដើម្បីជួយស្រ្តី និងទារករូបនោះឱ្យរួចផុតពីគ្រោះថ្នាក់ដល់ជីវិត។

បន្ទាប់មករថយន្តសាមុយក៏បានដឹកនាង និងទារកយកទៅសង្រ្គោះបន្ទាន់នៅមន្ទីរពេទ្យមិត្តភាពខ្មែរ-សូវៀត៕

អត្ថបទ៖ សុខា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៦ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ៣ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានអន្ដរជាតិ៩ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានជាតិ៣ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

ព័ត៌មានជាតិ៤ ម៉ោង មុន

អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន

Sokha Hotels

ព័ត៌មានពេញនិយម