ព័ត៌មានជាតិ

លោកស្រីឱ វណ្ណឌីន ប្រកាសផ្អាកចាក់វ៉ាក់សាំងរយៈពេល៣ថ្ងៃនៅរាជធានីភ្នំពេញ

បានផុស

៤ years មុន

នៅ

ថ្ងៃសៅរ៍ ១៧ មេសា ២០២១

ដោយ

ភ្នំពេញ ៖ លោកស្រី វេជ្ជបណ្ឌិត ឱ វណ្ណឌីន ប្រធានគណៈកម្មការចំពោះកិច្ចចាក់វ៉ាក់សាំងកូវីដ១៩ នៅព្រឹកថ្ងៃទី១៧ ខែមេសា ឆ្នាំ២០២១ បានប្រកាសផ្អាកការចាក់វ៉ាក់សាំងកូវីដ១៩ ទាំងលើកទី១ និងលើកទី២ ជូនបងប្អូនប្រជាពលរដ្ឋនៅរាជធានីភ្នំពេញ រយៈពេល៣ថ្ងៃ ចាប់ពីថ្ងៃទី១៧ ដល់ថ្ងៃទី១៩ ខែមេសា ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈបណ្តាញតេឡេក្រាម លោកស្រីបានមានប្រសាសន៍ថា «ខ្ញុំសូមគោរពអនុញ្ញាតជម្រាបជួនឯកឧត្តម អភិបាលរាជធានីភ្នំពេញឲ្យបានជ្រាបថា តាមការសម្រេចរបស់សម្តេចនាយករដ្ឋមន្ត្រីហ៊ុនសែនគឺការចាក់វ៉ាក់សាំងកូវីដ១៩នៅរាជធានីភ្នំពេញ ត្រូវបានផ្អាកជាបណ្តោះអាសន្នចំនួន៣ថ្ងៃដោយគិតចាប់ពីថ្ងៃទី១៧ដល់ថ្ងៃទី១៩ ខែមេសា ឆ្នាំ២០២១ ហើយនៅថ្ងៃទី២០ខែមេសាការចាក់វ៉ាក់សាំងកូវីដ១៩នឹងត្រូវដំណើរការជាធម្មតាឡើងវិញ»។

លោកស្រីបានបន្តថា ដោយឡែកចំពោះបងប្អូនប្រជាពលរដ្ឋដែលមានបំណងធ្វើដំណើរមករាជធានីភ្នំពេញដើម្បីចាក់វ៉ាក់សាំងកូវីដ១៩នេះ សូមមេត្តាវិលត្រឡប់ទៅកាន់ដែលខ្លួនស្នាក់នៅវិញហើយត្រូវរង់ចាំការណែនាំសាជាថ្មីដែលគណៈកម្មការនឹងចេញផ្សាយនាពេលខាងមុខនេះ៕

ដោយ ៖ សំអឿន