ព័ត៌មានជាតិ

ផ្សារ ៣ កន្លែងកណ្តាលក្រុងកំពុងផ្ទុះអ្នកឆ្លងកូវីដ១៩

បានផុស

៤ years មុន

នៅ

ថ្ងៃអាទិត្យ ១៨ មេសា ២០២១

ដោយ

ក្រុងភ្នំពេញកំពុងផុយស្រួយ ដោយស្ថានភាពការរាលដាលជំងឺកូវីដ១៩ មិនថមថយ។ ក្នុងមួយថ្ងៃ មានករណីឆ្លងរាប់រយនាក់ ខណៈដែលមន្ទីរពេទ្យកកកុញដោយអ្នកជំងឺកំពុងសម្រាកព្យាបាល។

ជំងឺដ៏សាហាវនេះបានរាលដាលគ្រប់ខណ្ឌ ហើយមានផ្សារធំៗ ៣ កន្លែងនៅក្រុងភ្នំពេញបានផ្ទុះករណីឆ្លងកូវីដ ១៩ ដែលជាការបន្ថែមបន្ទុករាជធានីមួយនេះ ដែលស្ថិតក្នុងភាពប្រកាសអាសន្នរួចទៅហើយនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្សារអូរឫស្សី ជាមជ្ឍមណ្ឌលលក់ទំនិញដ៏ធំនៅក្រុងភ្នំពេញ។ មានពាក់ព័ន្ធអាជីវករ សន្តិសុខផ្សារ សរុបជាង ៤០០ នាក់ ឆ្លងកូវីដ ១៩ ក្នុងចំណោមអាជីករផ្សារជាង ៧០០០ នាក់។

ផ្សារចាស់ មានទីតាំងស្ថិតនៅតំបន់ប្រជុំជន ជាតំបន់ទេសចរណ៍ ក្បែរព្រះបរមរាជវាំង គិតចាប់ពីថ្ងៃទី៤ ខែមេសា ដល់ ១៥ ខែមេសា ឆ្នាំ២០២១ មានអាជីវករ ២៤ នាក់តេស្តឆ្លងកូវីដ១៩ ខណៈការតេស្តអ្នកពាក់ព័ន្ធជាច្រើនទៀតនៅតែបន្ត។

ផ្សារដើមគ ជាផ្សារបោះដុំបន្លែដ៏ធំនៅក្រុងភ្នំពេញ ក្រោយការប្រកាសមានអាជីវករនិងសន្តិសុខជាង ១០០ ឆ្លងកូវីដ អាជ្ញាធរបានប្រកាសផ្អាកបណ្តោះអាសន្ន។

អ្វីគួរឲ្យព្រួយបារម្ភ ផ្សារដែលបោះដុំបន្លែ ២៤ ម៉ោងនេះ មានមនុស្សមកពីគ្រប់ទិសទីមកថាតាមខេត្តក្រុងចេញចូល ហើយក្រោយផ្ទុះមានអ្នកឆ្លងទ្រង់ទ្រាយធំ គួរឲ្យបារម្ភអាចមានអ្នកប៉ះពាល់រាប់ពាន់នាក់៕

អត្ថបទ៖ ប៊ុណ្ណារ៉ា