ព័ត៌មានជាតិ

ខ្ញីទឹកឃ្មុំ បន្លែផ្លែឈើជាច្រើនកេស នឹងយកទៅចែកជូនអ្នកធ្វើចត្តាឡីស័កតាមផ្ទះ

បានផុស

៤ years មុន

នៅ

ថ្ងៃអាទិត្យ ១៨ មេសា ២០២១

ដោយ

ភ្នំពេញ៖ ខ្ញីទឹកឃ្មុំចំនួន១០កេស និងបន្លែផ្លែឈើក្រៀុមចំនួន៥០កេស ត្រូវបានសប្បុរសជនផ្តល់ជូនដល់រដ្ឋបាលរាជធានីភ្នំពេញ ដើម្បីយកទៅចែកជូនបងប្អូនប្រជាពលរដ្ឋដែលកំពុងជាប់ធ្វើចត្តាឡីសក័។

លោកឃួង ស្រេង អភិបាលនៃគណៈអភិបាលរាជធានីភ្នំពេញបានថ្លែងអំណរគុណយ៉ាងជ្រាលជ្រៅចំពោះ ក្រុមហ៊ុន KINO Care Cambodia និង ក្រុមហ៊ុន លីលីហ្វូត អុិនដាសទ្រី ខូអិលធីឌី ដែលបាននាំទឹកឃ្មុំ និងបន្លែផ្លែឈើក្រៀុមជាច្រើនកេស ជូនដល់រដ្ឋបាលរាជធានីភ្នំពេញ ដើម្បីយកទៅចែកជូនបងប្អូនប្រជាពលរដ្ឋ ដែលកំពុងជាប់ធ្វើចត្តាឡីសក័ តាមមូលដ្ឋាន និងតាមលំនៅដ្ឋានជាច្រើនគោលដៅក្នុងរាជធានីភ្នំពេញ ដែលត្រូវការជំនួយឧបត្ថម្ភជាចាំបាច់។

លោកអភិបាលក្រុងបានថ្លែងបន្តថា ការផ្តល់ជំនួយឧបត្ថម្ភនេះ ពិតជាបានរួមចំណែកជួយដោះស្រាយការលំបាករបស់បងប្អូនប្រជាពលរដ្ឋដែលកំពុងជាប់ធ្វើចត្តាឡីសក័នៅរាជធានីភ្នំពេញ ដែលត្រូវការការជួយឧបត្ថម្ភជាស្បៀងអាហារទាន់ពេលវេលា សម្រាប់ទ្រទ្រង់ការរស់នៅប្រចាំថ្ងៃដែលពលរដ្ឋខ្លះមានការខ្វះខាត បន្ទាប់ពីការបិទខ្ទប់ទីក្រុងបណ្តោះអាសន្ន៕